Dànì Kèhoį̀wo 3:16 - Nǫ̀htsı̨ Nı̨htł'è

¹⁶ Nǫ̀htsı̨ ts'èko ts'ǫ̀ dıı hadı, “Bebìa k'è hòtł'ò eyanelı̨ ha, neza gòhłè nı̨dè sıì negha hoìla ha. Nedǫzhıì wekaneeɂà ha, eyıts'ǫ nedǫzhıì nets'ǫ̀ k'àowo elı̨ ha,” yèhdı.

Dànì Kèhoį̀wo 3:16 ပူးပေါင်းရင်းမြစ်များ

Dànì Kèhoį̀wo 4:7

Ehkw'ı k'ehoı̨ɂa nı̨dè neghǫ sìghà dehwhǫ ha-le nì? Hanìkò ehkw'ı k'ehoı̨ɂa-le nı̨dè hołı̨ı̨ negà nìdaı̨hɂa hǫt'e. Nets'ǫ̀ k'ahowo ha nıwǫ, hanìkò nı̨ sìı wets'ǫ̀ k'àı̨wo ha hǫt'e,” Nǫ̀htsı̨ yèhdı.

John 16:21

Ts'èko chekoa nìhtè ha nìkw'o nı̨dè hòtł'ò eyaìhłè, hanìkò webebìa gǫ̀hłı̨ tł'axǫǫ̀ nı̨dè wegha eyaı̨lèe sìı yenadì-le, webebìa dǫ elı̨ t'à wınà.

1 Corınth 11:3

Zezì-Krı dǫzhìı hazǫǫ̀ gha K'àowo hǫt'e wek'èahsǫ ha dehwhǫ, eyıts'ǫ dǫzhìı ts'èko gha k'àowo gı̨ı̨lı̨ı̨ hǫt'e, eyıts'ǫ Nǫ̀htsı̨-Gotà Zezì-Krı gha K'àowo hǫt'e.

1 Corınth 14:34

Nǫ̀htsı̨ wecheekeè łą̀ą nègııdè nı̨dè ts'èko gogede ha nıìle. Moses wenàowoò k'ę̀ę̀ dıı hanì dek'eèhtł'èe ne t'à, gogede ha gıghàhòt'ǫ nıìle, k'aodèe gı̨ı̨lı̨ı̨ sìı k'èagı̨ı̨t'e ha hǫt'e.

1 Corınth 7:4

Ts'èko hoet'ı̨ı̨ sìı wezhį̀į̀ ededı̨ zǫ wets'ǫ nıìle, wedǫǫ̀ sı wets'ǫ hǫt'e. Eyı xèht'eè dǫzhìı hoet'ı̨ı̨ wezhį̀į̀ sìı ededı̨ zǫ wets'ǫ nıìle, wets'èkeè sı wets'ǫ hǫt'e.

Colosse 3:18

Ts'èko yàahłı̨ı̨ sìı naxıdǫǫ̀ k'èaht'e, gots'ǫ̀ K'àowo wexè hanì aahda.

1 Thessalonıca 5:3

Ekìıyeè k'e dǫ dıı hagedı ha, “Ts'èwhı̨į̀ hòɂǫ, goxè t'asagode ha nıìle,” hagedı nı̨dè hǫtsaa gıdıhołè ha. Ts'èko webebìa gòhłè ha nìkw'o t'à hǫtsaa eya-ełè lanì hǫtsaa gıdıhołè ha, eyı ch'à kwı̨geehdè ha nıìle.

1 Tımothy 2:13

Adǫ̀ t'akwełǫ̀ǫ̀ wehòèlı̨ ne wek'èts'eezǫ, eyı tł'axǫǫ̀ Eve wehòèlı̨.

1 Tımothy 2:15

Hanìkò ts'èko gızaa gǫ̀hłı̨ t'à dagı̨ı̨ɂa xè t'aats'ǫǫ̀ gıgha ehkw'ı-ahodı nı̨dè, dǫ ghǫnegeètǫ nı̨dè, degaı nàowoò k'ę̀ę̀ geeda nı̨dè, eyıts'ǫ edeghǫ xàdahogedì-le nı̨dè, edaxàgeedè ha hǫt'e.

Tıtus 2:5

Nàowołı̨ı̨ ch'à edek'ègedì ha, hołı̨ı̨ dę geeda ha, edekǫ̀ gha hòtł'ò eghàlageeda ha, dǫ ts'ǫ̀ gıdzeè nezı̨ ha, eyıts'ǫ ededǫǫ̀ k'èagı̨ı̨t'e ha, hoghàgogııhtǫ. Hanì geeda nı̨dè gıts'ıhɂǫ̀ dǫ wı̨ı̨zìı Nǫ̀htsı̨ yatıì k'èch'a gode ha-le.