Dànì Kèhoį̀wo 44:5 - Nǫ̀htsı̨ Nı̨htł'è

⁵ Dıı lıbò edexè naahxèe sìı sets'ǫ̀ k'àowo yet'à t'asìı edǫ hǫt'e, eyıts'ǫ yet'à nadąą̀ hok'èezǫ hǫt'e. Sets'ǫ̀ k'àowo wets'ǫ̀ sıì ekǫ-le eghàlaahda hǫt'e,’ gį̀ı̨dı ha,” Joseph edecheekeè ts'ǫ̀ hadı.

Dànì Kèhoį̀wo 44:5 ပူးပေါင်းရင်းမြစ်များ

Dànì Kèhoį̀wo 30:27

Hanìkò Laban yets'ǫ̀ hadı, “Etesenèeɂı̨ nı̨dè ı̨łaà goxè nàądè. Sìdìı k'èhokw'o weghàà, nı̨ nets'ıhɂǫ̀ gots'ǫ̀ K'àowo sexè sìghà hòɂǫǫ̀ ayį̀į̀là wek'èehsǫ asììdlà hǫt'e,” yèhdı.

Dànì Kèhoį̀wo 44:15

Joseph gots'ǫ̀ hadı, “Dànìghǫ sets'ǫ̀ hanì eghàlaahdà? Sı̨ lanıı dǫǫ̀ sìı t'asìı deɂı̨į̀ whelaa sìı wegòhɂà ha dìì-le wek'èahsǫ-le nì?” gòhdı.

Dànì Kèhoį̀wo 44:6

Eyıt'à Joseph wecheekeè ełechıke ghǫ nììtła ekò, eyı yatı gots'ǫ̀ hadı.