Dànì Kèhoį̀wo 48:4 - Nǫ̀htsı̨ Nı̨htł'è

⁴ Dıı hasèhdı ı̨lè, ‘Neza łǫǫ̀ ahłe ha, eyıts'ǫ nets'ıhɂǫ̀ǫ-dǫǫ̀ xàgeèɂaa gı̨ı̨tłǫǫ̀ ahłe ha, eyıts'ǫ netł'axǫǫ̀ dıı dèe sìı welǫ whìle ts'ǫ̀ gıghàehɂà ha,’ sèhdı ı̨lè.

Dànì Kèhoį̀wo 48:4 ပူးပေါင်းရင်းမြစ်များ

Dànì Kèhoį̀wo 12:2

Nı̨ nets'ıhɂǫ̀ǫ-dǫǫ̀ ı̨łè xàgeèɂaa deè gı̨ı̨lı̨į̀ agehłe ha, eyıts'ǫ nexè sìghà hòɂǫǫ̀ ahłe ha. Nıızì nechà ahłe ha eyıts'ǫ nets'ıhɂǫ̀ǫ-dǫǫ̀ hazǫǫ̀ gıxè sìghà hòɂǫ ha.

Dànì Kèhoį̀wo 17:13

Dǫza naxıta gıgǫ̀hłı̨, hanì-le-ı̨dè sǫǫ̀mba t'à dǫzhìı nàahdìı sìı, hazǫǫ̀ gıkwǫ̀ nàt'à ha hǫt'e. Naxıkwǫ̀ nàt'à weghàà naxıxè nàowo nàtsoo whıhtsı̨ı̨ sìı welǫ whìle ts'ǫ̀ wheɂǫ ha hǫt'e.

Dànì Kèhoį̀wo 17:6

Nets'ıhɂǫ̀ǫ-dǫǫ̀ łǫ gǫ̀hłı̨į̀ ahłe ha. Nets'ıhɂǫ̀ǫ-dǫǫ̀ xàgeèɂaa łǫǫ̀ agode ha, eyıts'ǫ nets'ıhɂǫ̀ k'àowocho łǫ gǫ̀hłı̨ ha.

Dànì Kèhoį̀wo 17:8

Dıì Kanan nèk'e xàhtǫ lanì wek'e nàądè kò dıı dèè hazǫǫ̀ welǫ whìle ts'ǫ̀ neghaelı̨į̀ ahłe ha. Eyıts'ǫ netł'axǫǫ̀ nets'ıhɂǫ̀ǫ-dǫǫ̀ gı̨ı̨lı̨ı̨ sìı dıı dèè gıghaelı̨į̀ ahłe ha, eyıts'ǫ Sı̨ Gınǫ̀htsı̨ ehłı̨ ha,” yèhdı.

Dànì Kèhoį̀wo 22:17

hotıì nexè sìghà hòɂǫǫ̀ agohłe ha. Nets'ıhɂǫ̀ǫ-dǫǫ̀ sıì łǫ t'à yat'a whǫ̀ lageètłǫ ha, eyıts'ǫ tabàa ewaà lageètłǫ ha. Dǫ naxıts'ǫ̀ xànıgı̨ı̨ɂaa gıts'ǫ kǫ̀godeè gòlaa sìı nets'ıhɂǫ̀ǫ-dǫǫ̀ goghǫ gìhchı ha.

Dànì Kèhoį̀wo 26:4

Nets'ıhɂǫ̀ǫ-dǫǫ̀ łǫ t'à yat'a whǫ̀ lageètłǫ agehłe ha, eyıts'ǫ dıı dèè hazǫǫ̀ gıghàehɂà ha. Nets'ıhɂǫ̀ǫ-dǫǫ̀ gıts'ıhɂǫ̀ dıı nèk'e dǫ hazǫǫ̀ xàɂaa gıxè sìghà hòɂǫ ha,

Dànì Kèhoį̀wo 28:3

Nǫ̀htsı̨ t'asìı wegha dìì-le sìı nexè sìghà ayııle, eyıts'ǫ dǫ xàgeèɂaa łǫ nets'ǫ xàhohwhıì ayııle.

Dànì Kèhoį̀wo 32:12

Hanìkò dıı hasį̀ı̨dı ı̨lè, ‘Ehkw'ı t'à nexè sìghà hòɂǫǫ̀ agohłe ha, eyıts'ǫ nets'ıhɂǫ̀ǫ-dǫǫ̀ tıchobàa ewaà laàtłǫǫ̀ agehłe ha. Sıì gı̨ı̨tłǫ t'à gıts'ıhtà ha dìì agode ha,’ hasį̀ı̨dı ı̨lè,” Jacob hadıì Nǫ̀htsı̨ ts'ǫ̀ xàyaı̨htı.

Dànì Kèhoį̀wo 35:11

Eyıts'ǫ Nǫ̀htsı̨ yets'ǫ̀ hadı, “Nǫ̀htsı̨ t'asìı wegha dìì-le aht'e. Chekoa łǫ nets'ǫ welè. Nets'ıhɂǫ̀ǫ-dǫǫ̀ gots'ǫ dǫ xàgeèɂaa łǫ gǫ̀hłı̨ ha, eyıts'ǫ k'àowocho łǫ nets'ǫ xàhohwhı ha.

Dànì Kèhoį̀wo 46:3

“Nǫ̀htsı̨ aht'e, netà Wenǫ̀htsı̨ aht'e,” yèhdı, “Egypt nèk'e ts'ǫ̀ aąde gha nı̨ı̨jı̨-le, ekǫ nets'ıhɂǫ̀ǫ-dǫǫ̀ dǫdeè-xàɂaa gı̨ı̨lı̨į̀ agehłe ha.

Dànì Kèhoį̀wo 47:27

Ekò Israel got'ı̨į̀ gı̨ı̨lı̨ı̨ sìı Egypt nèk'e Goshen gòyeh nàgedè. Ekǫ kǫ̀, dèè xè nàgeèhdì eyıts'ǫ gıza łǫ agòjà.