Dànì Kèhoį̀wo 49:31 - Nǫ̀htsı̨ Nı̨htł'è

³¹ Ekǫ Abraham eyıts'ǫ wets'èkeè Sarah, gıkw'ǫǫ̀ whela, Isaac eyıts'ǫ wets'èkeè Rebekah gıkw'ǫǫ̀ whela, eyıts'ǫ ekǫ sets'èkeè Leah wekw'ǫǫ̀ nìı̨htǫ ı̨lè.

Dànì Kèhoį̀wo 49:31 ပူးပေါင်းရင်းမြစ်များ

Dànì Kèhoį̀wo 23:3

Eyı tł'axǫǫ̀ Abraham wets'èkeè wekw'ǫǫ̀ gà gots'ǫ nıìtła. Het got'ı̨į̀ eyı nàgedèe ts'ǫ̀ gode ha gots'ǫ̀ èhtła,

Dànì Kèhoį̀wo 25:10

Eyı dèè sìı Abraham Het got'ı̨į̀ goghǫ nàyeèhdì ı̨lè. Ekǫ Abraham wets'èkeè Sarah gà wekw'ǫǫ̀ whetǫ.

Dànì Kèhoį̀wo 25:9

Weza Isaac eyıts'ǫ Ishmael, dèè Makpelah k'e kwe-yìı-gòɂǫǫ yìı wekw'ǫǫ̀ nègı̨į̀tǫ. Mamer nèk'e gà nıwà-le eyıts'ǫ Het got'ı̨į̀ Zohar weza Efron wedèè k'e.

Dànì Kèhoį̀wo 29:16

Laban wetì nàke gǫ̀hłı̨ ı̨lè. Wetì ǫhdaà Leah wìyeh, eyıts'ǫ wetì nǫǫde Rachel wìyeh.

Dànì Kèhoį̀wo 35:29

Eyı tł'axǫǫ̀ nǫǫde xàèhjı gà ełaı̨wo, eyıts'ǫ wecho gots'ǫ̀ ajà. Sıì eneèko whelı̨ı̨ ts'ǫ̀ ı̨ı̨dà. Weza Esau eyıts'ǫ Jacob wekw'ǫǫ̀ nègı̨į̀tǫ.

Dànì Kèhoį̀wo 47:30

Ełaıhwho nı̨dè Egypt nèk'e gots'ǫ xàseahtè, secho edı̨į̀ gıkw'ǫǫ̀ whelaa sìı gıgà sekw'ǫǫ̀ nìı̨tį̀ nǫǫ̀,” hadı. “Dàsį̀ı̨dıı sìı hahłe ha,” Joseph edetà èhdı.

Dànì Kèhoį̀wo 49:32

Eyı dèè eyıts'ǫ wek'e kwe-yìı-gòɂǫǫ sìı gocho Het got'ı̨į̀ ghǫ nàgeehdì ı̨lè,” Jacob hadı.

Dànì Kèhoį̀wo 50:13

Kanan nèk'e ts'ǫ̀ wekw'ǫǫ̀ geèhchì. Mamer nèk'e gà dèè Makpelah k'e kwe-yìı-gòɂǫǫ yìı wekw'ǫǫ̀ nègı̨į̀tǫ. Abraham eyı kwe-yìı-gòɂǫǫ dèè xè Het got'ı̨į̀ Efron ghǫnàyeèhdì ı̨lè.

Zezì Wecheekeèdeè 7:16

Gıkw'ǫǫ̀ kǫ̀ta Shechem ts'ǫ̀ agį̀į̀là eyıts'ǫ kwe yìı gòɂǫǫ nègogį̀ı̨wa ı̨lè. Eyı kwe yìı gıkw'ǫǫ̀ whelaa sìı Abraham Hamor weza ghǫ nàyeèhdì ı̨lè.