Dànì Kèhoį̀wo 37:2 - Nǫ̀htsı̨ Nı̨htł'è

² Jacob eyıts'ǫ wets'ıhɂǫ̀ǫ-dǫǫ̀ gıxè dàgòjàa sìı dıı gıgodıì hǫt'e: Jacob weza Joseph cheko hoònǫ-daats'ǫ̀-łǫ̀hdı̨ weghoò ı̨lè. Edı̨ı̨de xè sahzǫ̀ą k'èdì ı̨lè. Wı̨ı̨de sìı wetà wets'ǫ ts'èko Bılah eyıts'ǫ Zılpah gots'ǫ weza agı̨ı̨t'e. Edekǫ̀ nǫgedè nı̨dè Joseph wı̨ı̨de t'asìı wejıı ghàlagı̨ı̨dàa sìı hazǫǫ̀ edetà ts'ǫ̀ hadı.

Dànì Kèhoį̀wo 37:2 ပူးပေါင်းရင်းမြစ်များ

Dànì Kèhoį̀wo 10:1

Dıı godı dek'eèhtł'èe sìı Noah weza Shem, Ham eyıts'ǫ Jafet gıgodıì hǫt'e: Tı dèè goteètł'ı tł'axǫǫ̀ ededı̨ sı gıza łǫ gòı̨lè.

Dànì Kèhoį̀wo 2:4

Dıı godı sìı Nǫ̀htsı̨ yak'e eyıts'ǫ dèè whehtsı̨ı̨ wegodıì hǫt'e. Nǫ̀htsı̨ yak'e eyıts'ǫ dèè whehtsı̨ ekò, dıı hanì eghàlaı̨dà hǫt'e:

Dànì Kèhoį̀wo 30:4

Eyıt'à ts'èko Bılah wìyeh sìı yets'èkeè elı̨ ha ededǫǫ̀ ghàyı̨ı̨htı̨. Rachel weyatıì dahxà Jacob eyı ts'èko t'àı̨tè t'à

Dànì Kèhoį̀wo 30:9

Weba Leah chekoa wets'ǫ-le ajà t'à ts'èko yegha eghàlaedaa Zılpah wìyeh sìı wedǫǫ̀ wets'èkeè elı̨ ha ededǫǫ̀ ghàyı̨ı̨htı̨.

Dànì Kèhoį̀wo 35:22

Israel eyı nèk'e nàgedè ekò weza ǫhdaà Ruben edetà wets'ǫ ts'èko Bılah t'àı̨tè. Wetà yeghǫ ıìkw'o. Jacob, weza hoònǫ-daats'ǫ̀-nàke gòı̨lè:

Dànì Kèhoį̀wo 41:46

Joseph taènǫ weghoò ekò Egypt nèk'e gha k'àowocho wecheekeèdeè whelı̨. Eyıt'à k'àowocho wedahxà Joseph Egypt nèk'e hazǫǫ̀ kǫ̀ta gòlaa k'ehohwho.

Dànì Kèhoį̀wo 42:8

Joseph edı̨ı̨de nàgòhzhį̀, hanìkò wı̨ı̨de nàgeèhzhį̀-le.

Dànì Kèhoį̀wo 45:6

Dıì xè nàke xo gots'ǫ dèè k'e t'asìı wı̨ı̨zìı dehshe-le, eyıts'ǫ ı̨daà sı̨làı xo gots'ǫ̀ t'asìı dehshe-le t'à dǫ dèè k'e eghàlageeda ha nıìle.

Dànì Kèhoį̀wo 46:34

wets'ǫ̀ dıı haahdı nǫǫ̀, ‘K'àowo, chekoa ts'ı̨ı̨lı̨ gots'ǫ ejıe eyıts'ǫ sahzǫ̀ą k'èts'edì, gocho hagıat'į̀ lanì,’ wèahdı nǫǫ̀. Hanì-ı̨dè Goshen nèk'e nàahdè anaxele ha. Tıts'aàdìı-k'èdìı-dǫǫ̀ gots'ǫ̀ nıwà-le nàgedèe Egypt got'ı̨į̀ gıgha nezı̨-le hǫt'e,” Joseph gòhdı.

Dànì Kèhoį̀wo 5:1

Dıı godı sìı Adam eyıts'ǫ wets'ıhɂǫ̀ǫ-dǫǫ̀ gıgǫ̀hłı̨ı̨ sìı gıgodıì dek'eèhtł'è hǫt'e. Nǫ̀htsı̨ dǫ whehtsı̨ ekò edexèht'eè dǫ whehtsı̨ ı̨lè.

Dànì Kèhoį̀wo 6:9

Dıı Noah wegodıì hǫt'e: Ekìıyeè k'e Noah dǫ ehkw'ı eda ı̨lè. Dǫ gota nàı̨dèe sìı goxèht'eè ı̨ı̨dà-le, Nǫ̀htsı̨ k'ę̀ę̀ ı̨ı̨dà ı̨lè.

John 7:7

Dıı nèk'e dǫ hazǫǫ̀ naxıdzagı̨ı̨hwhǫ ha dìì, hanìkò sı̨ nàowołı̨ı̨ k'ę̀ę̀ eghàlageeda gèehsı̨ t'à, sedzagı̨ı̨hwhǫ.

1 Corınth 1:11

Sèot'ı̨ı̨, dǫ mǫ̀hdaa Chloyı wekǫ̀ nàgedèe sìı ełets'ǫ̀ nàyaahtı naxègedı.

1 Corınth 11:18

T'akwełǫ̀ǫ̀ dıı haehsı̨ ha dehwhǫ: Naxı̨ Nǫ̀htsı̨ wecheekeè yàahłı̨ı̨ sìı łą̀ą nìahdè nı̨dè, ełek'ę̀ę̀ aahwhǫ-le weghǫ eèhkw'o hǫt'e, segha ehkw'ı agedı lanì.

1 Corınth 5:1

Naxıta dǫ hołı̨ı̨ k'ę̀ę̀ ełek'alagedè ghǫ ts'ıìkw'o. Hołı̨ı̨ hanıı sìı dǫ Nǫ̀htsı̨ k'ègeezǫ-le kò gıta hagòjà ghǫ ts'ıìkw'o whìle. Naxıta ts'ǫ dǫ ı̨łè edetà ts'èkeè xè nàdè gedı hǫt'e.