Dànì Kèhoį̀wo 43:5 - Nǫ̀htsı̨ Nı̨htł'è

⁵ Hanìkò goxè ajà-le nı̨dè ekǫ ats'ede ha-le. Eyı k'àowo dıı hagòhdı ı̨lè, ‘Naxıchı nǫǫdea edexè aahłà lenǫsıı k'achı̨ seahɂį̀ ha-le,’ gòhdı ı̨lè,” Judah edetà èhdı.

Dànì Kèhoį̀wo 43:5 ပူးပေါင်းရင်းမြစ်များ

Dànì Kèhoį̀wo 42:15

Dıı hanì naxeehdzà ha ne: K'àowocho Faraoh wedahxà dıı hanaxèehsı̨: Naxıchı nǫǫdea jǫ nììtła lenǫsıı jǫ gots'ǫǫ̀ naahdè ha-le.

Dànì Kèhoį̀wo 42:20

Hanìkò naxıchı nǫǫdea sìı sets'ǫ̀ nìahtè ha hǫt'e. Hanì-ı̨dè ehkw'ı goahde wek'èehsǫ ha, eyıts'ǫ ełaahde ha-le,” Joseph gòhdı. Eyıt'à hagejà.

Dànì Kèhoį̀wo 42:38

Hanìkò Jacob hadı, “Seza nǫǫdea Egypt nèk'e ts'ǫ̀ naxıxè ade ha-le. Wı̨ı̨de ełaı̨wo ne xè ededı̨ zǫ sexè eda hǫt'e. Ekǫ naahdè t'à t'asajà nı̨dè sekwìghàagaà xè sekw'ǫǫ̀ nìtį̀ gots'ǫ̀ sedzeè nànııtì aseahłe ha hǫt'e,” yèhdı.

Dànì Kèhoį̀wo 43:3

Hanìkò weza Judah yets'ǫ̀ hadı, “Eyı k'àowo sìı yatı nàtsoo goghàı̨ɂǫ ı̨lè, ‘Naxıchı nǫǫdea edexè aahłà lenǫsıı k'achı̨ seahɂį̀ ha-le,’ hagòhdı ı̨lè.

Dànì Kèhoį̀wo 43:4

Gochı goxè anelà nı̨dè, Egypt nèk'e ts'ǫ̀ ats'ede ha eyıts'ǫ negha tł'olà nàts'eehdì ha.

Dànì Kèhoį̀wo 43:6

Israel hagòhdı, “Hoìla seghàahɂǫ hǫt'e. Ayìı ha eyı k'àowo ı̨łaà naxıchı ı̨łè gǫ̀hłı̨ wèahdı nǫǫ̀?” gòhdı.

Dànì Kèhoį̀wo 44:23

Hanìkò k'àowo dıı hagòı̨dı ı̨lè, ‘Naxıchı nǫǫdea naxıxè ajà lenǫsıı k'achı̨ seahɂį̀ ha-le,’ gòı̨dı ı̨lè.

Dànì Kèhoį̀wo 44:25

“Sìghaı̨waà hoòwo tł'axǫǫ̀ gotà gots'ǫ̀ hadı, ‘Ekǫ ts'ǫ̀ anaahde gà k'achı̨ tł'olà naahdì,’ gòhdı.

Dànì Kèhoį̀wo 44:26

Hanìkò hawèts'edı, ‘Ekǫ nǫǫ̀ts'edè ha dìì. Gochı nǫǫdea goxè ajà nı̨dè zǫ ekǫ nàts'edè ha. Goxè at'ı̨ lenǫsıı eyı k'àowo wets'eɂį̀ ha dìì,’ wèts'edı ı̨lè.