Dànì Kèhoį̀wo 43:18 - Nǫ̀htsı̨ Nı̨htł'è

¹⁸ Joseph wekǫ̀ ts'ǫ̀ gogeèwa t'à geejı̨, hagı̨ı̨wǫ, “Satsǫ̀ą degoo goɂǫhchì yìı nagı̨ı̨wa ı̨lè ts'ıhɂǫ̀ jǫ nègogį̀ı̨wa hǫt'e. Eyı k'àowo sìı gǫ̀į̀hchı xè gots'ǫ̀ k'ahowo ha, eyıts'ǫ wegha eghàlats'eedaà agole xè gotłı̨tsoa goghǫ neyıìwa ha sǫnı,” hagı̨ı̨wǫ.

Dànì Kèhoį̀wo 43:18 ပူးပေါင်းရင်းမြစ်များ

Dànì Kèhoį̀wo 42:21

Ełets'ǫ̀ hagedı, “Gochı wets'ǫ̀ hoìla hots'èhtsı̨ k'èxa dıì hotıì nàgoekwa hǫt'e. Sıì wegha dìì xè etewets'eèɂı̨ ha goghǫnàdaetì ı̨lè hanìkò wets'eèhkw'ǫ-le ı̨lè. Eyı ts'ıhɂǫ̀ dıì goxè hoìla k'ehokw'o hǫt'e,” hagedı.

Dànì Kèhoį̀wo 42:27

To geetè ha nègı̨ı̨de ekò ı̨łè edetłı̨tsoa ghàɂeedı ha edeɂǫhchì ts'ǫdaà xàı̨wa. Ekòet'ıì wets'ǫdaà wets'ǫ satsǫ̀ą degoo whela nǫǫ̀ yaɂı̨.

Dànì Kèhoį̀wo 42:28

Edechı ts'ǫ̀ hadı, “Sets'ǫ satsǫ̀ą degoo seghǫ̀gı̨ı̨wa. Jǫ seɂǫhchì yìı whela,” gòhdı. Sıì geèhyeh t'à gıts'ehłı̨į̀ lagejà, ełets'ǫ̀ hagedı, “Nǫ̀htsı̨ dàgole gha at'ı̨?” gedı.

Dànì Kèhoį̀wo 42:35

Edeɂǫhchì yìı xàgı̨ı̨wa ekò hazǫǫ̀ ełèht'eè gıts'ǫ satsǫ̀ą degoo yìwòa sìı gıɂǫhchì yìı whela nǫǫ̀. Ededı̨ eyıts'ǫ gıtà sǫǫ̀mba yìwòa gıaɂı̨ ekò geejı̨į̀ agejà.

Dànì Kèhoį̀wo 43:17

Joseph weyatıì k'e Israel weza Joseph wekǫ̀ ts'ǫ̀ goòwa.

Dànì Kèhoį̀wo 43:19

Eyıt'à Joseph wekǫ̀ tı̨ı̨dà nègı̨ı̨de ekò Joseph gha kǫ̀-k'èdìı elı̨ı̨ sìı ts'ǫ̀ gogı̨ı̨de.

Dànì Kèhoį̀wo 44:8

Kanan nèk'e goɂǫhchì yìı sǫǫ̀mba degoo gots'į̀hɂǫǫ sìı eyı kò naxıts'ǫ̀ nìats'į̀ı̨wa ı̨lè. Eyıt'à ayìıha nets'ǫ̀ k'àowo wekǫ̀ gots'ǫ sǫǫ̀mba degoo, hanì-le-ı̨dè sǫǫ̀mba dekwoo weghǫ ets'eeɂį̀ welì?

Mark 6:16

Eyıt'à k'àowocho Herod yeghǫ ıìkw'o ekò hadı, “John-Baptıst wekwì k'egı̨ı̨hkà ahłà ı̨lè naìdà at'ı̨ ne!” hadı.

Rome 7:8

Hanìkò eyı nàowo wek'èch'a aht'ı̨ ha segha hòɂǫǫ̀ adlà hǫt'e. T'asìı łǫ sets'ǫ-le sìı sınìłı̨ı̨ t'à weghaehwhıì ahjà. Nàowo gǫ̀hłı̨-le nı̨dè hołı̨ı̨ nàowoò whìle ha ı̨lè.