Dànì Kèhoį̀wo 35:9 - Nǫ̀htsı̨ Nı̨htł'è

⁹ Jacob, Padan-Aram nèk'e gots'ǫ Bethel ts'ǫ̀ nǫ̀ǫtła ekò k'achı̨ Nǫ̀htsı̨ wets'ǫ̀ wègoèht'į̀ eyıts'ǫ yatı nezı̨ı̨ t'à yek'eèyaı̨htı.

Dànì Kèhoį̀wo 35:9 ပူးပေါင်းရင်းမြစ်များ

Dànì Kèhoį̀wo 12:7

Ekǫ nèk'e gots'ǫ̀ K'àowo Abram ts'ǫ̀ wègoèht'į̀, hayèhdı, “Jǫ dèè gòɂǫǫ sìı nets'ıhɂǫ̀ǫ-dǫǫ̀ gıghàehɂà ha,” yèhdı. Eyıt'à Abram, eyı nèk'e gots'ǫ̀ K'àowo ts'ǫ̀ t'asìı k'eehk'ǫ̀ gha kwe ełeka nèyı̨ı̨wa t'à kwe-ladà whehtsı̨.

Dànì Kèhoį̀wo 17:1

Abram łǫǫ̀tǫènǫ-daats'ǫ̀-łǫǫ̀tǫ weghoò ekò gots'ǫ̀ K'àowo wets'ǫ̀ wègoèht'į̀, hayèhdı, “Nǫ̀htsı̨ t'asìı wegha dìì-le aht'e. Senadąą̀ hotıì ehkw'ı ı̨da.

Dànì Kèhoį̀wo 18:1

Amor got'ı̨į̀ Mamer wets'ǫ ts'ı nechàa nàwheɂaa ts'ǫ̀ nıwà-le, gots'ǫ̀ K'àowo Abraham ts'ǫ̀ wègoèht'į̀. Dzętanı edı ekìıyeè k'e Abraham edenı̨hbàa gà tı̨ı̨dà wheda ı̨lè.

Dànì Kèhoį̀wo 25:20

Isaac dı̨ènǫ weghoò ekò Rebekah xè honìdza. Rebekah, Aram got'ı̨į̀ Betuyel wetì hǫt'e, Padan-Aram nèk'e gots'ǫ dǫ hǫt'e, eyıts'ǫ Laban wedè hǫt'e.

Dànì Kèhoį̀wo 26:2

Gots'ǫ̀ K'àowo Isaac ts'ǫ̀ wègoèht'į̀, hayèhdı, “Egypt nèk'e ts'ǫ̀ aąde-le. Dıı yeè nèk'e edı̨į̀ nàądè nèehsı̨ ha sìı nàądè.

Dànì Kèhoį̀wo 28:13

Įdòo dechı̨ehka weka gots'ǫ̀ K'àowo nàwo, yets'ǫ̀ dıı hadı, “Nets'ǫ̀ K'àowo aht'e, necho Abraham Wenǫ̀htsı̨ aht'e, eyıts'ǫ Isaac Wenǫ̀htsı̨ aht'e. Nı̨ eyıts'ǫ nets'ıhɂǫ̀ǫ-dǫǫ̀ dıı dèè wek'e wheętı̨ı̨ sìı naxıghàehɂà ha.

Dànì Kèhoį̀wo 31:3

Eyı tł'axǫǫ̀ gots'ǫ̀ K'àowo Jacob ts'ǫ̀ hadı, “Necho gınèk'e nèot'ı̨ gıts'ǫ̀ anaąde, nexè aht'ı̨ ha,” yèhdı.

Dànì Kèhoį̀wo 32:1

Jacob ededı̨ sı edenèk'e ts'ǫ̀ naèhtła. Naèhtła ekò Nǫ̀htsı̨ weyak'eet'ı̨į̀ gıghàı̨de.

Dànì Kèhoį̀wo 35:1

Eyı tł'axǫǫ̀ Nǫ̀htsı̨ Jacob ts'ǫ̀ gode, “Bethel gòyeh ts'ǫ̀ anaąde, eyı nàądè, eyıts'ǫ ekǫ Nǫ̀htsı̨ ts'ǫ̀ t'asìı k'eek'ǫ̀ gha t'à kwe ełeka whela t'à kwe-ladà nehtsı̨. Nı̨ı̨de Esau ch'à kwı̨èhsa ekò Nǫ̀htsı̨ nets'ǫ̀ wègoèht'į̀ ı̨lèe sìı eyı aht'e,” yèhdı.

Zezì Wecheekeèdeè 7:2

Stephen hadı, “Sèot'ı̨ı̨ eyıts'ǫ goɂǫhdaà yàahłı̨ı̨ sìı seàhkw'ǫ! Gocho Abraham Mesopotamıa nèk'e nàı̨dè ekò, ı̨łaà kǫ̀ta Haran nàdè-le ekò, Nǫ̀htsı̨ enıìyah wehòhɂǫǫ sìı yets'ǫ̀ goı̨de ı̨lè.