Dànì Kèhoį̀wo 39:10 - Nǫ̀htsı̨ Nı̨htł'è

¹⁰ Dzę taàt'eè eyı gha Joseph k'adaawo, hanìkò yet'àetè ha nıwǫ-le, eyıts'ǫ yegà nıwà-le ade ha nıwǫ-le.

Dànì Kèhoį̀wo 39:10 ပူးပေါင်းရင်းမြစ်များ

Dànì Kèhoį̀wo 39:11

Įłàà edılaà ghàlaeda ha goyaèhtła, dǫ goyìı eghàlagıìdèe sìı ı̨łè kò goyìı wheda-le ı̨lè.

Dànì Kèhoį̀wo 39:8

Hanìkò yek'èhoeɂà-le, hayèhdı, “Sets'ǫ̀ k'àowo t'asìı hazǫǫ̀ wegha xoehdı t'à t'asìı wı̨ı̨zìı ghǫ nànıwo nıìle. T'asìı hazǫǫ̀ wets'ǫ sìı setł'aà whelaà ayį̀į̀là hǫt'e.

Dànì Kèhoį̀wo 39:9

Jǫ kǫ̀ goyìı sets'ǫ̀ k'àowo wecheekeè gıta dǫ wı̨ı̨zìı senahk'e elı̨ gǫ̀hłı̨ nıìle. Sets'ǫ̀ k'àowo t'asìı wı̨ı̨zìı sech'à yek'èdì nıìle, hotıì nı̨ zǫ, wets'èkeè anet'e t'à. Eyıt'à hanì hołı̨ı̨-deè hohtsı̨ xè Nǫ̀htsı̨ wek'èch'a hołı̨ı̨ hohtsı̨ ha dìì,” Joseph yèhdı.

1 Corınth 15:33

Dǫ ts'ıɂǫ̀ anaxegııle sǫ̀ǫ̀. “Dǫ wejıı gıxè aaht'ı̨ nı̨dè, naxınì nezı̨ı̨ sìı wejıì at'į̀ hǫt'e.”

1 Corınth 6:18

Eyıt'à hołı̨ı̨ k'ę̀ę̀ ełek'alaahdèe ch'à edek'èahdì. Dǫ hołı̨ı̨ eyıì-le hohtsı̨ı̨ sìı edezhį̀į̀ t'à hołı̨ı̨ hohtsı̨ at'ı̨ nıìle, hanìkò amìı hołı̨ı̨ k'ę̀ę̀ ełek'alagedèe sìı edezhį̀į̀ t'à hołı̨ı̨ hogehtsı̨ hǫt'e.

1 Thessalonıca 5:22

Nàowołı̨ı̨ hazǫǫ̀ xàɂaa ch'à edek'èahdì.

1 Tımothy 5:14

Eyıt'à ts'èko gıghoò łǫ-le et'ıì gıdǫǫ̀ ełaı̨dèe sìı honìgııdè kò dehwhǫ hǫt'e. Gıza gǫ̀hłı̨ xè edekǫ̀ k'ègedì kò eyı denahk'e gıgha nezı̨ hǫt'e. Hanì-ı̨dè wehłı̨ı̨ goızì jıı ehtsı̨ ha gıghàhòɂà ha-le.

2 Tımothy 2:22

Cheko gınàowołı̨ı̨ ch'à edek'ènedì. Ehkw'ı zǫ k'ę̀ę̀ k'ehoı̨ɂa, t'aats'ǫǫ̀ Nǫ̀htsı̨ gha nınì nàtso anehwhǫ, dǫ ghǫneètǫ eyıts'ǫ ts'èwhı̨į̀ k'ehoı̨ɂa. Dǫ hazǫǫ̀ gıdzeè degaı xè Nǫ̀htsı̨ ghǫ gınì nàtsoo agı̨ı̨t'ee sìı hanì geeda hǫt'e.

1 Peter 2:11

Seàgı̨ą, dıı nèk'e ts'ǫ dǫ gıta xàhtǫ laaht'e t'à hołı̨ı̨ naxıdą̀ązhį̀ı̨ k'alawoo sìı wek'ę̀ę̀ aahda ha-le naxıghǫ hòtł'ò hahwhǫ.