Dànì Kèhoį̀wo 47:19 - Nǫ̀htsı̨ Nı̨htł'è

¹⁹ Negà bò dę ełaàts'ede welè-le. Tł'olà k'èxa goxı̨ eyıts'ǫ gots'ǫ dèè xè k'àowocho Faraoh ghàgoı̨le, hanì-ı̨dè k'àowocho wets'ǫ ts'ı̨ı̨lı̨ ha eyıts'ǫ gots'ǫ dèè weghaelı̨ ha. Wet'à t'asìı dehshee goghàı̨le hanì-ı̨dè ełaàts'ede ha-le eyıts'ǫ gots'ǫ ekìı wheɂǫ ha-le,” gedı.

Dànì Kèhoį̀wo 47:19 ပူးပေါင်းရင်းမြစ်များ

Dànì Kèhoį̀wo 41:36

Eyı t'asìı dehshee sìı dǫ gha wek'èhodì ha, łǫ̀hdı̨ xo ts'ǫ̀ Egypt nèk'e bò whìle agòjà nı̨dè wet'à ts'eeda ha t'à. Hanì-ı̨dè bò whìle agòjà nı̨dè gonèk'e dǫ gıdıhołè ha-le,” Joseph k'àowocho èhdı.

Dànì Kèhoį̀wo 47:15

Egypt nèk'e eyıts'ǫ Kanan nèk'e dǫ edesǫǫ̀mbaà k'ehogı̨ı̨hwho tł'axǫǫ̀ Egypt got'ı̨į̀ Joseph ts'ǫ̀ geède, hagıìhdı, “Gots'àneedì-le nı̨dè nenadąą̀ bò dę ełaàts'ede ha. Gosǫǫ̀mbaà hazǫǫ̀ k'ehots'ı̨ı̨hwho hǫt'e,” gıìhdı.

Dànì Kèhoį̀wo 47:18

Eyı xo k'ehǫǫwo tł'axǫǫ̀ k'achı̨ Joseph ts'ǫ̀ geède, hagedı, “Gosǫǫ̀mbaà hazǫǫ̀ k'ehǫǫwo eyıts'ǫ gots'ǫ tıts'aàdìı hazǫǫ̀ neghàts'ı̨ı̨là t'à t'asìı wı̨ı̨zìı gots'ǫ-le ajàa sìı wek'èı̨zǫ hǫt'e. Tł'olà k'èxa gozhį̀į̀ eyıts'ǫ gots'ǫ dèè neghàts'ele ha, eyı zǫ gots'ǫ hǫt'e.

Dànì Kèhoį̀wo 47:20

Eyıt'à Joseph Egypt nèk'e k'àowocho Faraoh gha dèè hazǫǫ̀ nàgoèhdì. Egypt got'ı̨į̀ sıì gıgha bò whìle t'à hazǫǫ̀ gıts'ǫ dèè gıghǫ nàèdì. Eyıt'à eyı dèè hazǫǫ̀ k'àowocho Faraoh wets'ǫ whelı̨.

Matthew 16:26

Dıı nèk'e dǫ t'asìı hazǫǫ̀ edegha dèhnǫ kò wedą̀ązhį̀ı̨ weghǫ wedıhòłı̨ nı̨dè, wegha wet'àaɂà nıìle. Dǫ wedą̀ązhį̀ı̨ k'èxa t'asìı wı̨ı̨zìı nìɂà ha nıìle.