Dànì Kèhoį̀wo 43:9 - Nǫ̀htsı̨ Nı̨htł'è

⁹ T'asade ch'à sı̨ xàè hotıì wexoehdı ha, seyatıì neghàıhɂǫ. T'asajà nı̨dè sı̨ set'à ha hǫt'e. Nets'ǫ̀ nawèehtı̨-le eyıts'ǫ nenadąą̀ nàwoò ahłà-le nı̨dè t'aats'ǫǫ̀ ehda gots'ǫ̀ sek'enìdahoǫɂà ha dìì-le.

Dànì Kèhoį̀wo 43:9 ပူးပေါင်းရင်းမြစ်များ

Dànì Kèhoį̀wo 31:39

Tıts'aàdìıcho ekìı-ka k'eɂàa t'à nets'ǫ sahzǫ̀ą ełaı̨wo nı̨dè wetł'axǫǫ̀ sets'ǫ sahzǫ̀ą nìehtè. Dzęh hanì-le-ı̨dè to nets'ǫ tıts'aàdìı neghǫ geeɂį̀ nı̨dè sı̨ èhłı̨ wek'èxa nàehdì ası̨ı̨hɂı̨.

Dànì Kèhoį̀wo 42:37

Ruben edetà ts'ǫ̀ hadı, “Benjamın nets'ǫ̀ nawèehtı̨-le nı̨dè wek'èxa seza nàke ełaàgede ha dìì-le. Negha nezı̨į̀ wek'èhdì ha, nets'ǫ̀ naweehtè ha,” edetà èhdı.

Dànì Kèhoį̀wo 43:10

Eyı k'eè whaà nats'eèhɂı̨-le nı̨dè nàekeè-eht'aà ekǫ nàts'edèe xè jǫ nìats'ı̨ı̨de ha ı̨lè,” Judah edetà èhdı.

Dànì Kèhoį̀wo 9:5

Naxıdoò xàı̨tł'ı t'à ełaànaxìgwo nı̨dè amìı ayį̀į̀làa sìı wesınìyahtı ha hǫt'e. Tıts'aàdìı ayį̀į̀là nı̨dè wesınìyahtı ha, dǫ ayį̀į̀là nı̨dè dǫ ełaı̨hwho k'èxa wesınìyahtı ha.

Luke 11:50

Eyıt'à dıı nèè hòèlı̨ gots'ǫ nakwenàoɂǫǫ hazǫǫ̀ ełaàgogį̀ı̨hdèe sìı dıı dǫ gık'e nìdahoet'à ha hǫt'e.

Hebrew 7:22

Nǫ̀htsı̨ hanì weyatıì nàtsoo ts'ıhɂǫ̀ nakenahòdlı̨ı̨ wek'èhodìı sìı Zezì ededı̨ eyı whelı̨ hǫt'e.