Dànì Kèhoį̀wo 39:3 - Nǫ̀htsı̨ Nı̨htł'è

³ Potıfar Nǫ̀htsı̨ Joseph ts'àdı t'à, t'asìı hazǫǫ̀ t'à wets'ǫ̀ nezı̨į̀ k'ehokw'o yek'èhoèhzà,

Dànì Kèhoį̀wo 39:3 ပူးပေါင်းရင်းမြစ်များ

Dànì Kèhoį̀wo 21:20

Eyı dǫzhìa nechà dèzhǫ ekò Nǫ̀htsı̨ yexè sìghà hòɂǫǫ̀ ayį̀į̀là. Ekìı-ka nèk'e nàdeè ajà eyıts'ǫ k'į̀ t'à nezı̨į̀ eehtà k'èezǫǫ̀ ajà.

Dànì Kèhoį̀wo 21:22

Ekìıyeè k'e k'àowocho Abımelek eyıts'ǫ yegha eghǫǫ-dǫǫ̀ ts'ǫ̀ k'àowo elı̨ı̨ Fıkol, Abraham ts'ǫ̀ hagedı, “Nǫ̀htsı̨ t'asìı hazǫǫ̀ t'à nexè sìghà hòɂǫǫ̀ ayį̀į̀là hǫt'e.

Dànì Kèhoį̀wo 21:23

Eyıt'à jǫ Nǫ̀htsı̨ nadąą̀ sexè yatı nàtsoo nehtsı̨. Sets'ǫ̀ hoìla hoı̨htsı̨ ha-le, seza sı eyıts'ǫ ı̨daà gòı̨ɂà nı̨dè sets'ıhɂǫ̀ǫ-dǫǫ̀ sı gıts'ǫ̀ hoìla hoı̨htsı̨ ha-le sìı̨dıì, sexè yatı nàtsoo nehtsı̨. Jǫ gonèk'e xàhtǫ lanì nàądè t'à dànì nets'ǫ̀ sedzeè eteèɂı̨ k'ę̀ę̀ nı̨ sı sets'ǫ̀ nedzeè eteèɂı̨ welè,” yèhdı.

Dànì Kèhoį̀wo 26:24

Eyı toò k'e gots'ǫ̀ K'àowo yets'ǫ̀ wègoèht'į̀, hayèhdı, “Netà Abraham Wenǫ̀htsı̨ aht'e. Nek'èhdì ne t'à nı̨ı̨jı̨-le. Nexè sìghà hòɂǫǫ̀ agohłe ha eyıts'ǫ nets'ıhɂǫ̀ǫ-dǫǫ̀ łǫǫ̀ agehłe ha. Secheekeè Abraham wets'ıhɂǫ̀ negha hagohłe ha,” yèhdı.

Dànì Kèhoį̀wo 26:28

Abımelek eyıts'ǫ wexè aget'ı̨ı̨ sìı hagedı, “Hoɂıì gots'ǫ̀ K'àowo nexè at'ı̨ wek'èts'eezǫ, eyıt'à ełexè yatı nàtsoo ts'ehtsı̨ ha ts'ı̨ı̨wǫ. Ełexè ts'èwhı̨į̀ ts'eeda gha yatı nàtsoo ełeghàts'ıɂà.

Dànì Kèhoį̀wo 30:27

Hanìkò Laban yets'ǫ̀ hadı, “Etesenèeɂı̨ nı̨dè ı̨łaà goxè nàądè. Sìdìı k'èhokw'o weghàà, nı̨ nets'ıhɂǫ̀ gots'ǫ̀ K'àowo sexè sìghà hòɂǫǫ̀ ayį̀į̀là wek'èehsǫ asììdlà hǫt'e,” yèhdı.

Dànì Kèhoį̀wo 30:30

Nets'ǫ̀ ahjà kwe tıts'aàdìı łǫ-lea nets'ǫ ı̨lè, dıì sìı denahk'e łǫǫ̀ agejà. Edı̨į̀ shègezhe ha gıamı̨ı̨ k'ehtło xè gık'èhdì t'à gots'ǫ̀ K'àowo nexè sìghà hòɂǫǫ̀ ayį̀į̀là hǫt'e. Ekò dıì sekǫ̀ gòɂǫ gha t'asìı hahłe ha dehwhǫ,” yèhdı.

Dànì Kèhoį̀wo 39:2

Nǫ̀htsı̨ Joseph k'èdì t'à Joseph wexè nezı̨į̀ hòɂǫǫ̀ agòjà, wets'ǫ k'àowo Potıfar wekǫ̀ nàdè.

Dànì Kèhoį̀wo 39:21

Nǫ̀htsı̨ yek'èdì. Joseph ts'ǫ̀ wedzeè eteèɂı̨ t'à dǫ-danìı̨laa-kǫ̀ ts'ǫ̀ k'àowo Joseph ts'ǫ̀ sǫnıwǫǫ̀ ayį̀į̀là.

Dànì Kèhoį̀wo 39:23

Nǫ̀htsı̨ Joseph k'èdì t'à, t'asìı hazǫǫ̀ hohtsı̨ı̨ sìı t'à wets'ǫ̀ hoedıì ayį̀į̀là. Eyıt'à dǫ-danìı̨laa-kǫ̀ ts'ǫ̀ k'àowo sìı Joseph t'asìı wetł'aà whela ghǫ nànıwo-le.

Matthew 5:16

Eyı xèht'eè naxı̨ sı dǫ hazǫǫ̀ gıgha dzęh nı̨ı̨dı̨ı̨ laaht'e ha hǫt'e. Hanì-ı̨dè dànì nezı̨į̀ eghàlaahdaa sìı gıghàeda t'à Naxıtà yak'e whedaa sìı ghàsǫgeedı ha.

1 Corınth 16:2

Dzęahta xèhoìwı taàt'eè, hazǫǫ̀ naxıtaàt'eè sǫǫ̀mba dàtłǫ whahtsı̨ı̨ sìı weghàà sǫǫ̀mba whatsǫǫ̀ nìahłe. Eyı sǫǫ̀mba sedawek'èahdì nı̨dè, naxıts'ǫ̀ nèehtła nı̨dè sǫǫ̀mba nàahtsį̀ ha-le.

John Wenazhıı 3:9

Eyı dǫ wehłı̨ı̨ wecheekeè agı̨ı̨t'ee sìı naxınadąą̀ nàgògehgè agehłe ha. Naxıghǫneehtǫ hǫt'e gık'èezǫǫ̀ agehłe ha. Israel got'ı̨į̀ agı̨ı̨t'e-le kò xàè ‘Israel got'ı̨į̀ ats'ı̨ı̨t'e’ gedı t'à hogets'ìı-dǫǫ̀ agı̨ı̨t'e.