Dànì Kèhoį̀wo 37:8 - Nǫ̀htsı̨ Nı̨htł'è

⁸ Wı̨ı̨de hagıìhdı, “Gogha k'àowocho nelı̨ ha nì? Hotıì gots'ǫ̀ k'àı̨wo ha nì?” gıìhdı. Dànì nàwhetı̨ eyıts'ǫ yeghǫ goxè godo t'à sıì denahk'e gınèlı̨į̀-le agejà.

Dànì Kèhoį̀wo 37:8 ပူးပေါင်းရင်းမြစ်များ

Dànì Kèhoį̀wo 27:41

Eyıt'à Esau edechı Jacob dzaı̨hwhǫ, wetà yatı nezı̨ı̨ yechı ghàı̨ɂǫ t'à. Edets'ǫ̀ hadı, “Età ełaı̨wo weghǫ ts'etse k'ehǫǫwo nı̨dè sechı Jacob ełaàwèehwhı ha,” hadı.

Dànì Kèhoį̀wo 37:4

Wı̨ı̨de gı̨ı̨lı̨ı̨ sìı gıtà gınahk'e Joseph ghǫneètǫǫ gık'èhogeèhzà t'à gınèlı̨į̀-le agejà xè nezı̨į̀ gıts'ǫ̀ xàyahtı ha gı̨ı̨wǫ-le.

Dànì Kèhoį̀wo 37:9

Įdaà t'à k'achı̨ Joseph nàwhetı̨ ekò, yet'à edı̨ı̨de xè godo, hadı, “K'àchı̨ dıı hanì nàwhıhtı̨: sadeè, adzęzah eyıts'ǫ whǫ̀ hoònǫ-daats'ǫ̀-ı̨łè sets'ǫ̀ nàgògı̨ı̨hgè,” gòhdı.

Dànì Kèhoį̀wo 42:10

Eyıt'à hagıìhdı, “K'àowo, necheekeè ats'ı̨ı̨t'e ne, tł'olà nàts'eehdì gha jǫ nèts'ı̨ı̨de hǫt'e.

Dànì Kèhoį̀wo 44:18

Judah yets'ǫ̀ nıwà-lea nììtła, hayèhdı, “Sets'ǫ̀ k'àowo, whaà-lea ts'ǫ̀ nets'ǫ̀ gohde ası̨ı̨le. K'àowocho Faraoh wexèht'eè k'àowo nelı̨ kò sets'ǫ̀ nek'èch'a welè-le.

Dànì Kèhoį̀wo 49:26

Netà yatı nezı̨ı̨ nets'ǫ̀ xàyaı̨htıı sìı whaà gots'ǫ shìh gòlaa wets'ǫ t'asìı nezı̨ı̨ łǫ nahk'e nàtso hǫt'e. Eyı yatı nezı̨ı̨ wet'à sìghà gòɂǫǫ hazǫǫ̀ Joseph wets'ǫ̀ awede welè, edı̨ı̨de gonakweè whedaa elı̨ hǫt'e.

Dànì Kèhoį̀wo 50:18

Wı̨ı̨de Joseph ts'ǫ̀ nègı̨ı̨de ekò wets'ǫ̀ nàgògı̨ı̨hgè xè hagedı, “T'aats'ǫǫ̀ negha eghàlats'eedaa-dǫǫ̀ ts'ı̨ı̨lı̨ ha,” gıìhdı.

Luke 19:14

“Hanìkò wenèk'e gots'ǫ dǫ gıdzaı̨hwhǫ, eyıt'à dǫ mǫ̀hdaa gık'èè geèhɂà, dıı hagedı ha t'à, ‘Eyı dǫ sìı gogha k'àowocho elı̨ ha wets'ı̨ı̨hwhǫ-le,’ gedı.

Luke 20:17

Zezì hotıì goghàeda xè hadı, “Dıı hanì dek'eèhtł'è: ‘Kwekǫ̀-gogehtsı̨ı̨-dǫǫ̀ kwe ɂǫ̀geèhk'aa sìı eyı kwe denahk'e wet'àaɂà whelı̨,’ dek'eèhtł'è. Amìı eyı kwe k'e nàakw'oo sìı wedıhołè ha, eyıts'ǫ amìı eyı kwe wek'e nàakw'oo sìı t'asìı nadlı̨ ha-le. Eyı dek'eèhtł'èe sìı dàhodıì-ahodı dahwhǫ?” gòhdı.

Zezì Wecheekeèdeè 7:35

“Moses, wèot'ı̨ gı̨ı̨wǫ-le sìı eyı hǫt'e, gıts'ǫ̀ dıı hadı ı̨lè, ‘Amìı gogha k'àowo nèhtsı̨ t'à hanì gots'ǫ̀ goı̨de?’ gıìhdı ı̨lè. Nǫ̀htsı̨ eyı dǫ et'ıì gots'ǫ̀ nayı̨ı̨hɂà, gogha k'àowo elı̨ ha eyıts'ǫ edaxàgolee sı elı̨ ha ayį̀į̀là. Yak'eet'ı̨į̀ t'à hadıì yets'ǫ̀ goı̨de ı̨lè.

Hebrew 10:29

Dǫ Nǫ̀htsı̨ Weza wegha t'asìı elı̨-le, wedoò t'à nakenahòdlı̨ı̨ t'à wehołı̨į̀ whìle adlàa sìı wegha wet'àaɂà-le nı̨dè, eyıts'ǫ Nǫ̀htsı̨ wesǫnıwǫ t'à Yedàyeh Nezı̨ı̨ goghǫ̀t'ǫǫ sìı yek'èch'a eghàlaı̨dà nı̨dè eyı dǫ sìı denahk'e hòtł'ò nàweekwa ha hǫt'e.