Dànì Kèhoį̀wo 41:8 - Nǫ̀htsı̨ Nı̨htł'è

⁸ K'omǫǫ̀dǫǫ̀ agòjà ekò k'àowocho Faraoh ayìı ghǫ nàwhetı̨ı̨ sìı yeghǫ nànıwo, eyıt'à Egypt nèk'e ı̨k'ǫǫ̀-k'alagedèe-dǫǫ̀ eyıts'ǫ dǫ gogı̨ı̨zǫǫ gı̨ı̨lı̨ı̨ sìı hazǫǫ̀ gokayaı̨htı. Dànì nàwhetı̨ı̨ sìı gots'ǫ̀ hadı, hanìkò dǫ wı̨ı̨zìı yegha yek'aàhtı ha dìì.

Dànì Kèhoį̀wo 41:8 ပူးပေါင်းရင်းမြစ်များ

Dànì Kèhoį̀wo 40:6

K'omǫǫ̀dǫǫ̀ Joseph gots'ǫ̀ nììtła ekò ts'ǫǫ̀gı̨ı̨wǫǫ k'ę̀ę̀ gìgoèht'į̀.

Dànì Kèhoį̀wo 40:8

“Įxę̀ę to į̀łak'aà nàwìte hanìkò dǫ gots'ǫ̀ yek'ayawhehtı whìle,” gedı. Joseph gots'ǫ̀ hadı, “Nàts'etee wek'ayats'ehtıı sìı Nǫ̀htsı̨ wets'ǫ̀ hoèlı̨ hǫt'e. Dànì nàwhahtee sìı sets'ǫ̀ haahdı,” gòhdı.

Dànì Kèhoį̀wo 41:15

K'àowocho Faraoh Joseph ts'ǫ̀ hadı, “Nàwhıhtı̨ hanìkò dàhodıì-ahodıı sìı dǫ wı̨ı̨zìı segha yek'ayahtı ha dìì. Hanìkò neghǫ dıı hagedı: Dǫ nàtee sìı nets'ǫ̀ hagedı nı̨dè dàhodıì-ahodıı sìı gıts'ǫ̀ ehkw'ı wek'ayanehtı nègedı,” yèhdı.

Dànì Kèhoį̀wo 41:24

Eyı tł'olàkwì detǫ-lea sìı tł'olàkwì łǫ̀hdı̨ nezı̨į̀ dèhshǫǫ sìı kageèhde, hanì nàwhıhtı̨. Įk'ǫǫ̀-k'alagedèe-dǫǫ̀ hagèehsı̨ hanìkò dàhodıì-ahodıı sìı dǫ wı̨ı̨zìı sets'ǫ̀ hadı ha dìì,” k'àowocho hadı.

Dànì Kèhoį̀wo 41:7

Tł'olàkwì detǫ-le łǫ̀hdı̨ sìı tł'olàkwì nezı̨ı̨ łǫ̀hdı̨ kageèhde. K'àowocho Faraoh ts'ı̨ı̨wo ekò nàte at'ı̨ nǫǫ̀.

Matthew 2:1

Zezì kǫ̀ta Bethlehem wegǫ̀hłı̨ ekò Herod Judea nèk'e k'àowocho elı̨ ı̨lè. Zezì wegǫ̀hłı̨ tł'axǫǫ̀ nıwàa nèk'e gots'ǫ k'àowo Jerusalem nègı̨ı̨de.

Zezì Wecheekeèdeè 17:18

Dǫ mǫ̀hdaa Epıcurean nàowoò eyıts'ǫ Stoıc nàowoò k'ę̀ę̀ nànıgedèe sìı Paul k'èch'a gogede, hagedı, “Dıı dǫ wewà łǫ ayìı ghǫ godeè-adı?” Eyıts'ǫ mǫ̀hdaa hagedı, “Nǫ̀htsı̨ ładı̨ı̨ ghǫ godeè-adı lanì,” gedı. Paul, Zezì wegodıì nezı̨ı̨ t'à gode eyıts'ǫ ı̨daà nı̨dè dǫ nagìdà ha hadı t'à, agıìhdı.

Zezì Wecheekeèdeè 7:22

Moses Egypt got'ı̨į̀ k'ę̀ę̀ gǫǫzǫǫ̀ hoghàweètǫ. Gode t'à eyıts'ǫ dànì k'ehoɂa t'à dǫ nàtsoo whelı̨.

1 Corınth 1:19

Dıı hanì dek'eèhtł'è hǫt'e: “Dǫ gogı̨ı̨zǫǫ sìı gınàowoò wedıhohtsı̨ ha, eyıts'ǫ gıt'à nànıgedèe sìı whìle ahłe ha,” dek'eèhtł'è.