Dànì Kèhoį̀wo 42:21 - Nǫ̀htsı̨ Nı̨htł'è

²¹ Ełets'ǫ̀ hagedı, “Gochı wets'ǫ̀ hoìla hots'èhtsı̨ k'èxa dıì hotıì nàgoekwa hǫt'e. Sıì wegha dìì xè etewets'eèɂı̨ ha goghǫnàdaetì ı̨lè hanìkò wets'eèhkw'ǫ-le ı̨lè. Eyı ts'ıhɂǫ̀ dıì goxè hoìla k'ehokw'o hǫt'e,” hagedı.

Dànì Kèhoį̀wo 42:21 ပူးပေါင်းရင်းမြစ်များ

Dànì Kèhoį̀wo 41:9

Eyıt'à k'àowocho ayìı edǫǫ dǫ yegha yexoehdıı sìı k'àowocho ts'ǫ̀ hadı, “Dıı dzęę̀ k'e dànì ı̨nę̀ę ekǫ-le eghàlaıhdàa sìı wenawhıhdı.

Dànì Kèhoį̀wo 44:16

Judah yets'ǫ̀ hadı, “K'àowo, edegha nets'ǫ̀ dàts'edı lì? Ats'ııdì whìle! Ekǫ-le hots'èhtsı̨ nıìle hanìkò dànì nets'ǫ̀ hats'edı lì? Įnę̀ę sìı ekǫ-le eghàlats'ı̨ı̨dà k'èxa Nǫ̀htsı̨ nàgǫǫhkwa hǫt'e. K'àowo, dıì goxı̨ eyıts'ǫ gochı weɂǫhchì yìı lıbò gogį̀į̀hɂǫǫ sìı negha eghàlats'eedaa-dǫǫ̀ ats'ı̨ı̨t'e,” yèhdı.

Dànì Kèhoį̀wo 45:3

Joseph edı̨ı̨de ts'ǫ̀ hadı, “Sı̨ Joseph aht'e! Asį̀į̀ setà ı̨łaà eda?” gòhdı. Hanìkò wı̨ı̨de gıch'àèhyeh t'à t'asagıìhdı ha dìì.

Dànì Kèhoį̀wo 50:15

Gıtà ełaı̨wo tł'axǫǫ̀ Joseph wı̨ı̨de hagedı, “Joseph gots'ǫ̀ wınì-le nı̨dè wets'ǫ̀ hoìla eghàlats'ı̨ı̨dà k'èxa ek'èt'à gots'ǫ̀ hoìla eghàlaeda ha sǫnı,” gedı.

Matthew 7:2

Dànì dǫ sınìyaahtı k'ę̀ę̀ naxısınìyaetı ha hǫt'e. Ayìı ghàà dǫ gısınìyaahtıı sìı eyı weghàà naxısınìyaetı ha hǫt'e.

Mark 9:48

Ekǫ ‘yììda ełaàde hǫı̨lı̨ nıìle eyıts'ǫ kǫ̀ naekwı hǫı̨lı̨ nıìle.’

Luke 16:28

Sechı sı̨làı geeda hǫt'e, Lazarus gots'ǫ̀ godeè awı̨ı̨le, hanì-ı̨dè jǫ dǫ daı̨ɂaa k'è gòɂǫǫ sìı ts'ǫ̀ agede ha-le t'à,’ yèhdı.

Zezì Wecheekeèdeè 19:18

Dǫ gıgha ehkw'ı-ahodı łǫ dǫ hazǫǫ̀ gonadąą̀ edenàowołı̨ı̨ ghǫ hǫdegeedè.

James 2:13

Dǫ wedzeè eteèɂı̨-le sìı wesınìyaetıı dzęę̀ k'e nı̨dè eteweèɂı̨ ha nıìle. Ełets'ǫ̀ godzeè eteèɂı̨ı̨ sìı ełesınìyats'ehtı nahk'e elı̨ hǫt'e!

1 John 1:9

Gohołı̨į̀ ghǫ Nǫ̀htsı̨ ts'ǫ̀ hǫdets'eedè nı̨dè edeyatıì k'èdì ha eyıts'ǫ ehkw'ı gosınìyaehtı ha: goghǫ nahoele xè Zezì wedoò t'à gohołı̨į̀ k'enaetse.