Dànì Kèhoį̀wo 29:2 - Nǫ̀htsı̨ Nı̨htł'è

² Eyı nèk'e tık'è gòɂǫǫ gà sahzǫ̀ą whehtee k'è taı gòlaa yaɂı̨, eyı tık'è gots'ǫ tı gıghàedı t'à. Eyı tık'è wets'ǫdaà kwe nechàa wheɂǫ.

Dànì Kèhoį̀wo 29:2 ပူးပေါင်းရင်းမြစ်များ

Dànì Kèhoį̀wo 24:10

Eyı tł'axǫǫ̀ wecheekeè Abraham wets'ǫ tıts'aàdìıcho hoònǫ k'enaɂı̨wa gà naèhtła, t'asìı nezı̨ı̨ łǫ edexè ayį̀į̀là. Aram-Naharayım nèk'e ts'ǫ̀ dèhtła, eyı tł'axǫǫ̀ ekǫ nèk'e kǫ̀ta Nahor ts'ǫ̀ ajà.

Dànì Kèhoį̀wo 24:11

Kǫ̀ta gà nıwà-lea nììtła ekò tıts'aàdìıcho tık'è gòɂǫǫ gà dèè k'e nàgògı̨ı̨hgè agǫ̀ǫ̀là. Xèhts'ǫ̀ agodaadee ekìıyeè k'e ts'èko tı gìhchı ha nìkw'o.

Dànì Kèhoį̀wo 24:13

Jǫ tık'è gà nàhwho hǫt'e, eyıts'ǫ kǫ̀ta gots'ǫ t'eeko tı gìhchı gha jǫ nìgıdè ha.

Dànì Kèhoį̀wo 29:3

Sahzǫ̀ą hazǫǫ̀ eyı nègı̨ı̨la nı̨dè sahzǫ̀ą-k'èdìı-dǫǫ̀ eyı kwe wedanìı̨ɂǫǫ sìı ı̨ɂǫ̀ǫ̀ agele gà sahzǫ̀ą ghàtıgeedı. Eyı tł'axǫǫ̀-ı̨dè k'achı̨ kwe gıts'ǫdàèchı.

John 4:14

Hanìkò amìı tı weghàehdıı sìı k'achı̨ tı wı̨ı̨zìı ghaewı ha nıìle. Tı weghàehdıı sìı weyìı gots'ǫ tı xàelı̨ı̨ lade ha; yet'à welǫ whìle ts'ǫ̀ eda ha,” yèhdı.

John 4:6

T'akwe whaà Jacob dèè goyìı tı-ts'ìhchıı-k'è gòhtsı̨ı̨ sìı eyı gòɂǫ. Zezì nıwà dèhtła t'à nìı̨tsǫ, eyı tı-ts'ìhchıı-k'è gà dèhkwà. Dzętanı ekìıyeè k'e agǫ̀ht'e. (Wecheekeè t'asìı nàgeehdì ha kǫ̀ta ts'ǫ̀ geède ı̨lè.) Nı̨į̀là kǫ̀ta Samarıa gots'ǫ ts'èko tı ìhchı ha eyı nììtła. Zezì yets'ǫ̀ hadı, “Tı sàı̨dı,” yèhdı.

John Wenazhıı 7:17

Eyı sahzǫ̀ą daèhchı̨cho gà tanı nàwoo sìı sahzǫ̀ą-k'èdìı-dǫǫ̀ lanì gok'èdì ha. Tı nı̨ı̨lı̨ı̨ wet'à ts'eedaa sìı ts'ǫ̀ agole ha. Eyıts'ǫ Nǫ̀htsı̨ gonatì hazǫǫ̀ yedeedı ha,” ǫhdah hasèhdı.