Dànì Kèhoį̀wo 41:32 - Nǫ̀htsı̨ Nı̨htł'è

³² Nǫ̀htsı̨ hotıì hagode ha nıwǫ t'à k'àowocho Faraoh hanì nàekeè ełèht'eè nàwhetı̨į̀ ayį̀į̀là, whaà-le-t'ıì Nǫ̀htsı̨ hanì hòɂǫǫ̀ hayele ha.

Dànì Kèhoį̀wo 41:32 ပူးပေါင်းရင်းမြစ်များ

Dànì Kèhoį̀wo 37:7

Tł'olà dehshee k'è tł'olà natsı̨ts'eèzà ghǫ ełexè eghàlats'eeda là hǫtsaa sets'ǫ tł'olà wexèwhıhzàa sìı ehkw'ıìɂah nàwoò lajà, eyıts'ǫ naxıts'ǫ tł'olà wexèwhahzàa sìı sets'ǫ tł'olà wemǫǫ̀ nègı̨ı̨de gà gıts'ǫ̀ nàgòı̨hgè lagejà,” gòhdı.

Dànì Kèhoį̀wo 37:9

Įdaà t'à k'achı̨ Joseph nàwhetı̨ ekò, yet'à edı̨ı̨de xè godo, hadı, “K'àchı̨ dıı hanì nàwhıhtı̨: sadeè, adzęzah eyıts'ǫ whǫ̀ hoònǫ-daats'ǫ̀-ı̨łè sets'ǫ̀ nàgògı̨ı̨hgè,” gòhdı.

Dànì Kèhoį̀wo 41:25

Eyıt'à Joseph k'àowocho ts'ǫ̀ hadı, “Nàekeè nàwheętı̨ı̨ sìı ełèht'e hǫt'e. Nǫ̀htsı̨ ayìı dàele ha sìı k'àowocho ts'ǫ̀ wègoèht'į̀ ayį̀į̀là.

Dànì Kèhoį̀wo 41:28

“K'àowo, dànèehsı̨ı̨ sìı k'ę̀ę̀ agode ha: Nǫ̀htsı̨ ayìı dàle ha sìı wek'èı̨zǫǫ̀ anį̀į̀là hǫt'e.

Dànì Kèhoį̀wo 41:31

Łǫ̀hdı̨ xo ts'ǫ̀ sıì bò whìle agode ha t'à jǫ nèk'e t'akwe dànì deɂǫ̀ǫ̀ bò łǫ t'à hoı̨zı̨ ı̨lèe sìı gınadì ha-le.

Matthew 24:35

Yak'e eyıts'ǫ dèè whìle agode ha hǫt'e, hanìkò seyatıì wı̨ı̨zìı sìı whìle ade ha nıìle.

Matthew 25:34

“Eyı tł'axǫǫ̀-ı̨dè k'àowocho dǫ nàgòts'ehnèe nàgeèhzaa sìı gots'ǫ̀ dıı hadı ha, ‘Jǫ aahdè, Setà naxıxè sìghà anıwǫ hǫt'e. Dıı nèè hòèlı̨ gots'ǫ Nǫ̀htsı̨ Wenàowoò k'ę̀ę̀ hòɂǫǫ naxıda sınìhòt'ǫǫ sìı ts'ǫ̀ goyaahdè.

Matthew 25:41

“Eyı tł'axǫǫ̀-ı̨dè k'àowocho dǫ gots'ı̨hts'ǫ nàgeèhzaa sìı gots'ǫ̀ hadı ha, ‘Sets'ǫǫ̀ naahdè, naxıxè hoìla hòɂǫ ha hǫt'e. Welǫ whìle ts'ǫ̀ kǫ̀ dèk'ǫ̀ǫ wehłı̨ı̨ eyıts'ǫ weyak'eet'ı̨į̀ gıdagòɂǫǫ sìı ts'ǫ̀ aahde.

Mark 10:40

hanìkò amìı segà nàgòts'ehnèe wheda ha, eyıts'ǫ amìı segà gots'ı̨hts'ǫ wheda ha sìı sı̨ sets'ǫ̀ hoèlı̨ nıìle. Amìı segà wheke ha sìı setà hòt'a gogha sıìgǫ̀ǫ̀là ı̨lè hǫt'e,” gòhdı.

1 Corınth 2:9

Nǫ̀htsı̨ Nı̨htł'è k'e dıı hanì dek'eèhtł'è: “Dǫ Nǫ̀htsı̨ ghǫnegeètǫǫ sìı Nǫ̀htsı̨ ayìı ts'atà godawhehłaa sìı dǫ wı̨ı̨zìı yaɂı̨ whìle, eyıts'ǫ dǫ wı̨ı̨zìı yı̨ı̨hkw'ǫ̀ whìle, eyıts'ǫ dǫ wı̨ı̨zìı yedaànıwhewo whìle,” dek'eèhtł'è.

2 Corınth 13:1

Dıì taà-eht'aà naxıts'àhtłaà ade ha hǫt'e. Dıı hanì dek'eèhtł'è, “Dǫ nàke hanì-le-ı̨dè dǫ taı gıdaà agòjàa sìı ełèht'eè dǫ ghǫ xàyagı̨ı̨htı nı̨dè gıgodıì ıtà ha hǫt'e,” dek'eèhtł'è.

John Wenazhıı 9:15

Eyı yak'eet'ı̨į̀ dı̨ sìı dıı sadzeè gha, dıı dzęę̀ gha, dıı sa gha eyıts'ǫ dıı xo gha, gık'èhodì hǫt'e. Dıı nèk'e dǫ hazǫǫ̀ tanı k'aɂį̀ı̨ ts'ǫ̀ ełaàgogìhde ha xàgeèdeè agǫ̀ǫ̀là.