Dànì Kèhoį̀wo 36:2 - Nǫ̀htsı̨ Nı̨htł'è

² Esau, Kanan got'ı̨į̀ gots'ǫ ts'èko gòį̀hchìı sìı dıı hagìyeh: Het got'ı̨į̀ Elon wetì Adah, eyıts'ǫ Anah wetì Oholıbamah, Hıv got'ı̨į̀ Zıbeyon wekwı sı hǫt'e.

Dànì Kèhoį̀wo 36:2 ပူးပေါင်းရင်းမြစ်များ

Dànì Kèhoį̀wo 27:46

Eyıt'à Rebekah Isaac ts'ǫ̀ hadı, “Het got'ı̨į̀ gots'ǫ ts'èko gıghǫ segha dìì agòjà. Jacob jǫ nèk'e Het got'ı̨į̀ gots'ǫ ts'èko į̀hchì nı̨dè ehda-le kò dehwhǫ,” yèhdı.

Dànì Kèhoį̀wo 28:9

t'akwe gots'ǫ wets'èkeè gǫ̀hłı̨ kò Ishmael wetì Mahalat xè honìdza. Mahalat, Abraham weza Ishmael wetì hǫt'e, eyıts'ǫ Nebayot wedè hǫt'e.

Dànì Kèhoį̀wo 36:14

Esau wets'èkeè Oholıbamah (Anah wetì eyıts'ǫ Zıbeyon wekwı sìı) Esau gha dǫzhìı taı nìı̨la: Jeyush, Jalam eyıts'ǫ Korah gìyeh.

Dànì Kèhoį̀wo 36:24

Zıbeyon weza nàke dıı hagìyeh: Ayah eyıts'ǫ Anah. Anah, t'asį̀ı̨ ekìı-ka nèk'e edetà Zıbeyon ts'ǫ tłı̨tsoa k'èdì t'à dèè goyìı gots'ǫ tı whekǫ̀ǫ xàewìı k'è yegòhɂǫ ı̨lèe, eyı hǫt'e.

Dànì Kèhoį̀wo 36:25

Anah weza Dıshon wìyeh, eyıts'ǫ wetì Oholıbamah wìyeh.

Dànì Kèhoį̀wo 36:3

Eyıts'ǫ Ishmael wetì Basamat, Nebayot wedè.

Dànì Kèhoį̀wo 9:25

Eyıt'à hadı, “Kanan got'ı̨į̀ sìı gıts'ǫ̀ hoìla agode ha! Edı̨ı̨de gogha eghàlageedaa-dǫǫ̀ nahk'e dek'aɂį̀ gı̨ı̨lı̨ ha,” hadı.