Dànì Kèhoį̀wo 33:18 - Nǫ̀htsı̨ Nı̨htł'è

¹⁸ Jacob, Padan-Aram nèk'e gots'ǫ nǫ̀ǫtła tł'axǫǫ̀ wexè t'asagòjà-le xè Kanan nèk'e kǫ̀godeè Shekem ts'ǫ̀ nììtła. Kǫ̀godeè gotadà edenı̨hbàa nàı̨hgè.

Dànì Kèhoį̀wo 33:18 ပူးပေါင်းရင်းမြစ်များ

Dànì Kèhoį̀wo 12:6

Abram, kǫ̀ta Shekem gà Moren wets'ǫ ts'ı nechàa nàı̨ɂaa haı̨wa ts'ǫ̀ ekǫ nèk'e hazǫǫ̀ k'ehohwho. Ekìıyeè k'e Kanan got'ı̨į̀ eyı nèk'e nàgedè ı̨lè.

Dànì Kèhoį̀wo 25:20

Isaac dı̨ènǫ weghoò ekò Rebekah xè honìdza. Rebekah, Aram got'ı̨į̀ Betuyel wetì hǫt'e, Padan-Aram nèk'e gots'ǫ dǫ hǫt'e, eyıts'ǫ Laban wedè hǫt'e.

Dànì Kèhoį̀wo 28:2

Dıì-t'ıì Padan-Aram nèk'e ts'ǫ̀ aąde. Nemǫ wetà Betuyel wekǫ̀ ts'ǫ̀ aąde. Ekǫ gots'ǫ nemǫ wı̨ı̨de Laban wetìke gots'ǫ ts'èko edegha į̀hchı.

Dànì Kèhoį̀wo 31:25

Laban, Jacob ghǫnììtła ekò, Jacob shìhta Gılad nèk'e nı̨hbàa nàı̨hgè ı̨lè. Eyıt'à Laban ededı̨ sı edèot'ı̨ xè eyı nı̨hbàa nàı̨hgè.

Dànì Kèhoį̀wo 35:9

Jacob, Padan-Aram nèk'e gots'ǫ Bethel ts'ǫ̀ nǫ̀ǫtła ekò k'achı̨ Nǫ̀htsı̨ wets'ǫ̀ wègoèht'į̀ eyıts'ǫ yatı nezı̨ı̨ t'à yek'eèyaı̨htı.

Dànì Kèhoį̀wo 37:13

Eyıt'à Israel edeza Joseph ts'ǫ̀ hadı, “Nı̨ı̨de Shekem gà gǫǫwà-le sets'ǫ sahzǫ̀ą k'ègedìı wek'èı̨zǫ sǫnaà, ekǫ gıts'àątła,” yèhdı. “Hęɂę, ekǫ gıts'àhtła ha,” Joseph edetà èhdı.

Dànì Kèhoį̀wo 46:15

Dǫzhìı haàtłǫǫ sìı Padan-Aram nèk'e Jacob wets'èkeè Leah xè wets'ıhɂǫ̀ǫ-dǫǫ̀ agı̨ı̨t'e, eyıts'ǫ wetì ı̨łè Dınah. Wets'ıhɂǫ̀ǫ-dǫǫ̀ hazǫǫ̀ t'à taènǫ-daats'ǫ̀-taı (33) geet'eè ı̨lè.

Dànì Kèhoį̀wo 48:7

(Nemǫ Rachel wegha aht'ı̨.) Padan nèk'e gots'ǫ nats'eèhde ekò sıì sexè hoìla agòjà. Kanan nèk'e, Efrat ts'ǫ̀ gǫǫwà-lea nemǫ Rachel whìle ı̨lè. Eyıt'à ekǫ kǫ̀ta Efrat (dıì Bethlehem gòyeh) ts'ǫ̀ tı̨lı nıɂàa gà wekw'ǫǫ̀ nìıhtǫ ı̨lè,” Jacob Joseph èhdı.

John 3:23

Ekìıyeè k'e kǫ̀ta Anon eyıts'ǫ kǫ̀ta Salım ts'ǫ̀ gǫǫwà-lea tı łǫ t'à, ekǫ John-Baptıst dǫ k'ètaìdzı̨ eyıts'ǫ dǫ gık'ètaìdzı̨ ha t'aats'ǫǫ̀ ekǫ aget'ı̨.

John 4:5

Eyı nèk'e kǫ̀ta Sykar ts'ǫ̀ nègı̨ı̨de. Jacob, dèè edeza Joseph ghàı̨ɂǫǫ sìı ts'ǫ̀ gǫǫwà-le hǫt'e.

Zezì Wecheekeèdeè 7:16

Gıkw'ǫǫ̀ kǫ̀ta Shechem ts'ǫ̀ agį̀į̀là eyıts'ǫ kwe yìı gòɂǫǫ nègogį̀ı̨wa ı̨lè. Eyı kwe yìı gıkw'ǫǫ̀ whelaa sìı Abraham Hamor weza ghǫ nàyeèhdì ı̨lè.