Dànì Kèhoį̀wo 44:8 - Nǫ̀htsı̨ Nı̨htł'è

⁸ Kanan nèk'e goɂǫhchì yìı sǫǫ̀mba degoo gots'į̀hɂǫǫ sìı eyı kò naxıts'ǫ̀ nìats'į̀ı̨wa ı̨lè. Eyıt'à ayìıha nets'ǫ̀ k'àowo wekǫ̀ gots'ǫ sǫǫ̀mba degoo, hanì-le-ı̨dè sǫǫ̀mba dekwoo weghǫ ets'eeɂį̀ welì?

Dànì Kèhoį̀wo 44:8 ပူးပေါင်းရင်းမြစ်များ

Dànì Kèhoį̀wo 42:21

Ełets'ǫ̀ hagedı, “Gochı wets'ǫ̀ hoìla hots'èhtsı̨ k'èxa dıì hotıì nàgoekwa hǫt'e. Sıì wegha dìì xè etewets'eèɂı̨ ha goghǫnàdaetì ı̨lè hanìkò wets'eèhkw'ǫ-le ı̨lè. Eyı ts'ıhɂǫ̀ dıì goxè hoìla k'ehokw'o hǫt'e,” hagedı.

Dànì Kèhoį̀wo 42:27

To geetè ha nègı̨ı̨de ekò ı̨łè edetłı̨tsoa ghàɂeedı ha edeɂǫhchì ts'ǫdaà xàı̨wa. Ekòet'ıì wets'ǫdaà wets'ǫ satsǫ̀ą degoo whela nǫǫ̀ yaɂı̨.

Dànì Kèhoį̀wo 42:35

Edeɂǫhchì yìı xàgı̨ı̨wa ekò hazǫǫ̀ ełèht'eè gıts'ǫ satsǫ̀ą degoo yìwòa sìı gıɂǫhchì yìı whela nǫǫ̀. Ededı̨ eyıts'ǫ gıtà sǫǫ̀mba yìwòa gıaɂı̨ ekò geejı̨į̀ agejà.

Dànì Kèhoį̀wo 43:12

Satsǫ̀ą degoo nàke ts'ǫ̀ deɂǫ̀atłǫ edexè aahłe, satsǫ̀ą degoo naxıɂǫhchì yìı nagı̨ı̨waa sìı gıghǫahwha ha ne t'à. Edahxǫ ekǫ-le agį̀į̀là tahkò.

Dànì Kèhoį̀wo 43:18

Joseph wekǫ̀ ts'ǫ̀ gogeèwa t'à geejı̨, hagı̨ı̨wǫ, “Satsǫ̀ą degoo goɂǫhchì yìı nagı̨ı̨wa ı̨lè ts'ıhɂǫ̀ jǫ nègogį̀ı̨wa hǫt'e. Eyı k'àowo sìı gǫ̀į̀hchı xè gots'ǫ̀ k'ahowo ha, eyıts'ǫ wegha eghàlats'eedaà agole xè gotłı̨tsoa goghǫ neyıìwa ha sǫnı,” hagı̨ı̨wǫ.

Dànì Kèhoį̀wo 44:7

Hanìkò gıts'ǫ̀ hagedı, “K'àowo, dànìghǫ hanì gots'ǫ̀ goı̨de? Hanì eghàlats'eeda ha honàedı nıìle!

Matthew 19:18

Cheko dayeehke, “Nàowo dàhòt'ı̨ı̨ awį̀ı̨dı,” yèhdı. Zezì yets'ǫ̀ hadı, “ ‘Dǫ ełaahwhı-le, ełexè hołı̨ı̨ hoahtsı̨-le, aahɂį̀-le, dǫ ghǫ hoahts'ì-le,

Rome 13:9

Moses wets'ǫ nàowodeè wek'èahsǫ hǫt'e: “Ełexè hołı̨ı̨ hoahtsı̨-le,” “Dǫ ełaahwhı-le,” “Aahɂį̀-le,” “Dǫ t'asìı wets'ǫ sìı weahwhǫ-le,” eyıts'ǫ nàowo eyıì-le hazǫǫ̀ gha sìı dıı nàowo ı̨łè weghǫ ahodı hǫt'e: “Edeghǫnıahtǫ lanì naxèot'ı̨ gıghǫnıahtǫ,” dek'eèhtł'è.