Dànì Kèhoį̀wo 32:4 - Nǫ̀htsı̨ Nı̨htł'è

⁴ Edecheekeè dıı hagòhdı, “K'àowo Esau ts'ǫ̀ dıı haahdı ha: ‘Necheekeè Jacob dıı nets'ǫ̀ hadı: Dıı haı̨wa gots'ǫ̀ seɂeh Laban wexè nàıhdè hǫt'e.

Dànì Kèhoį̀wo 32:4 ပူးပေါင်းရင်းမြစ်များ

Dànì Kèhoį̀wo 23:6

“K'àowo, goį̀kw'o. Nı̨ sìı k'àowodeè gota nàdèe anet'e. Kwe yìı dǫkw'ǫǫ̀ k'è gòlaa denahk'e nezı̨ı̨ sìı yìı nets'èkeè wekw'ǫǫ̀ nìı̨htį̀. Gots'ǫ dǫkw'ǫǫ̀ whelaa k'è neewǫ nı̨dè į̀le nèts'edı ha nıìle,” gedı.

Dànì Kèhoį̀wo 25:30

Jacob ts'ǫ̀ hadı, “Sıì bò ghaehwhı dìì! Įwhąą̀ eyı tıwo dek'oo mǫ̀hdaa sàı̨dı!” yèhdı. (Eyı ts'ıhɂǫ̀ Esau Edom sı wìyeh. Edom gedı nı̨dè “dek'o” gedıì-agedı.)

Dànì Kèhoį̀wo 27:29

Dǫ xàɂaa łǫ negha eghàlageeda welè, nets'ǫ̀ nàgògııhgè welè. Nechı gıts'ǫ̀ k'àı̨wo welè, eyıts'ǫ nemǫ wets'ıhɂǫ̀ǫ-dǫǫ̀ hazǫǫ̀ nets'ǫ̀ nàgògııhgè welè. Amìı nets'ǫ̀ hoìla ha gı̨ı̨wǫǫ sìı gıts'ǫ̀ hoìla agode ha, eyıts'ǫ amìı nexè sìghà agı̨ı̨wǫǫ sìı gıts'ǫ̀ sìghà agode ha,” Isaac hadıì edeza Jacob k'eèyaı̨htı.

Dànì Kèhoį̀wo 27:37

Isaac edeza Esau ts'ǫ̀ hadı, “Negha k'àowo elı̨į̀ awèhłà, eyıts'ǫ wèot'ı̨ hazǫǫ̀ wecheekeè gı̨ı̨lı̨ ha nìyaehtı. Dèè gots'ǫ tł'olà eyıts'ǫ jìecho t'à nezı̨į̀ eda ha wèehsı̨. Eyıt'à negha ayìı dàhłà lì?” wetà yèhdı.

Dànì Kèhoį̀wo 31:41

Hanì naènǫ xo ts'ǫ̀ nexè aeht'è. Netì nàke k'èxa hoònǫ-daats'ǫ̀-dı̨ xo negha eghàlaıhdà hǫt'e, eyıts'ǫ dıı tıts'aàdìı seghàneela k'èxa ek'ètaı xo ts'ǫ̀ negha eghàlaıhdà hǫt'e. Eyı weɂǫ̀ǫ̀ sets'àɂeedì gha nı̨dè sexè ekǫ-le k'ehoı̨ɂa.

Dànì Kèhoį̀wo 32:18

wets'ǫ̀ dıı haı̨dı ha, ‘Necheekeè Jacob wets'ǫ hǫt'e. K'àowo Esau weghaelı̨ ha adlà hǫt'e, eyıts'ǫ Jacob ı̨dè gok'è naetłe,’ hawį̀ı̨dı nǫǫ̀,” yèhdı.

Dànì Kèhoį̀wo 32:5

Ejıe eyıts'ǫ tłı̨tsoa, sahzǫ̀ą eyıts'ǫ ejıetsoa sets'ǫ, eyıts'ǫ segha eghàlageedaa-dǫǫ̀ dǫzhìı sı, ts'èko sı sets'ǫ. Seghǫ nınà ha dehwhǫ t'à dıı godı nets'ǫ̀ nìıhɂǫ hǫt'e,’ Esau ts'ǫ̀ haahdı,” Jacob gòhdı.

Dànì Kèhoį̀wo 33:14

Eyıt'à k'àowo, senakweè aąde. Seyır nèk'e nets'ǫ̀ nèts'ııdè gots'ǫ̀ tıts'aàdìı senakweè gıadè eyıts'ǫ chekoa gıadè xè ts'èwhı̨ą naehtłe ha,” Jacob yèhdı.

Dànì Kèhoį̀wo 33:8

Esau hadı, “Tıts'aàdìı ełexè naeɂàa gıghaehtłaa sìı ayìıha nelà?” yèhdı. “K'àowo, sets'ǫ̀ nınì nezı̨ ha dehwhǫ t'à ahłà,” Jacob yèhdı.

Dànì Kèhoį̀wo 36:8

Eyıt'à Esau (Edom sı wìyeh) shìhta Seyır nèk'e nàdè ajà.

Dànì Kèhoį̀wo 36:9

Esau, Edom got'ı̨į̀ gıcho hǫt'e, wets'ıhɂǫ̀ǫ-dǫǫ̀ shìhta Seyır nèk'e nàgedèe sìı dıı gıgodıì hǫt'e:

Dànì Kèhoį̀wo 4:7

Ehkw'ı k'ehoı̨ɂa nı̨dè neghǫ sìghà dehwhǫ ha-le nì? Hanìkò ehkw'ı k'ehoı̨ɂa-le nı̨dè hołı̨ı̨ negà nìdaı̨hɂa hǫt'e. Nets'ǫ̀ k'ahowo ha nıwǫ, hanìkò nı̨ sìı wets'ǫ̀ k'àı̨wo ha hǫt'e,” Nǫ̀htsı̨ yèhdı.

Luke 14:11

Dǫ wet'àaɂàa edeewǫǫ sìı į̀į̀zhaelı̨į̀ awedle ha, eyıts'ǫ amìı k'èeweèt'ı̨ k'ę̀ę̀ edaa sìı wet'àaɂà awedle ha,” Zezì hadıì dǫ xè godo.

1 Peter 3:6

Sarah wenaahdì, Abraham k'èaı̨t'è eyıts'ǫ “sets'ǫ̀ k'àowo” yèhdı ı̨lè. Ehkw'ı eghàlaahda eyıts'ǫ t'asìı ts'àahjı̨-le nı̨dè Sarah wetì k'ę̀ę̀ naxııtà hǫt'e.