Dànì Kèhoį̀wo 32:30 - Nǫ̀htsı̨ Nı̨htł'è

³⁰ “Nǫ̀htsı̨ weehɂı̨ kò t'asahjà-le,” Jacob hadı. Eyıt'à eyı gòɂǫǫ sìı Penıyel gòyeh ayį̀į̀là.

Dànì Kèhoį̀wo 32:30 ပူးပေါင်းရင်းမြစ်များ

Dànì Kèhoį̀wo 16:13

Gots'ǫ̀ K'àowo yets'ǫ̀ goı̨dee sìı Hagar yıızì whehtsı̨, hadı, “Nı̨, Nǫ̀htsı̨ seghàedaa anet'e, Seghàedaa elı̨ı̨ sìı dıì weehɂı̨,” hadı.

Dànì Kèhoį̀wo 28:19

Eyı dèe sìı Bethel wìyeh ayį̀į̀là. T'akwełǫ̀ǫ̀ eyı kǫ̀ta gòɂǫǫ sìı Luz wìyeh ı̨lè.

Dànì Kèhoį̀wo 35:9

Jacob, Padan-Aram nèk'e gots'ǫ Bethel ts'ǫ̀ nǫ̀ǫtła ekò k'achı̨ Nǫ̀htsı̨ wets'ǫ̀ wègoèht'į̀ eyıts'ǫ yatı nezı̨ı̨ t'à yek'eèyaı̨htı.

John 1:18

Dǫ wı̨ı̨zìı Nǫ̀htsı̨ aɂı̨ whìle. Nǫ̀htsı̨ ededı̨ ı̨łàet'ee zǫ Nǫ̀htsı̨-Gotà gà whedaa sìı, Nǫ̀htsı̨ k'èts'eezǫǫ̀ agǫ̀ǫ̀là.

1 Corınth 13:12

Dıì gogha deghàà xègaat'ı̨-le, wet'à daàts'eedaa nezı̨-le yìı k'ets'eet'į̀ lanì. Dıì sìı deghàà wek'èts'eezǫ nıìle hanìkò ı̨daà nı̨dè dànì wègaat'ı̨ı̨ sìı deghàà gogha wègaat'ı̨ ha, ededı̨ gok'èezǫ lanì wek'èts'eezǫǫ̀ ats'ede ha.

2 Corınth 3:18

Goxı̨ sìı goınì k'e ɂehtł'ı̨ whehchìı nıìle, gots'ǫ̀ K'àowo dànì enıìyah elı̨ı̨ sìı gok'e saı̨dı̨ hǫt'e. Gots'ǫ̀ K'àowo, Įnì Degaı elı̨ı̨ sìı godzeè yìı eładı̨į̀ agohɂį̀, eyıt'à denahk'e wexèht'eè ats'et'į̀ agohɂı̨.

2 Corınth 4:6

Nǫ̀htsı̨ hadı, “Togoòtł'òo yìı gots'ǫ dzęh xàı̨dı̨į̀ awede,” hadıı sìı godzeè yìı dzęh nı̨ı̨dı̨į̀ ayį̀į̀là, eyı ts'ıhɂǫ̀ Zezì-Krı weghàts'eeda nı̨dè Nǫ̀htsı̨ dànì enıìyah elı̨ı̨ sìı wek'èts'eezǫ ats'et'į̀.

Galatıa 1:6

Zezì-Krı wesǫnıwǫ t'à naxıkayaı̨htıı sìı ekòet'ıì wedę aahłà xè godı eładı̨ı̨ ts'ǫ̀ łataahde t'à sıì segha enıìyah lanì.

Ephesus 1:17

Nǫ̀htsı̨, gots'ǫ̀ K'àowo Zezì-Krı Wetà wexè enıìyah hòɂǫǫ sìı t'aats'ǫǫ̀ naxıgha wets'ǫ̀ yahtı hǫt'e. Yedàyeh Nezı̨ı̨ wet'à goahsǫǫ̀ aahde ha, eyıts'ǫ Nǫ̀htsı̨ denahk'e wek'èahsǫ anaxele ha naxıgha weehkè hǫt'e.

Colosse 1:15

Nǫ̀htsı̨-Gotà gogha wègaat'ı̨-le, hanìkò Weza yexèht'eè wègaat'ı̨ hǫt'e. Weza sìı t'akwełǫ̀ǫ̀ hǫt'e eyıts'ǫ t'asìı hazǫǫ̀ hòèlı̨ı̨ sìı ts'ǫ̀ K'àowo.

2 Tımothy 1:10

Hanìkò dıì sìı wesǫnıwǫ k'èhots'eezǫǫ̀ agǫ̀ǫ̀là, Zezì-Krı Edaxàgolee sìı gots'ǫ̀ nììtła t'à. Nàowo wet'à ełaàts'ewıı sìı yedıhòèhtsı̨ eyıts'ǫ godı nezı̨ı̨ t'à welǫ whìle ts'ǫ̀ ts'eedaa sìı wek'èts'eezǫǫ̀ agǫ̀ǫ̀là.

Hebrew 11:27

Wegha ehkw'ı-ahodı t'à k'àowocho wek'èch'a kò yets'àejı̨-le xè Egypt nèk'e gots'ǫ xàèhtła. Nǫ̀htsı̨ wègaat'ı̨-le sìı yaɂı̨ lanì t'à deɂǫ̀ǫ̀ Nǫ̀htsı̨ ts'ǫ̀ edınì nàtso ayį̀į̀hwhǫ.