Dànì Kèhoį̀wo 6:17 - Nǫ̀htsı̨ Nı̨htł'è

¹⁷ Dèè wete teetł'ì agohłe ha. T'asìı hazǫǫ̀ yat'a zhıı nàdèe sìı, t'asìı hazǫǫ̀ ejìı sìı wedıhohtsı̨ ha. Dıı nèk'e t'asìı hazǫǫ̀ ełaàde ha.

Dànì Kèhoį̀wo 6:17 ပူးပေါင်းရင်းမြစ်များ

Dànì Kèhoį̀wo 2:7

Eyı tł'axǫǫ̀ gots'ǫ̀ K'àowo Nǫ̀htsı̨ dèè gots'ǫ ehtł'è t'à dǫ whehtsı̨. Dǫ wı̨ı̨ghǫ̀ yìı whehsò t'à edaà ayį̀į̀là, hanì t'aa dǫ edaà ajà.

Dànì Kèhoį̀wo 6:13

Eyıt'à Nǫ̀htsı̨ Noah ts'ǫ̀ hadı, “Dıı nèk'e dǫ gıxè hołı̨ı̨ nàowoò nàtsoò agòjà t'à dǫ hazǫǫ̀ gıdıhohtsı̨ ha eyıts'ǫ dıı dèè sı wedıhohtsı̨ ha.

Dànì Kèhoį̀wo 6:16

Weka dahmò nehtsı̨, wezhıı hoònǫ-daats'ǫ̀-ek'èdı̨ golahchì wemǫǫ̀ xàgǫǫɂà anele. Elàcho weghǫhk'eè enìı̨tǫ whetǫ anele, eyıts'ǫ weyìı taı dahkǫ̀ goı̨htsı̨.

Dànì Kèhoį̀wo 6:7

Eyıt'à gots'ǫ̀ K'àowo hadı, “Dǫ hazǫǫ̀ whıhtsı̨ı̨ sìı wek'eehłı̨ t'à dıı nèk'e dǫ hazǫǫ̀ gıdıhohtsı̨ ha. T'asìı hazǫǫ̀ dıı nèk'e edaa, tıts'aàdìı dèè k'e k'edèe, dèè k'e k'eɂàa lanıı, eyıts'ǫ yat'a k'edèe sìı hazǫǫ̀ gıdıhohtsı̨ ha,” hadı.

Dànì Kèhoį̀wo 7:15

T'asìı hazǫǫ̀ ejìı sìı werezhıì eyıts'ǫ wedets'è Noah ts'ǫ̀ geède, elàcho yìı gı̨ı̨de.

Dànì Kèhoį̀wo 7:17

Dı̨ènǫ dzęę̀ ts'ǫ̀ deɂǫ̀ǫ̀ tı łǫ dèè goteètł'ı. Deɂǫ̀ǫ̀ sıì tagoǫhwhàà agòjà t'à elàcho dèè wedoo dagǫǫwà ts'ǫ̀ daeleè ajà.

Dànì Kèhoį̀wo 7:4

Łǫ̀hdı̨ dzęę̀ tł'axǫǫ̀ nı̨dè dı̨ènǫ dzęę̀ eyıts'ǫ dı̨ènǫ toò ts'ǫ̀ chǫh agodeè ahłe ha. Dıı nèk'e t'asìı hazǫǫ̀ edaa whıhtsı̨ı̨ sìı hazǫǫ̀ wedıhohtsı̨ ha,” Nǫ̀htsı̨ hadı.

Dànì Kèhoį̀wo 9:9

“Naxı̨ naxıxè eyıts'ǫ naxıts'ıhɂǫ̀ǫ-dǫǫ̀ gıgǫ̀hłı̨ ha sìı gıxè nakenahohtsı̨ ha,

Matthew 24:39

Gıxè dàgode ha gık'èezǫ-le, hǫtsaa gıxè dèè te teètł'ı, dǫ hazǫǫ̀ tı t'à ełaàgı̨ı̨dè. Dǫ-wet'àaɂàa-deè nììtłaa dzęę̀ k'e nı̨dè hotıì eyı lagode ha hǫt'e.

Luke 17:27

Noah elàcho yìetłaa dzęę̀ k'e gots'ǫ̀ dǫ shègezhe, gedǫ, eyıts'ǫ ełexè honìgedè ı̨lè. Hǫtsaa gıxè dèè te teètł'ı t'à dǫ hazǫǫ̀ ełaàgı̨ı̨dè.

Rome 5:21

Hanì hòɂǫ t'à hołı̨ı̨ ts'ıhɂǫ̀ dǫ ełaàgede ı̨lè, hanìkò Nǫ̀htsı̨ gots'ǫ̀ sǫnıwǫ t'à ehkw'ı geedaa k'ę̀ę̀ gııtà agole ha, eyıts'ǫ Zezì-Krı wet'ǫ̀ǫ̀ welǫ whìle ts'ǫ̀ geedaà agole ha.

Rome 6:23

Hołı̨ı̨ hots'ehtsı̨ k'èxa ełaàts'ede hǫt'e. Hanìkò gots'ǫ̀ K'àowo Zezì-Krı wet'ǫ̀ǫ̀ Nǫ̀htsı̨ welǫ whìle ts'ǫ̀ ts'eedaà agǫ̀ǫ̀là hǫt'e.

Hebrew 11:7

Nǫ̀htsı̨ dàgode ha sìı ghǫ nadąą̀ Noah ts'ǫ̀ goı̨de ekò Noah wegha ehkw'ı-ahodı ı̨lè. Nǫ̀htsı̨ k'èch'a welè sǫ̀ǫ̀ nıwǫ t'à edets'èkeè eyıts'ǫ edeza edaxàgole ha elàcho whehtsı̨. Noah wegha ehkw'ı-ahodı t'à, dıı nèk'e dǫ ełaàgede gha gısınìyaetı ha wek'èhoedzǫ ayį̀į̀là eyıts'ǫ wegha ehkw'ı-ahodı t'à ehkw'ı eda k'ę̀ę̀ Nǫ̀htsı̨ yı̨ı̨htà.

1 Peter 3:20

T'akwe whaà Noah elàcho whehtsı̨ ekò ekìıyeè k'e Nǫ̀htsı̨ k'èagı̨ı̨t'e-le ı̨lè. Ekò k'e Nǫ̀htsı̨ ts'èwhı̨į̀ godanaèhɂı̨ ı̨lè, hanìkò eyı elàcho wet'à dǫ łǫ-lea zǫ edaxàwhede; dǫ ek'èdı̨ zǫ tı t'à ełaàgı̨ı̨dè-le ı̨lè.

2 Peter 2:5

Eyıts'ǫ ı̨nę̀ę whaà hołı̨ı̨-hogehtsı̨ı̨-dǫǫ̀ dıı nèk'e nàgı̨ı̨dèe sìı Nǫ̀htsı̨ etegoòɂı̨-le t'à, dèè te teètł'ıı t'à ełaàgı̨ı̨dè agǫ̀ǫ̀là ı̨lè. Noah nàowo ehkw'ıı ghǫ goı̨dee sìı ededı̨ zǫ edaxàyèhtı̨ eyıts'ǫ wexè dǫ łǫ̀hdı̨ edaxàgoı̨la.