Dànì Kèhoį̀wo 49:24 - Nǫ̀htsı̨ Nı̨htł'è

²⁴ Hanìkò Jacob Wenǫ̀htsı̨ t'asìı wegha dìì-le sìı yets'àdı, eyıts'ǫ Israel wets'ǫ Kwe Nàtsoo yexoehdı t'à, Joseph wegǫ̀ nàtsoo hòèlı̨ xè k'į̀ t'à ehkw'ı eehtà.

Dànì Kèhoį̀wo 49:24 ပူးပေါင်းရင်းမြစ်များ

Dànì Kèhoį̀wo 45:11

Įłaà sı̨làı xo ts'ǫ̀ bò whìle ha ne t'à, weghǫ shèts'ezhee negha whelaà ahłe ha. Sets'ǫ̀ aahjà-le nı̨dè nı̨, nèot'ı̨, eyıts'ǫ nets'ǫ tıts'aàdìı hazǫǫ̀ bò dę t'asagede ha,’ setà hawèahdı nǫǫ̀.

Dànì Kèhoį̀wo 45:5

Hanìkò weghǫ dahjı̨-le, naxıghǫnàseèdì t'à edets'ǫ̀ ààhch'e-le. Nǫ̀htsı̨ dǫ łǫ edaxàgole gha naxınakweè seèhɂà hǫt'e.

Dànì Kèhoį̀wo 45:7

Hanìkò Nǫ̀htsı̨ sìı dıı nèk'e naxıts'ǫ dǫ gǫ̀hłı̨ ha nıwǫ, eyıts'ǫ enıìyah nechàa t'à edaxànaxele ha nıwǫ t'à naxınakweè seèhɂà hǫt'e.

Dànì Kèhoį̀wo 47:12

Joseph, edetà, edı̨ı̨de eyıts'ǫ dǫ gıgha eghàlaedaa hazǫǫ̀ weghǫ shèts'ezhee goghàyı̨ı̨dì. Gıza dàtłǫǫ sìı k'ę̀ę̀ goghàı̨dì.

Dànì Kèhoį̀wo 48:15

Hanì t'aa Joseph gha nezı̨į̀ xàyaı̨htı, hadı, “Nǫ̀htsı̨, secho Abraham eyıts'ǫ Isaac gık'ę̀ę̀ geedaa sìı, dıı dzęę̀ ts'ǫ̀ sek'èdìı elı̨ı̨ sìı goxè sìghà ayııle, Yak'eet'ı̨į̀ hoìla hazǫǫ̀ ch'à edaxàsį̀ı̨htı̨ı̨ sìı dıı chekoa gıxè sìghà ayııle. Sıızì, secho Abraham eyıts'ǫ Isaac gıızì k'ę̀ę̀ gogıızı welè, eyıts'ǫ dıı nèk'e gıts'ıhɂǫ̀ǫ-dǫǫ̀ łǫ welè,” hadıì xàyaı̨htı.

Dànì Kèhoį̀wo 49:23

Dǫ yedzagı̨ı̨hwhǫǫ sìı k'į̀ t'à gıhtà.

Dànì Kèhoį̀wo 50:21

Eyıt'à t'asìı ghǫ dahjı̨-le. Naxık'èhdì ha eyıts'ǫ naxıza sı gık'èhdì ha,” gòhdı. Joseph hanì yatı nezı̨ı̨ t'à gıdzeè nàtsoò agǫ̀ǫ̀là.

Matthew 21:42

Zezì gots'ǫ̀ hadı, “Nǫ̀htsı̨ Nı̨htł'è k'e dıı hanì dek'eèhtł'èe sìı wek'eyaahtı-le nì: ‘Kwekǫ̀-gogehtsı̨ı̨-dǫǫ̀ kwe ɂǫ̀geèhk'aa sìı eyı kwe denahk'e wet'àaɂà whelı̨. Gots'ǫ̀ K'àowo gogha hanì eghàlaı̨dà gogha enıìyah dìì,’ dek'eèhtł'è.

Mark 12:10

Nǫ̀htsı̨ Nı̨htł'è k'e dıı hanì dek'eèhtł'èe sìı wek'eyaahtı-le nì: ‘Kwekǫ̀-gogehtsı̨ı̨-dǫǫ̀ kwe ɂǫ̀geèhk'aa sìı eyı kwe denahk'e wet'àaɂàa whelı̨.

Luke 20:17

Zezì hotıì goghàeda xè hadı, “Dıı hanì dek'eèhtł'è: ‘Kwekǫ̀-gogehtsı̨ı̨-dǫǫ̀ kwe ɂǫ̀geèhk'aa sìı eyı kwe denahk'e wet'àaɂà whelı̨,’ dek'eèhtł'è. Amìı eyı kwe k'e nàakw'oo sìı wedıhołè ha, eyıts'ǫ amìı eyı kwe wek'e nàakw'oo sìı t'asìı nadlı̨ ha-le. Eyı dek'eèhtł'èe sìı dàhodıì-ahodı dahwhǫ?” gòhdı.

Zezì Wecheekeèdeè 4:11

‘Naxı̨ kwekǫ̀ gòahtsı̨ gots'ǫ kwe ı̨łè ɂǫ̀ahk'àa sìı’ ededı̨ hǫt'e ‘eyı kwe denahk'e wet'àaɂàa whelı̨.’

Rome 14:4

Eyı dǫ wets'ǫ̀ k'àowo anet'e nıìle t'à wesınìyaąhtı ha nıìle. Dǫ nezı̨ı̨ elı̨, hanì-le-ı̨dè dǫ nezı̨-le elı̨ı̨ sìı wets'ǫ k'àowo wets'ǫ̀ hoèlı̨ hǫt'e. Gots'ǫ̀ K'àowo dǫ nezı̨ı̨ elı̨į̀ ayele ha dìì-le t'à dǫ nezı̨ı̨ elı̨ k'ę̀ę̀ wııtà ha.

Ephesus 2:20

Goxı̨ hazǫǫ̀ yìetł'aà whetǫǫ k'e kǫ̀ hòèlı̨ı̨ lanì Nǫ̀htsı̨ wecheekeèdeè eyıts'ǫ nakwenàoɂǫǫ gıyatıì k'e nàts'eèhza lats'ı̨ı̨t'e, eyıts'ǫ Zezì-Krı ededı̨ sìı kwe denahk'e wet'àaɂàa elı̨, wet'à yìetł'aà whetǫǫ k'e kǫ̀ hòèlı̨ı̨ sìı nàtsoò yııtǫ̀.

Colosse 1:11

Nǫ̀htsı̨ sìı enıìyah t'à nàtso hǫt'e, eyıt'à naxı̨ sı nàahtsoò anaxele ha. Hanì-ı̨dè weghǫ naxınì nàtso ha eyıts'ǫ ts'èwhı̨į̀ dahwhǫ ha. Naxınà xè

2 Tımothy 4:17

Hanìkò gots'ǫ̀ K'àowo sexè at'ı̨ t'à, sınì nàtsoò asį̀į̀là. Hanì ts'ıhɂǫ̀ godı nezı̨ı̨ deghàà dǫ ts'ǫ̀ gohde ha, eyıts'ǫ dǫ hazǫǫ̀ Israel got'ı̨į̀ agı̨ı̨t'e-le sìı geèhkw'ǫ ha welì. Ekìıyeè k'e goìjìıcho wewà ch'à Nǫ̀htsı̨ edaxàsį̀ı̨htı̨ ı̨lè.