Dànì Kèhoį̀wo 37:35 - Nǫ̀htsı̨ Nı̨htł'è

³⁵ Weza hazǫǫ̀ eyıts'ǫ wetì gıghǫ nìı̨de xè gıghǫnàdageetì, hanìkò seghǫnàdats'eetì ha nıwǫ-le. Hadı, “Seghǫnàdaahtì-le, sekw'ǫǫ̀ nìtį̀ eyıts'ǫ seza wets'ǫ̀ ahde gots'ǫ̀ wek'eehłı̨ ha,” wetà hadı xè yeghǫ etse.

Dànì Kèhoį̀wo 37:35 ပူးပေါင်းရင်းမြစ်များ

Dànì Kèhoį̀wo 42:38

Hanìkò Jacob hadı, “Seza nǫǫdea Egypt nèk'e ts'ǫ̀ naxıxè ade ha-le. Wı̨ı̨de ełaı̨wo ne xè ededı̨ zǫ sexè eda hǫt'e. Ekǫ naahdè t'à t'asajà nı̨dè sekwìghàagaà xè sekw'ǫǫ̀ nìtį̀ gots'ǫ̀ sedzeè nànııtì aseahłe ha hǫt'e,” yèhdı.

Dànì Kèhoį̀wo 45:28

Eyıt'à Israel hadı, “K'ǫǫ̀t'a segha ehkw'ı-ahodı! Seza Joseph ı̨łaà eda nǫǫ̀. Wets'ǫ̀ ehtła ha, ełaehwhı kwe weehɂį̀ ha,” hadı.

Dànì Kèhoį̀wo 42:31

Hanìkò wets'ǫ̀ hats'edı, ‘Ehkw'ı ats'ı̨ı̨wǫǫ dǫǫ̀ ats'ı̨ı̨t'e, nàeɂį̀ı̨-dǫǫ̀ ats'ı̨ı̨t'e nıìle.

Dànì Kèhoį̀wo 31:43

Laban, Jacob ts'ǫ̀ hadı, “Eyı ts'èko sìı setì agı̨ı̨t'e, chekoa nègı̨ı̨laa sìı sekwı agı̨ı̨t'e, eyıts'ǫ eyı tıts'aàdìı hazǫǫ̀ sets'ǫ agı̨ı̨t'e. Ehkw'ı t'à t'asìı hazǫǫ̀ nenadąą̀ whelaa sìı sets'ǫ zǫ hǫt'e. Hanìkò dıì sìı setì eyıts'ǫ gıza dàgeèhłà lì?

Dànì Kèhoį̀wo 25:8

Eyı tł'axǫǫ̀ Abraham nǫǫde xàèhjı gà ełaı̨wo, eyıts'ǫ wecho gots'ǫ̀ ajà. Sıì eneèko whelı̨ ts'ǫ̀ ı̨ı̨dà.

Dànì Kèhoį̀wo 35:29

Eyı tł'axǫǫ̀ nǫǫde xàèhjı gà ełaı̨wo, eyıts'ǫ wecho gots'ǫ̀ ajà. Sıì eneèko whelı̨ı̨ ts'ǫ̀ ı̨ı̨dà. Weza Esau eyıts'ǫ Jacob wekw'ǫǫ̀ nègı̨į̀tǫ.

Dànì Kèhoį̀wo 48:11

Israel, edeza Joseph ts'ǫ̀ hadı, “K'achı̨ naneht'į̀ ha honàehłı-le ı̨lè, hanìkò dıì sìı Nǫ̀htsı̨ neza geehɂı̨į̀ asį̀į̀là,” yèhdı.