Dànì Kèhoį̀wo 41:43 - Nǫ̀htsı̨ Nı̨htł'è

⁴³ Joseph k'àowocho k'è whedaa elı̨ t'à tłı̨cho-behchı̨į̀ yìı naekò ayį̀į̀là, eyıts'ǫ dǫ yenakweè hòtł'ò dıı hagedı, “K'àowo wegha gòɂǫǫ̀ aahłe,” gedıì gezeh. Hanì t'aa k'àowocho Faraoh, Joseph Egypt nèk'e hazǫǫ̀ gha k'àowo elı̨į̀ ayį̀į̀là.

Dànì Kèhoį̀wo 41:43 ပူးပေါင်းရင်းမြစ်များ

Dànì Kèhoį̀wo 41:42

Hadı tł'axǫǫ̀ k'àowocho Faraoh edelamǫ̀ǫ yet'à t'asìı nàekwį̀ı̨ sìı Joseph welakw'ǫǫ̀ k'e nèyeechı. Lìgodǫ̀ wèdaat'ı̨ı̨ yìı whedaà ayį̀į̀là, eyıts'ǫ sǫǫ̀mbaekwo whǫǫ̀zaa yek'o k'e nèyı̨ı̨wa.

Dànì Kèhoį̀wo 41:44

Eyı tł'axǫǫ̀ k'àowocho Faraoh, Joseph ts'ǫ̀ hadı, “Sı̨ k'àowocho Faraoh aht'e, hanìkò Egypt nèk'e hazǫǫ̀ dǫ wı̨ı̨zìı neyatıì dę t'asìı hale ha nıìle,” yèhdı.

Dànì Kèhoį̀wo 42:30

“Egypt nèk'e k'àowo elı̨ı̨ sìı yıdaı̨t'e lanì gots'ǫ̀ gode. Wenèk'e nàeɂį̀ı̨-dǫǫ̀ ats'ı̨ı̨t'e goı̨hwhǫ k'ę̀ę̀ gots'ǫ̀ gode.

Dànì Kèhoį̀wo 42:33

“Eyıt'à eyı nèk'e k'àowo elı̨ı̨ sìı gots'ǫ̀ dıı hadı, ‘Ehkw'ı aahwhǫǫ dǫǫ̀ aaht'e nı̨dè dıı weghàà wek'èehsǫ ha: Naxıta ts'ǫ dǫ ı̨łè jǫ aìdaà aweahłe gà naxèot'ı̨ gıgha bò whìle sìı tł'olà gıts'ǫ̀ naahwha.

Dànì Kèhoį̀wo 42:6

Ekò k'e Joseph Egypt nèk'e gha k'àowo elı̨ t'à dǫ hazǫǫ̀ ts'ǫ̀ tł'olà weghǫ nàedì. Eyıt'à Joseph wı̨ı̨de eyı nègı̨ı̨de ekò gınì dèè xèedì ts'ǫ̀ gıts'ǫ̀ nàgòı̨hgè.

Dànì Kèhoį̀wo 45:26

Edetà ts'ǫ̀ hagedı, “Joseph ı̨łaà eda! Egypt nèk'e gha k'àowo elı̨,” gıìhdı. Jacob wetł'ahk'eè agòjà t'à wegha ehkw'ı-ahodı-le.

Dànì Kèhoį̀wo 45:8

“Eyıt'à naxı̨ jǫ ts'ǫ̀ asèahłà nıìle, Nǫ̀htsı̨ jǫ ts'ǫ̀ seèhɂà hǫt'e. K'àowocho Faraoh wegha k'eyaetıı-dǫǫ̀ ehłı̨į̀ asį̀į̀là. Wecheekeè hazǫǫ̀ eyıts'ǫ wenèè hazǫǫ̀ gha denahk'e k'àowo ehłı̨į̀ asį̀į̀là hǫt'e.

Dànì Kèhoį̀wo 50:18

Wı̨ı̨de Joseph ts'ǫ̀ nègı̨ı̨de ekò wets'ǫ̀ nàgògı̨ı̨hgè xè hagedı, “T'aats'ǫǫ̀ negha eghàlats'eedaa-dǫǫ̀ ts'ı̨ı̨lı̨ ha,” gıìhdı.

Dànì Kèhoį̀wo 50:9

Tłı̨cho-behchı̨į̀ łǫ eyıts'ǫ dǫ tłı̨cho t'à k'egedèe goxè agejà. Sıì dǫ łǫ gok'ègeède.

Zezì Wecheekeèdeè 7:10

Wegha hoìla hazǫǫ̀ ch'à edaxàyį̀ı̨htı̨. Joseph sıì gǫǫzǫǫ̀ ayį̀į̀là eyıts'ǫ Egypt gha k'àowocho yeghǫneètǫǫ̀ ayį̀į̀là. Egypt nèk'e k'àowodeè yèhtsı̨ eyıts'ǫ k'àowocho wekǫ̀ gocho hazǫǫ̀ yets'ǫ̀ k'àowo ayį̀į̀là.

Phılıppı 2:10

Eyıt'à t'asìı hazǫǫ̀ yak'e nàdèe sìı, dǫ hazǫǫ̀ dıı nèk'e nàdèe sìı, eyıts'ǫ t'asìı hazǫǫ̀ dıı nèè gotł'a nàdèe sìı Zezì ts'ǫ̀ nàgògehgè ha hǫt'e.