Dànì Kèhoį̀wo 49:10 - Nǫ̀htsı̨ Nı̨htł'è

¹⁰ Judah, k'àowocho-geè t'aats'ǫǫ̀ wetł'aà wheɂǫ ha. Amìı wets'ǫ nee sìı nììtła gots'ǫ̀ k'àowocho-geè t'aats'ǫǫ̀ Judah wexè hòɂǫ ha, eyıts'ǫ dǫ hazǫǫ̀ xàɂaa gık'èı̨t'e ha.

Dànì Kèhoį̀wo 49:10 ပူးပေါင်းရင်းမြစ်များ

Matthew 1:21

Dǫzhìa nìı̨htè ha. Edèot'ı̨ gıhołı̨į̀ ch'à edaxàgole ha t'à, Zezì wìyeh awı̨ı̨le ha,” yèhdı.

Matthew 17:5

Įłaà Peter gode ekò k'oh gımǫǫ̀ ajà. K'oh yìı gots'ǫ gots'edeè hǫt'e, “Dıı Seza weghǫneehtǫ hǫt'e, weghǫ sǫdehwhǫ hǫt'e, weàhkw'ǫ!” hats'edıì hǫt'e.

Matthew 21:9

Dǫ łǫ Zezì nakweè gıadè eyıts'ǫ dǫ łǫ yek'èè gıadè, yagìzeh xè hagedı, “Hosanna! K'àowocho Davıd Weza weghàsǫts'eedı!” “Ededı̨ gots'ǫ̀ K'àowo dahxà nììtłaa sìı wexè sìghà welè!” “Hosanna! Nǫ̀htsı̨ weghàsǫts'eedı!” gedıì yagìzeh.

Matthew 25:32

Dıı nèk'e dǫ hazǫǫ̀ xàɂaa wenadąą̀ łą̀ą ełègehdè ha. Sahzǫ̀ą eyıts'ǫ ejıe łats'ıgewa lanì dǫ hazǫǫ̀ łats'ıgòwa ha.

John 12:32

Ekò sı̨ sìı dıı nèk'e gots'ǫ ı̨dòo asììdlà nı̨dè dǫ hazǫǫ̀ sets'ǫ̀ agehłe ha,” Zezì gòhdı.

John 18:31

Eyıt'à k'àowo Pılate hagòhdı, “Naxı̨ neweàhchı, naxınàowoò k'ę̀ę̀ wesınìyaahtı,” gòhdı. Israel got'ı̨į̀ hagedı, “Goxı̨ dǫ ełaàts'ehwhı ha gogha hòɂǫ nıìle,” gedı.

John 19:12

Zezì hadı tł'axǫǫ̀ k'àowo Pılate naetłaà ayele ha hoèhdzà, hanìkò Israel got'ı̨į̀ k'èdaà yagìzeh, hagedı, “Eyı dǫ naehtłaà wèneelà nı̨dè dèe-ts'ǫ̀-k'àowo Caesar weàgı̨ą nelı̨ nıìle. Dǫ k'àowocho edèedıı sìı Caesar k'èch'a adı hǫt'e,” gedı.

John 19:15

Hanìkò dǫ yagìzeh, hagedı, “Ełaàwèahwhı! Ełaàwèahwhı! Dechı̨et'aa k'e wedeàhtsò!” gedıì nàdahogehdè. K'àowo Pılate gots'ǫ̀ hadı, “Naxıts'ǫ k'àowocho wedıìtsò ha dahwhǫ nì?” gòhdı. Hanìkò yahtıı-gha-k'aodèe hagedı, “Caesar ededı̨ zǫ gogha k'àowocho elı̨ ne,” gıìhdı.

John 9:7

Zezì eyı dǫ ts'ǫ̀ hadı, “Sıloam tıa whehtǫǫ ekǫ nàątła gà nedaà k'enaı̨htse,” yèhdı. (“Sıloam” gedı nı̨dè “wets'ı̨ı̨hɂà” gedıì-agedı.) Eyıt'à eyı dǫ ekǫ nàhtła gà ededaà k'enaı̨htso. Edekǫ̀ ts'ǫ̀ naetłe ekò wegha xègoèht'į̀ ajà.

Rome 15:12

Eyıts'ǫ nakwenàoɂǫǫ Isaıah dıı hadı dek'eèhtł'è, “Jesse wèot'ı̨ gıta gots'ǫ chekoa dǫ elı̨ ha, ededı̨ sìı dıı nèk'e dǫ hazǫǫ̀ gha k'àowo elı̨ ha. Israel got'ı̨į̀ agı̨ı̨t'e-le sìı weghǫ gınì nàtsoò ade ha,” dek'eèhtł'è.

2 Corınth 5:10

Ehkw'ı anaxèehsı̨, goxı̨ hazǫǫ̀ Zezì-Krı wenadąą̀ nìts'edè gà gosınìyaehtı ha hǫt'e. Dǫ hazǫǫ̀ ı̨łaà edezhį̀į̀ yìı geeda et'ıì ayìı hogehtsı̨ k'èxa gıghàhòt'à ha. Ehkw'ı gı̨ı̨dà, hanì-le-ı̨dè ehkw'ı gı̨ı̨dà-le k'èxa goghàhòɂà ha.

Hebrew 7:14

Gots'ǫ̀ K'àowo sìı Judah wets'ıhɂǫ̀ǫ-dǫǫ̀ elı̨ wek'èts'eezǫ. Moses eyı dǫ xàɂaa gots'ǫ yahtıı wı̨ı̨zìı ghǫ xàyaı̨htı nıìle.

John Wenazhıı 11:15

Yak'eet'ı̨į̀ łǫ̀hdı̨ t'à whedaa sìı edets'ǫ dechı̨shì yeèhdı ekò yak'e gots'ǫ hòtł'ò dıı hats'edıì hǫt'e, “Gots'ǫ̀ K'àowo eyıts'ǫ wets'ǫ Chrıst xè dıı nèk'e gogha k'àowo gı̨ı̨lı̨į̀ agejà eyıts'ǫ ededı̨ sìı welǫ whìle ts'ǫ̀ K'àowo elı̨ ha,” hats'edıì hǫt'e.