Dànì Kèhoį̀wo 38:23 - Nǫ̀htsı̨ Nı̨htł'è

²³ Eyıt'à Judah hadı, “Dǫ goghageedlò ch'à ayìı wexè whela ahłàa sìı yek'èdì kò. Hòt'a ejıetsoa wedanìıhtı̨ kò wegònehɂǫ nıìle,” yèhdı.

Dànì Kèhoį̀wo 38:23 ပူးပေါင်းရင်းမြစ်များ

Dànì Kèhoį̀wo 38:22

Eyıt'à Judah ts'ǫ̀ naèhtła, hayèhdı, “Eyı ts'èko wegòhɂà ha whį̀ahjà. Dǫzhìı ekǫ nàgedèe sìı ts'èko hanıı gǫ̀hłı̨-le, gedı,” yèhdı.

Dànì Kèhoį̀wo 38:24

Taı sa k'ehǫǫwo tł'axǫǫ̀ Judah ts'ǫ̀ hagedı, “Neza wets'èkeè Tamar wezhį̀į̀ weghǫ nàedì ı̨lè nǫǫ̀, eyıt'à dıì hotıeda-le,” gıìhdı. Judah hadı, “Xàweahchı, wek'eek'ǫ̀ ha!” Judah gòhdı.

Rome 6:21

Ayìı weghàlaahda ı̨lèe sìı dıì weghǫ į̀į̀zhaahłı̨ hǫt'e. Hołı̨ı̨ hòahtsı̨ t'à naxıgha sìghà hòɂǫ nıìle. Eyı hołı̨ı̨ wets'ıhɂǫ̀ ełaàts'ede hǫt'e.

2 Corınth 4:2

Hanìkò deɂı̨į̀ k'ehots'eɂa eyıts'ǫ t'asìı weghǫ į̀į̀zhats'ı̨ı̨lı̨ı̨ sìı wedę ha ts'ı̨ı̨wǫ. Dǫ ghǫyats'eeɂà t'à eghàlats'eeda nıìle, eyıts'ǫ Nǫ̀htsı̨ weyatıì ładı̨į̀ ats'ehɂı̨ nıìle. Hanìkò dǫ ededzeè t'à gogeèhkw'ǫ ha ts'ı̨ı̨wǫ t'à Nǫ̀htsı̨ wenadąą̀ nàowo ehkw'ıı ghǫ hotıì ehkw'ı gots'ede hǫt'e.

Ephesus 5:12

Dǫ Nǫ̀htsı̨ k'èagı̨ı̨t'e-le sìı deɂı̨į̀ dànì k'ehogeɂaa sìı weghǫ gots'edee sìı weghǫ į̀į̀zhats'ı̨ı̨lı̨ ha hǫt'e.

John Wenazhıı 16:15

Gots'ǫ̀ K'àowo dıı hadı, “Kexoahdı! Eeɂį̀ı̨-dǫǫ̀ lanì hǫtsaa naxıts'ǫ̀ nèehtła ha. Amìı ts'ıgoedìı xè edegoht'ǫǫ̀ edegà whehłaa sìı wexè sìghà ha hǫt'e. Hanì-ı̨dè goht'ǫ dę edeghǫ į̀į̀zhaelı̨ ha-le,” hadı.