Dànì Kèhoį̀wo 43:16 - Nǫ̀htsı̨ Nı̨htł'è

¹⁶ Joseph, Benjamın goxè at'ı̨ yaɂı̨ ekò dǫ yegha kǫ̀-k'èdìı elı̨ı̨ sìı ts'ǫ̀ hadı, “Dıı dǫ sekǫ̀ ts'ǫ̀ agı̨ı̨le. Tıts'aàdìı ı̨łè ełàı̨hwhı gà bò xàı̨ht'è, dzętanı sexè shègezhe ha,” yèhdı.

Dànì Kèhoį̀wo 43:16 ပူးပေါင်းရင်းမြစ်များ

Dànì Kèhoį̀wo 15:2

Hanìkò Abram hadı, “Sets'ǫ̀ K'àowo Nǫ̀htsı̨, chekoa sets'ǫ-le t'à ayìı seghàneeɂǫ lì? T'asìı hazǫǫ̀ sets'ǫ sìı Damaskus got'ı̨į̀ Elıyezer weghaelı̨į̀ ade ha hǫt'e,” hadı.

Dànì Kèhoį̀wo 21:8

Sarah Isaac nìı̨htı̨ı̨ sìı nechà dèzhǫ xè bò ghǫ shètı̨į̀ ajà. Isaac bò ghǫ shètı̨į̀ ajà t'à Abraham yegha nàsı̨ whehtsı̨.

Dànì Kèhoį̀wo 26:30

Eyıt'à Isaac gogha nàsı̨ whehtsı̨ t'à ełexè shègıazhe.

Dànì Kèhoį̀wo 31:54

Jacob eyı shìhta nèk'e tıts'aàdìı ełaı̨hwho gà Nǫ̀htsı̨ ts'ǫ̀ yek'ı̨ı̨hk'ǫ. Eyı tł'axǫǫ̀ ełèot'ı̨ ełexè shègıazheè agǫ̀ǫ̀là. Shègıazhe tł'axǫǫ̀, to eyı geète.

Dànì Kèhoį̀wo 43:17

Joseph weyatıì k'e Israel weza Joseph wekǫ̀ ts'ǫ̀ goòwa.

Dànì Kèhoį̀wo 43:19

Eyıt'à Joseph wekǫ̀ tı̨ı̨dà nègı̨ı̨de ekò Joseph gha kǫ̀-k'èdìı elı̨ı̨ sìı ts'ǫ̀ gogı̨ı̨de.

Dànì Kèhoį̀wo 44:1

Joseph dǫ yegha kǫ̀-k'èdìı elı̨ı̨ sìı ts'ǫ̀ hadı, “Dǫzhìı gıɂǫhchì yìı tł'olà dàgoòɂǫǫ̀ aąle, t'aàtłǫ nageewa ha dìì-le sìı ts'ǫ̀, eyıts'ǫ hazǫǫ̀ gıtaàt'eè gısǫǫ̀mbaà degoo gıɂǫhchì wets'ǫdaà nìı̨wa.

Dànì Kèhoį̀wo 44:4

Kǫ̀godeè gots'ǫ nıwà geède-le-t'ıì Joseph, dǫ yegha kǫ̀-k'èdìı elı̨ı̨ sìı ts'ǫ̀ hadı, “Eyı dǫ gık'èè-t'ıì aąde, gıt'àwhı̨ı̨tła nı̨dè gıts'ǫ̀ dıı haı̨dı, ‘Dànìghǫ naxıts'ǫ̀ nezı̨į̀ eghàlats'ı̨ı̨dà k'èxa ekǫ-le gots'ǫ̀ eghàlaahda?