Dànì Kèhoį̀wo 48:10 - Nǫ̀htsı̨ Nı̨htł'è

¹⁰ Israel ǫhdah whelı̨ t'à wedaà goìle adaade. Eyıt'à Joseph edeza edetà ts'ǫ̀ goòwa, wetà edegoàdo xè goı̨ts'į̀.

Dànì Kèhoį̀wo 48:10 ပူးပေါင်းရင်းမြစ်များ

Dànì Kèhoį̀wo 27:1

Isaac eneèko whelı̨ ekò sıì wedaà nàtso-le t'à wegha xègaat'ı̨-le agòjà. Edeza ǫhdaà Esau kayaı̨htı, “Seza,” yèhdı. “Età, neèhkw'ǫ,” weza yèhdı.

Dànì Kèhoį̀wo 27:27

Eyıt'à Jacob yegà nììtła gà yı̨ı̨ts'į̀. Wetà yegoht'ǫǫ̀-tsį̀ wegha łedì ghàà yek'èhoèhzà, eyıt'à dıı hadıì yatı nezı̨ı̨ t'à yek'eèyaı̨htı: “Hęɂę, dıı seza wetsį̀ hǫt'e, gots'ǫ̀ K'àowo dèè k'e sìghà hòɂǫǫ̀ ayį̀į̀làa sìı lanì łedì.

Dànì Kèhoį̀wo 31:55

Satsǫ k'omǫǫ̀dǫǫ̀ et'ıì Laban naetła kwe edekwı eyıts'ǫ edetì gok'èts'adlı̨ eyıts'ǫ yatı nezı̨ı̨ t'à gok'eèyaı̨htı. Eyı tł'axǫǫ̀ edenèk'e ts'ǫ̀ anajà.

Dànì Kèhoį̀wo 45:15

Joseph edı̨ı̨de hazǫǫ̀ goı̨ts'į̀ xè goghǫ etse. Eyı tł'axǫǫ̀ wı̨ı̨de hazǫǫ̀ gıxè godo.

Dànì Kèhoį̀wo 48:11

Israel, edeza Joseph ts'ǫ̀ hadı, “K'achı̨ naneht'į̀ ha honàehłı-le ı̨lè, hanìkò dıì sìı Nǫ̀htsı̨ neza geehɂı̨į̀ asį̀į̀là,” yèhdı.

Dànì Kèhoį̀wo 48:8

Israel Joseph weza nàke goaɂı̨ ekò, hadı, “Dıı amìı agı̨ı̨t'e?” dı.