Dànì Kèhoį̀wo 45:26 - Nǫ̀htsı̨ Nı̨htł'è

²⁶ Edetà ts'ǫ̀ hagedı, “Joseph ı̨łaà eda! Egypt nèk'e gha k'àowo elı̨,” gıìhdı. Jacob wetł'ahk'eè agòjà t'à wegha ehkw'ı-ahodı-le.

Dànì Kèhoį̀wo 45:26 ပူးပေါင်းရင်းမြစ်များ

Dànì Kèhoį̀wo 37:31

Eyıt'à Joseph weɂeè negı̨į̀ɂah, ejıetsoa ełaàgį̀ı̨hwho gà Joseph weɂeè k'e edoò agı̨į̀là.

Dànì Kèhoį̀wo 37:35

Weza hazǫǫ̀ eyıts'ǫ wetì gıghǫ nìı̨de xè gıghǫnàdageetì, hanìkò seghǫnàdats'eetì ha nıwǫ-le. Hadı, “Seghǫnàdaahtì-le, sekw'ǫǫ̀ nìtį̀ eyıts'ǫ seza wets'ǫ̀ ahde gots'ǫ̀ wek'eehłı̨ ha,” wetà hadı xè yeghǫ etse.

Dànì Kèhoį̀wo 42:29

Kanan nèk'e edetà Jacob ghǫ nǫǫ̀gı̨ı̨de ekò gıxè dàgòjàa sìı hazǫǫ̀ edetà ts'ǫ̀ hagedı,

Dànì Kèhoį̀wo 42:36

Gıtà Jacob gots'ǫ̀ hadı, “Naxıt'aa t'à seza seghǫ gıwhìle hǫt'e. Joseph wewhìle, Sımeyon ededı̨ sı wewhìle, eyıts'ǫ dıì Benjamın ededı̨ sı neweàhchı ha dahwhǫ. T'asìı hazǫǫ̀ sek'èch'a k'ehokw'o!” gòhdı.

Dànì Kèhoį̀wo 42:38

Hanìkò Jacob hadı, “Seza nǫǫdea Egypt nèk'e ts'ǫ̀ naxıxè ade ha-le. Wı̨ı̨de ełaı̨wo ne xè ededı̨ zǫ sexè eda hǫt'e. Ekǫ naahdè t'à t'asajà nı̨dè sekwìghàagaà xè sekw'ǫǫ̀ nìtį̀ gots'ǫ̀ sedzeè nànııtì aseahłe ha hǫt'e,” yèhdı.

Dànì Kèhoį̀wo 44:28

Įłè sìı sets'ǫǫ̀ ajà. Tıts'aàdìı yetanı̨ı̨hdla sǫnı dehwhǫ ı̨lè. Ekò gots'ǫ naweeht'ı̨ whìle.

Dànì Kèhoį̀wo 45:25

Eyıt'à ełechıke Egypt nèk'e gots'ǫ xàgeède, Kanan nèk'e edetà Jacob ts'ǫ̀ nìagı̨ı̨de.

Dànì Kèhoį̀wo 48:11

Israel, edeza Joseph ts'ǫ̀ hadı, “K'achı̨ naneht'į̀ ha honàehłı-le ı̨lè, hanìkò dıì sìı Nǫ̀htsı̨ neza geehɂı̨į̀ asį̀į̀là,” yèhdı.

Luke 24:11

Hanìkò ts'èko gıyatıì gıgha sììdì lanì t'à ehkw'ı agedı gogı̨ı̨hwhǫ-le.

Luke 24:34

Hagedı, “Ehkw'ı-ahodı! Gots'ǫ̀ K'àowo naìdà hǫt'e eyıts'ǫ Sımon ts'ǫ̀ wègoèht'į̀,” gedı.

Luke 24:41

Sıì gınà xè gıgha enıìyah t'à ı̨łaà gıgha hotıì-le lanì. Eyıt'à Zezì gots'ǫ̀ hadı, “Asį̀į̀ t'asìı ts'eɂà ha wheɂǫ?” gòhdı.