Dànì Kèhoį̀wo 5:22 - Nǫ̀htsı̨ Nı̨htł'è

²² Metuselah wegǫ̀hłı̨ tł'axǫǫ̀ Enoch taekw'eènǫ (300) xo ts'ǫ̀ Nǫ̀htsı̨ xè aet'į̀. Weza eyıì-le łǫ eyıts'ǫ wetì sı łǫ gòı̨lè.

Dànì Kèhoį̀wo 5:22 ပူးပေါင်းရင်းမြစ်များ

Dànì Kèhoį̀wo 17:1

Abram łǫǫ̀tǫènǫ-daats'ǫ̀-łǫǫ̀tǫ weghoò ekò gots'ǫ̀ K'àowo wets'ǫ̀ wègoèht'į̀, hayèhdı, “Nǫ̀htsı̨ t'asìı wegha dìì-le aht'e. Senadąą̀ hotıì ehkw'ı ı̨da.

Dànì Kèhoį̀wo 24:40

“Eyıt'à dıı hasèhdı, ‘Gots'ǫ̀ K'àowo wenàowoò k'ę̀ę̀ ehdaa sìı edets'ǫ yak'eet'ı̨į̀ nexè ayele ha, eyıts'ǫ ayìı gha ekǫ naątła ha sìı nets'ǫ̀ hoedıì ayele ha. Hanì-ı̨dè setà wèot'ı̨ gots'ǫ seza wegha ts'èko į̀hchı ha.

Dànì Kèhoį̀wo 48:15

Hanì t'aa Joseph gha nezı̨į̀ xàyaı̨htı, hadı, “Nǫ̀htsı̨, secho Abraham eyıts'ǫ Isaac gık'ę̀ę̀ geedaa sìı, dıı dzęę̀ ts'ǫ̀ sek'èdìı elı̨ı̨ sìı goxè sìghà ayııle, Yak'eet'ı̨į̀ hoìla hazǫǫ̀ ch'à edaxàsį̀ı̨htı̨ı̨ sìı dıı chekoa gıxè sìghà ayııle. Sıızì, secho Abraham eyıts'ǫ Isaac gıızì k'ę̀ę̀ gogıızı welè, eyıts'ǫ dıı nèk'e gıts'ıhɂǫ̀ǫ-dǫǫ̀ łǫ welè,” hadıì xàyaı̨htı.

Dànì Kèhoį̀wo 5:21

Enoch ek'ètaènǫ-daats'ǫ̀-sı̨làı (65) weghoò ekò wezaa Metuselah wegǫ̀hłı̨.

Dànì Kèhoį̀wo 5:23

Hazǫǫ̀ t'à Enoch taekw'eènǫ-daats'ǫ̀-ek'ètaènǫ-daats'ǫ̀-sı̨làı (365) xo ts'ǫ̀ ı̨ı̨dà.

Dànì Kèhoį̀wo 5:24

Enoch Nǫ̀htsı̨ xè aet'į̀. Eyı tł'axǫǫ̀ Nǫ̀htsı̨ nayìchı t'à wènagoèht'į̀-le.

Dànì Kèhoį̀wo 6:9

Dıı Noah wegodıì hǫt'e: Ekìıyeè k'e Noah dǫ ehkw'ı eda ı̨lè. Dǫ gota nàı̨dèe sìı goxèht'eè ı̨ı̨dà-le, Nǫ̀htsı̨ k'ę̀ę̀ ı̨ı̨dà ı̨lè.

Luke 1:6

Į̀łak'aà Nǫ̀htsı̨ gha ehkw'ı geeda xè Nǫ̀htsı̨ nàowoò hazǫǫ̀ deghàà gık'į̀ı̨t'e.

Zezì Wecheekeèdeè 9:31

Eyı tł'axǫǫ̀ Nǫ̀htsı̨ wecheekeè hazǫǫ̀ Judea nèk'e, Galılee nèk'e eyıts'ǫ Samarıa nèk'e gıgha łatsaa ts'èwhı̨į̀ hòɂǫǫ̀ agòjà. Yedàyeh Nezı̨ı̨ t'à gınì nàtsoò agejà. Eyıt'à dǫ łǫ gota gı̨ı̨de xè gots'ǫ̀ K'àowo k'èagı̨ı̨t'e ha gı̨ı̨wǫ.

