Dànì Kèhoį̀wo 49:3 - Nǫ̀htsı̨ Nı̨htł'è

³ “Ruben, nı̨ t'aa t'akwełǫ̀ǫ̀ negǫ̀hłı̨ı̨ anet'e, set'ı anet'e, negǫ̀hłı̨ t'à nàhtsoò asììdlà, denahk'e nezı̨į̀ nets'ǫ̀ nageɂa, denahk'e nànetso.

Dànì Kèhoį̀wo 49:3 ပူးပေါင်းရင်းမြစ်များ

Dànì Kèhoį̀wo 29:32

Leah hotıeda-le ajà t'à dǫzhìa nìı̨htı̨. Ruben wìyeh ayį̀į̀là, dıı hadı t'à, “Daıhɂa t'à gots'ǫ̀ K'àowo sets'àı̨dì. Hòt'a sedǫǫ̀ seghǫneètǫǫ̀ ade ha,” hadı.

Dànì Kèhoį̀wo 35:22

Israel eyı nèk'e nàgedè ekò weza ǫhdaà Ruben edetà wets'ǫ ts'èko Bılah t'àı̨tè. Wetà yeghǫ ıìkw'o. Jacob, weza hoònǫ-daats'ǫ̀-nàke gòı̨lè:

Dànì Kèhoį̀wo 35:23

Leah weza ek'ètaı gòı̨lè: Jacob weza ǫhdaà Ruben, Sımeyon, Levı, Judah, Isakar, eyıts'ǫ Zebulun.

Dànì Kèhoį̀wo 46:8

Israel weza (Jacob eyıts'ǫ wets'ıhɂǫ̀ǫ-dǫǫ̀) Egypt nèk'e ts'ǫ̀ agejàa sìı dıı hagìyeh hǫt'e: Ruben, Jacob weza ǫhdaà hǫt'e.

Dànì Kèhoį̀wo 48:18

Joseph edetà ts'ǫ̀ hadı, “Età hanì-le, dıı sìı t'akwełǫ̀ǫ̀ wegǫ̀hłı̨ hǫt'e, nılà nàgòts'ehnèe wekwì k'e daı̨chı,” yèhdı.

John Wenazhıı 3:14

“Kǫ̀ta Laodısıya Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Ededı̨ ‘Amen’ wìyeh, t'aats'ǫǫ̀ ehkw'ı gode eyıts'ǫ Nǫ̀htsı̨ t'asìı hazǫǫ̀ whehtsı̨ ts'ǫ̀ K'àowo elı̨ı̨ sìı dıı weyatıì hǫt'e.