Dànì Kèhoį̀wo 42:2 - Nǫ̀htsı̨ Nı̨htł'è

² Egypt nèk'e tł'olà gǫ̀hłı̨ı̨ gedı. Ekǫ aahde gà tł'olà gogha nàahdì, hanì-ı̨dè bò dę ełaàts'ede ha-le,” gòhdı.

Dànì Kèhoį̀wo 42:2 ပူးပေါင်းရင်းမြစ်များ

Dànì Kèhoį̀wo 42:3

Eyıt'à Joseph wı̨ı̨de hoònǫ tł'olà nàgehdı ha Egypt nèk'e ts'ǫ̀ geède.

Dànì Kèhoį̀wo 43:2

Eyıt'à Egypt nèk'e gots'ǫ tł'olà nìagı̨ı̨laa sìı hazǫǫ̀ wek'ehǫǫwo ekò, Jacob edeza gots'ǫ̀ hadı, “K'achı̨ Egypt nèk'e nǫahdè gà tł'olà gogha nàahdì,” edeza gòhdı.

Dànì Kèhoį̀wo 43:4

Gochı goxè anelà nı̨dè, Egypt nèk'e ts'ǫ̀ ats'ede ha eyıts'ǫ negha tł'olà nàts'eehdì ha.

Dànì Kèhoį̀wo 43:8

Eyı tł'axǫǫ̀ Judah edetà Israel ts'ǫ̀ hadı, “Sechı sexè awede, ekòet'ıì ekǫ ts'eedè ha. Hanì-ı̨dè goxı̨ eyıts'ǫ nı̨, goza, hǫt'ıì ełaàts'ede ha-le, hanìkò ts'eeda ha.

Dànì Kèhoį̀wo 45:9

Įwhąą̀ setà ts'ǫ̀ anaahde, dıı hawèahdı, ‘Neza Joseph nets'ǫ̀ dıı hadı: Nǫ̀htsı̨ Egypt nèk'e gha k'àowo sèhtsı̨. Įwhąą̀ sets'àątła.

Matthew 4:4

Zezì yets'ǫ̀ hadı, “Dıı hanì dek'eèhtł'è hǫt'e: ‘Dǫ sìı łèt'è zǫ t'à eda nıìle. Nǫ̀htsı̨ weyatıì hazǫǫ̀ t'à eda hǫt'e,’ ” yèhdı.

Zezì Wecheekeèdeè 7:12

Jacob, Egypt nèk'e łè gǫ̀hłı̨ gedı ghǫ ıìkw'o t'à edeza ekǫ t'akwełǫ̀ǫ̀ goèhɂà ı̨lè.