Dànì Kèhoį̀wo 41:16 - Nǫ̀htsı̨ Nı̨htł'è

¹⁶ Joseph k'àowocho Faraoh ts'ǫ̀ hadı, “Sı̨ set'à agot'ı̨ nıìle, hanìkò Nǫ̀htsı̨ sìı k'àowocho ayìı ghǫ nàtee dàhodıì-ahodı nıwǫǫ sìı yek'èezǫǫ̀ ayele ha,” yèhdı.

Dànì Kèhoį̀wo 41:16 ပူးပေါင်းရင်းမြစ်များ

Dànì Kèhoį̀wo 37:14

“Ekǫ nı̨ı̨de sahzǫ̀ą xè dàgı̨ı̨t'e lì gha gık'aı̨hta, gıghǫ sets'ǫ̀ godı naı̨ɂà,” wetà yèhdı. Eyıt'à Jacob edeza Hebron nèk'e gots'ǫ Shekem nèk'e ts'ǫ̀ yeèhɂà.

Dànì Kèhoį̀wo 40:8

“Įxę̀ę to į̀łak'aà nàwìte hanìkò dǫ gots'ǫ̀ yek'ayawhehtı whìle,” gedı. Joseph gots'ǫ̀ hadı, “Nàts'etee wek'ayats'ehtıı sìı Nǫ̀htsı̨ wets'ǫ̀ hoèlı̨ hǫt'e. Dànì nàwhahtee sìı sets'ǫ̀ haahdı,” gòhdı.

Dànì Kèhoį̀wo 41:17

Eyıt'à k'àowocho Faraoh Joseph ts'ǫ̀ hadı, “Dıı hanì nàwhıhtı̨: Dehcho Naıl gà nàhwho là,

Dànì Kèhoį̀wo 41:25

Eyıt'à Joseph k'àowocho ts'ǫ̀ hadı, “Nàekeè nàwheętı̨ı̨ sìı ełèht'e hǫt'e. Nǫ̀htsı̨ ayìı dàele ha sìı k'àowocho ts'ǫ̀ wègoèht'į̀ ayį̀į̀là.

Dànì Kèhoį̀wo 41:28

“K'àowo, dànèehsı̨ı̨ sìı k'ę̀ę̀ agode ha: Nǫ̀htsı̨ ayìı dàle ha sìı wek'èı̨zǫǫ̀ anį̀į̀là hǫt'e.

Luke 19:42

“Dıı dzęę̀ k'e ayìı t'à naxıxè ts'èwhı̨į̀ hòɂǫ ha sìı wek'èahsǫ nı̨dè dehwhǫ. Hanìkò naxıch'à deɂı̨į̀ wheɂǫ.

Zezì Wecheekeèdeè 3:12

Peter gots'ǫ̀ hadı, “Israel got'ı̨į̀, dànìghǫ naxıgha enıìyah dìì? Dànìghǫ naxıgha enıìyah nàhòwo lanì goghàahda? Goxı̨ godahxà dıı dǫ k'edaà ats'ı̨ı̨là dahwhǫ nì? Deghàà Nǫ̀htsı̨ wınì k'ę̀ę̀ ts'eedaà adets'ììdlà t'à k'edaà awets'į̀į̀là dahwhǫ nì? Į̀le, haahwhǫ-le.

Zezì Wecheekeèdeè 3:7

Yılà nıìchì gà nıìtłaà ayį̀į̀là. Ekòet'ıì eyı dǫ wekè eyıts'ǫ wekechı̨į̀ nàtsoò ajà.

1 Corınth 15:10

Hanìkò Nǫ̀htsı̨ wesǫnıwǫ ts'ıhɂǫ̀ wecheekeèdeè whıhłı̨, wesǫnıwǫ t'à dǫ eładı̨ı̨ whıhłı̨į̀ asį̀į̀là. Wecheekeèdeè hazǫǫ̀ gınahk'e hòtł'ò eghàlaıhdà, hanìkò sı̨ adehɂı̨ nıìle, Nǫ̀htsı̨ wesǫnıwǫ seyìı eghàlaedaa sìı at'ı̨ hǫt'e.

2 Corınth 3:5

Goxı̨ godahxà hats'edı nıìle. Goxı̨ whatsǫǫ̀ t'asìı ts'ı̨ı̨lı̨ nıìle, hanìkò Nǫ̀htsı̨ hanì eghàlats'eeda ha goghàhòı̨ɂǫ hǫt'e.