Dànì Kèhoį̀wo 37:11 - Nǫ̀htsı̨ Nı̨htł'è

¹¹ Wı̨ı̨de weghǫ ts'ohogeedıì agejà, hanìkò wetà yedaànıwo.

Dànì Kèhoį̀wo 37:11 ပူးပေါင်းရင်းမြစ်များ

Dànì Kèhoį̀wo 24:31

“Gots'ǫ̀ K'àowo nexè sìghà agǫ̀ǫ̀là t'à sek'èątła,” yèhdı. “Ayìıha jǫ nàąwoò anet'ı̨? Kǫ̀ goyìı negha gòɂǫǫ̀ agòhłà eyıts'ǫ tıts'aàdìıcho sı gıgha gòɂǫ,” yèhdı.

Dànì Kèhoį̀wo 37:12

Eyı ts'ǫ whaà-le, Joseph wı̨ı̨de edetà wets'ǫ sahzǫ̀ą xè kǫ̀ta Shekem ts'ǫ̀ gǫǫwà-lea nègı̨ı̨de. Ekǫ sahzǫ̀ą tł'oh gedè agogehɂı̨ xè goxogııhdı.

Dànì Kèhoį̀wo 42:9

Dànì goghǫ nàwhetı̨ı̨ sìı yenadì. Gots'ǫ̀ hadı, “Nàahɂį̀ı̨-dǫǫ̀ aaht'e! Gonèk'e kexots'ııhdı-le sìı wegòahɂà ha dahwhǫ t'à jǫ nìahde ne,” gòhdı.

Matthew 27:18

Zezì ghǫ ts'ohogeedı t'à Zezì gıtł'aı̨htı̨ hǫt'e Pılate gok'èezǫ.

Mark 15:10

Yahtıı-gha-k'aodèe gı̨ı̨lı̨ı̨ sìı Zezì ghǫ ts'ohogeedı gok'èezǫ ts'ıhɂǫ̀ adı.

Luke 2:19

Eyı hazǫǫ̀ dàgòjàa sìı Mary yeghǫ nànıwo xè ededzeè yìı yek'èdì.

Luke 2:51

Eyı tł'axǫǫ̀ Zezì edetà eyıts'ǫ edemǫ goxè Nazareth ts'ǫ̀ naèhtła. Ekǫ goxè nàdè xè gok'èı̨t'e. Eyı hazǫǫ̀ hagòjàa sìı wemǫ ededzeè yìı yek'èdì.

Zezì Wecheekeèdeè 13:45

Dǫ haàtłǫǫ ełèwhede t'à, Israel got'ı̨į̀ sıì ts'ohogeedı xè gıgha nezı̨-le. Paul dàdıı sìı k'èch'a gogede.

Zezì Wecheekeèdeè 7:9

“Jacob weza agı̨ı̨t'ee sìı, edechı Joseph ghǫ ts'ohogeedı t'à dǫ ts'ǫ̀ gıghǫ nàèdì ı̨lè. Eyıt'à Joseph Egypt nèk'e gots'ǫ dǫ nàyeèhdì, yegha eghàlaedaa-dǫǫ̀ elı̨. Hanìkò Nǫ̀htsı̨ sìı yexè at'ı̨.

Galatıa 5:21

dǫ ayìı gıts'ǫ sìı wets'ı̨ı̨wǫǫ; jìetì ts'eedèe, deɂǫ̀ǫ̀ gogha sìgoèt'ı̨ t'à ts'ıɂǫ̀-hots'eeɂà. Eyı hazǫǫ̀ gonìłı̨ı̨ k'ę̀ę̀ ats'et'ı̨ hǫt'e. Hanì aahda-le naxèehsı̨ ı̨lè k'achı̨ hanaxèehsı̨ ha: Dǫ hanì geedaa sìı Nǫ̀htsı̨ wenàowoò k'ę̀ę̀ hòɂǫǫ sìı goyageedè ha nıìle.

Tıtus 3:3

Įnę̀ę sìı goxı̨ sı gots'ı̨ı̨zǫ-le ı̨lè, ek'èats'ı̨ı̨t'e-le ı̨lè, goghǫyageeɂà eyıts'ǫ gonàowołı̨ı̨ k'ę̀ę̀ zǫ ts'eeda ı̨lè. T'aats'ǫǫ̀ hołı̨ı̨ hots'ehtsı̨ xè ełeghǫ ts'ohots'eedı ı̨lè. Dǫ dzats'ı̨ı̨hwhǫ eyıts'ǫ dǫ godzagı̨ı̨hwhǫ hanì ts'eeda ı̨lè.

James 4:5

Dıı hanì Nǫ̀htsı̨ Nı̨htł'è k'e dek'eèhtł'è, “Wets'ǫ Įnì Degaı godzeè yìı nàdè ayį̀į̀là, wets'ǫ Įnì Degaı deghàà wets'ǫ ts'ı̨ı̨lı̨ ha goı̨hwhǫ hǫt'e.” Dıı hanì dek'eèhtł'èe sìı ekìı ahodı dahwhǫ nì?