Dànì Kèhoį̀wo 49:26 - Nǫ̀htsı̨ Nı̨htł'è

²⁶ Netà yatı nezı̨ı̨ nets'ǫ̀ xàyaı̨htıı sìı whaà gots'ǫ shìh gòlaa wets'ǫ t'asìı nezı̨ı̨ łǫ nahk'e nàtso hǫt'e. Eyı yatı nezı̨ı̨ wet'à sìghà gòɂǫǫ hazǫǫ̀ Joseph wets'ǫ̀ awede welè, edı̨ı̨de gonakweè whedaa elı̨ hǫt'e.

Dànì Kèhoį̀wo 49:26 ပူးပေါင်းရင်းမြစ်များ

Dànì Kèhoį̀wo 37:28

Eyıt'à Mıdıyan nèk'e gots'ǫ t'asìı gıghǫ nàedìı dǫǫ̀ gok'e gı̨į̀de ekò, ełechıke Joseph dèè-goyìı gots'ǫ xàgeèlì gà satsǫ̀ą degoo naènǫ k'èxa Joseph gıghǫ nàèdì, eyıt'à Ishmael got'ı̨į̀ Joseph Egypt nèk'e ts'ǫ̀ edexè nageèhchì.

Dànì Kèhoį̀wo 37:8

Wı̨ı̨de hagıìhdı, “Gogha k'àowocho nelı̨ ha nì? Hotıì gots'ǫ̀ k'àı̨wo ha nì?” gıìhdı. Dànì nàwhetı̨ eyıts'ǫ yeghǫ goxè godo t'à sıì denahk'e gınèlı̨į̀-le agejà.

Dànì Kèhoį̀wo 49:27

“Benjamın, dìga wets'àhoejı̨ı̨ lanì; k'omǫǫ̀dǫǫ̀ t'asìı ełaı̨hwhoo sìı yeɂà, xèhts'ǫ̀ t'asìı dèhnǫǫ sìı gotayelè,” Jacob hadı.

Zezì Wecheekeèdeè 7:9

“Jacob weza agı̨ı̨t'ee sìı, edechı Joseph ghǫ ts'ohogeedı t'à dǫ ts'ǫ̀ gıghǫ nàèdì ı̨lè. Eyıt'à Joseph Egypt nèk'e gots'ǫ dǫ nàyeèhdì, yegha eghàlaedaa-dǫǫ̀ elı̨. Hanìkò Nǫ̀htsı̨ sìı yexè at'ı̨.

Ephesus 1:3

Nǫ̀htsı̨, gots'ǫ̀ K'àowo Zezì-Krı Wetà, weghàsǫts'eedı welè, ededı̨ sìı goxè sìghà hòɂǫǫ̀ ayį̀į̀là hǫt'e. Įdòo yak'e gots'ǫ Zezì-Krı wedahxà t'asìı hazǫǫ̀ wet'à goxè sìghà hòɂǫ ha sìı hòt'a goghàyı̨ı̨la hǫt'e.