Dànì Kèhoį̀wo 32:7 - Nǫ̀htsı̨ Nı̨htł'è

⁷ Jacob sıì dèhyeh lajà t'à wets'ǫ dǫ nàke ts'ǫ̀ łats'ıgǫǫwa. Eyıts'ǫ sahzǫ̀ą, ejıetsoa, ejıe eyıts'ǫ tıts'aàdìıcho sı nàke ts'ǫ̀ łats'ıgǫǫwa.

Dànì Kèhoį̀wo 32:7 ပူးပေါင်းရင်းမြစ်များ

Dànì Kèhoį̀wo 32:11

Sı̨ı̨de Esau wech'à edaxàsı̨ı̨htè. Ełaàsèhwhı ha gots'ǫ̀ naetłe at'ı̨ sǫnı, eyıts'ǫ chekoa, gımǫ sı ełaàgòhde ha sǫnı.

Dànì Kèhoį̀wo 32:3

Jacob wets'ǫ godı-k'eɂaa-dǫǫ̀ edenakweè edı̨ı̨de Esau ts'ǫ̀ goòhɂà. Ekò k'e Esau, shìhta Seyır nèk'e, Edom got'ı̨į̀ gınèk'e nàde ı̨lè.

Dànì Kèhoį̀wo 32:8

Jacob dıı hanıwǫ, “Esau dǫ ı̨daà gıadèe sìı t'asagǫ̀ǫ̀là nı̨dè dǫ ı̨dè gıadèe sìı t'asį̀ı̨ kwı̨geehdè ha dìì-le,” hanıwǫ.

Dànì Kèhoį̀wo 33:1

Jacob ı̨daà k'eet'į̀ là wı̨ı̨de Esau naetłe yaɂı̨, dǫ dı̨akw'eènǫ (400) yexè at'ı̨. Eyıt'à weza gımǫ xè taı ts'ǫ̀ łats'ıgǫǫwa, edets'èkeè Leah, Rachel eyıts'ǫ ts'èko nàke gogha eghàlageedaa xè łats'ıgǫǫwa.

Dànì Kèhoį̀wo 35:3

Eyı tł'axǫǫ̀-ı̨dè Bethel gòyeh ts'ǫ̀ ts'ııdè, ekǫ Nǫ̀htsı̨ gha kwe-ladà ehtsı̨ ha. Sexè hoìla nàhòwo ekò Nǫ̀htsı̨ ekǫ seèhkw'ǫ ı̨lè eyıts'ǫ edı̨į̀ sek'eèhoowoo sìı sexè aet'į̀ hǫt'e,” gòhdı.

Matthew 10:16

Sahzǫ̀ą dìga nı k'eɂa lanì dǫ ta ts'ǫ̀ naxeehɂà t'à edexoahdı. Eyıt'à dǫ gıta goahsǫ k'ehoahɂa xè ekǫ-le eghàlaahda-le.

Matthew 8:26

Zezì gots'ǫ̀ hadı, “Naxınì nàtso-le. Dànìghǫ sıì dahjı̨ nǫǫ̀?” gòhdı. Elà yìı nàwo xè nı̨hts'ı eyıts'ǫ taatı̨į̀ whìle aahde gòhdı t'à, ts'èwhı̨į̀ hòɂǫǫ̀ agòjà.

John 16:33

“Dıı hazǫǫ̀ naxıts'ǫ̀ haehsı̨ hǫt'e, hanì-ı̨dè sı̨ set'à naxıgha ts'èwhı̨į̀ hòɂǫ ha. Dıı nèk'e naxıxè hoìla ha hǫt'e. Hanìkò sı̨ sìı dıı nèk'e hazǫǫ̀ gıghǫèhnǫ ne t'à, naxınì nàtsoò aahłe,” Zezì gòhdı.

Zezì Wecheekeèdeè 14:22

Ekǫ Nǫ̀htsı̨ wecheekeè gınì nàtsoò agogele ha gots'ǫ̀ gogı̨ı̨de, hagògedı, “Hoìla łǫ gotehoowıı daats'ǫ̀ Nǫ̀htsı̨ Wenàowoò k'ę̀ę̀ hòɂǫǫ goyats'eedè hǫt'e,” gògedı.

2 Corınth 1:4

Goxè hoìla łǫ sǫnı kò goxè sìghà hòɂǫǫ̀ agohɂı̨. Gots'ǫ̀ hanì eda hǫt'e t'à dǫ gıgha hoìla sìı gıxè sìghà hòɂǫǫ̀ agets'ehɂı̨.

2 Tımothy 3:12

Amìı Zezì-Krı wedahxà Nǫ̀htsı̨ wınì k'ę̀ę̀ ehda ha nıwǫǫ sìı dagı̨ı̨ɂaà agedle ha wek'èts'eezǫ hǫt'e.