Dànì Kèhoį̀wo 44:1 - Nǫ̀htsı̨ Nı̨htł'è

¹ Joseph dǫ yegha kǫ̀-k'èdìı elı̨ı̨ sìı ts'ǫ̀ hadı, “Dǫzhìı gıɂǫhchì yìı tł'olà dàgoòɂǫǫ̀ aąle, t'aàtłǫ nageewa ha dìì-le sìı ts'ǫ̀, eyıts'ǫ hazǫǫ̀ gıtaàt'eè gısǫǫ̀mbaà degoo gıɂǫhchì wets'ǫdaà nìı̨wa.

Dànì Kèhoį̀wo 44:1 ပူးပေါင်းရင်းမြစ်များ

Dànì Kèhoį̀wo 24:2

Abraham wecheekeèdeè, yegha t'asìı hazǫǫ̀ k'èdìı elı̨ı̨ sìı ts'ǫ̀ hadı, “Nılà sedzaà tł'a nìı̨chı.

Dànì Kèhoį̀wo 42:25

Gıɂǫhchì yìı tł'olà dagoòɂǫǫ̀ agele ha Joseph edecheekeè ts'ǫ̀ goı̨de, eyıts'ǫ gıts'ǫ satsǫ̀ą degoo t'à tł'olà nàgeehdì ha ı̨lèe sìı gıɂǫhchì yìı whelaà agį̀į̀là, eyıts'ǫ nageedè gha weghǫ shèts'ezhee sı goghàgı̨ı̨dì. Eyı gıgha hadlà tł'axǫǫ̀

Dànì Kèhoį̀wo 42:35

Edeɂǫhchì yìı xàgı̨ı̨wa ekò hazǫǫ̀ ełèht'eè gıts'ǫ satsǫ̀ą degoo yìwòa sìı gıɂǫhchì yìı whela nǫǫ̀. Ededı̨ eyıts'ǫ gıtà sǫǫ̀mba yìwòa gıaɂı̨ ekò geejı̨į̀ agejà.

Dànì Kèhoį̀wo 43:16

Joseph, Benjamın goxè at'ı̨ yaɂı̨ ekò dǫ yegha kǫ̀-k'èdìı elı̨ı̨ sìı ts'ǫ̀ hadı, “Dıı dǫ sekǫ̀ ts'ǫ̀ agı̨ı̨le. Tıts'aàdìı ı̨łè ełàı̨hwhı gà bò xàı̨ht'è, dzętanı sexè shègezhe ha,” yèhdı.

Dànì Kèhoį̀wo 43:19

Eyıt'à Joseph wekǫ̀ tı̨ı̨dà nègı̨ı̨de ekò Joseph gha kǫ̀-k'èdìı elı̨ı̨ sìı ts'ǫ̀ gogı̨ı̨de.

Dànì Kèhoį̀wo 43:2

Eyıt'à Egypt nèk'e gots'ǫ tł'olà nìagı̨ı̨laa sìı hazǫǫ̀ wek'ehǫǫwo ekò, Jacob edeza gots'ǫ̀ hadı, “K'achı̨ Egypt nèk'e nǫahdè gà tł'olà gogha nàahdì,” edeza gòhdı.

Dànì Kèhoį̀wo 44:2

Eyı tł'axǫǫ̀-ı̨dè wesǫǫ̀mbaà xè sets'ǫ sǫǫ̀mba degoo lıbò gıchı nǫǫdea weɂǫhchì yìı wheɂǫǫ̀ anele,” yèhdı. Eyıt'à Joseph dàdıı sìı k'ę̀ę̀ ayį̀į̀là.