Dànì Kèhoį̀wo 43:7 - Nǫ̀htsı̨ Nı̨htł'è

⁷ Edetà ts'ǫ̀ hagedı, “Eyı k'àowo hotıì dagoehke ı̨lè, goxı̨ goghǫ eyıts'ǫ gòet'ı̨ sı gıghǫ. Hagòhdıì dagoehke, ‘Asį̀į̀ naxıtà ı̨łaà eda? Naxıchı eyıì-le gǫ̀hłı̨ nì?’ gòhdı. Eyıt'à ayìı dagoehkee sìı wets'ǫ̀ hats'edı. ‘Naxıchı jǫ nèweahtè,’ gòhdı ha wek'èts'eezǫ-le ı̨lè,” gedı.

Dànì Kèhoį̀wo 43:7 ပူးပေါင်းရင်းမြစ်များ

Dànì Kèhoį̀wo 42:11

Goxı̨ hazǫǫ̀ dǫ ı̨łè zǫ weza ats'ı̨ı̨t'e. Nàeɂį̀ı-dǫǫ̀ ats'ı̨ı̨t'e nıìle, ehkw'ı ats'ı̨ı̨wǫǫ dǫǫ̀ ats'ı̨ı̨t'e,” gedı.

Dànì Kèhoį̀wo 42:13

Hanìkò hagedı, “Dǫ ı̨łè gots'ǫ ełechı hoònǫ-daats'ǫ̀-nàke ats'ı̨ı̨t'e, eyı dǫ sìı Kanan nèk'e nàde hǫt'e. Gochı nǫǫdea sìı dıì gotà gà wheda, eyıts'ǫ gochı ı̨łè t'aa ełaı̨wo,” gıìhdı.

Dànì Kèhoį̀wo 43:27

Hagòhdı, “Dàaht'e? Naxıtà ǫhdah whelı̨ı̨ sèahdıı sìı dànì? Įłaà eda nì?” gòhdı.

Dànì Kèhoį̀wo 43:3

Hanìkò weza Judah yets'ǫ̀ hadı, “Eyı k'àowo sìı yatı nàtsoo goghàı̨ɂǫ ı̨lè, ‘Naxıchı nǫǫdea edexè aahłà lenǫsıı k'achı̨ seahɂį̀ ha-le,’ hagòhdı ı̨lè.

Dànì Kèhoį̀wo 43:6

Israel hagòhdı, “Hoìla seghàahɂǫ hǫt'e. Ayìı ha eyı k'àowo ı̨łaà naxıchı ı̨łè gǫ̀hłı̨ wèahdı nǫǫ̀?” gòhdı.

Dànì Kèhoį̀wo 44:19

K'àowo, ‘Asį̀į̀ naxıtà hanì-le-ı̨dè naxıchı gǫ̀hłı̨?’ nı̨ı̨dıì dagoı̨hke ı̨lè.