Rome 8:1

Hanìkò amìı Zezì-Krı xè aget'ı̨ı̨ sìı ełaàgede gha gısınìyaetı ha-le.

1 Corınth 7:17

Dǫ hazǫǫ̀ gots'ǫ̀ K'àowo edı̨į̀ nègòǫlaa sìı ekǫ geèhkw'e ha hǫt'e, eyıts'ǫ Nǫ̀htsı̨ ayìı ts'ǫ̀ gokayaı̨htıı sìı hagııle. Nǫ̀htsı̨ wecheekeè kǫ̀ta hazǫǫ̀ nàgedèe sìı eyı nàowo gıts'ǫ̀ haehsı̨.

2 Corınth 6:16

Nǫ̀htsı̨kǫ̀-gocho eyıts'ǫ nǫ̀htsı̨ hòèlı̨ı̨ wets'ǫ yahtıı-kǫ̀ sìı ełek'ę̀ę̀ agı̨ı̨wǫ nıìle. Goxı̨ sìı Nǫ̀htsı̨ edaa wekǫ̀ lats'ı̨ı̨t'e hǫt'e. Nǫ̀htsı̨ dıı hadı ı̨lè, “Gıdzeè yìı nàhdè ha eyıts'ǫ gıta aht'e ha, Gınǫ̀htsı̨ ehłı̨ ha, eyıts'ǫ sets'ǫ dǫ gı̨ı̨lı̨ ha.”

Ephesus 5:15

Eyıt'à dànì aahdaa sìı ghǫ hotıì edexoahdı. Dǫ gogı̨ı̨zǫ-le lanì aahda-le, hanìkò dǫ gogı̨ı̨zǫ k'ę̀ę̀ aahda.

Colosse 1:10

Gots'ǫ̀ K'àowo wınì k'ę̀ę̀ hotıì ehkw'ı aahda ha naxıts'ı̨ı̨hwhǫ t'à, hanì naxıgha yats'ehtı. Hanì-ı̨dè Nǫ̀htsı̨ weghàsǫhoedı ha eyıts'ǫ dànì eghàlaahdaa hazǫǫ̀ yeghǫ sìghà anıwǫ ha. T'asìı nezı̨ı̨ łǫ wegha eghàlaahda ha eyıts'ǫ Nǫ̀htsı̨ denahk'e nezı̨į̀ wek'èahsǫǫ̀ aahde ha.

Colosse 4:5

Dǫ gıgha ehkw'ı-ahodı-le sìı gıts'ǫ̀ goahsǫǫ̀ k'ehoahɂa. Godı nezı̨ı̨ t'à gıxè goahdo gha hòɂǫ taàt'eè nezı̨į̀ gıxè goahdo welì.

1 Thessalonıca 2:12

Naxınì nàtsoò ats'ı̨ı̨là, ts'ǫǫ̀dahwhǫ nı̨dè naxıghǫnàdats'eetì, eyıts'ǫ Nǫ̀htsı̨ wınì k'ę̀ę̀ hotıì ehkw'ı aahda, k'èdaà hanaxèts'edı ı̨lè. Ededı̨ sìı yak'e wenàowoò k'ę̀ę̀ hòɂǫǫ eyıts'ǫ welǫ whìle ts'ǫ̀ enıìyah wehòhɂǫǫ sìı ts'ǫ̀ naxıkayaı̨htı hǫt'e.

1 Thessalonıca 4:1

Sèot'ı̨ı̨, nǫǫde t'à ı̨łaà t'asìı ghǫ naxıts'ǫ̀ eehtł'è ha dehwhǫ. Dànì Nǫ̀htsı̨ wınì k'ę̀ę̀ ts'eedaa sìı weghǫ hoghànaxets'eèhtǫ ı̨lè t'à dıì hanì aahda hǫt'e. Gots'ǫ̀ K'àowo Zezì weyatıì dahxà k'èdaà hanì aahda naxìts'edı, naxıghǫnàdats'eetì.

1 John 1:7

Ekò wexèht'eè dzęh yìı ats'ı̨ı̨t'e nı̨dè, ełets'ǫ̀ godzeè nezı̨ ha, eyıts'ǫ Nǫ̀htsı̨ Weza Zezì wedoò t'à gohołı̨į̀ k'enaetse.