Dànì Kèhoį̀wo 28:19 - Nǫ̀htsı̨ Nı̨htł'è

¹⁹ Eyı dèe sìı Bethel wìyeh ayį̀į̀là. T'akwełǫ̀ǫ̀ eyı kǫ̀ta gòɂǫǫ sìı Luz wìyeh ı̨lè.

Dànì Kèhoį̀wo 28:19 ပူးပေါင်းရင်းမြစ်များ

Dànì Kèhoį̀wo 12:8

Ekǫ gots'ǫ kǫ̀ta Bethel wexa sa k'àɂàa ts'ǫnèe shìh xàwheɂaa ts'ǫ̀ nììtła. Ekǫ edenı̨hbàa nàı̨hgè. Kǫ̀ta Bethel dą̀ą ts'ǫ̀ goòɂàa eyıts'ǫ kǫ̀ta Ayı gòyeh sa kàɂàa ts'ǫ̀ goòɂàa, eyı kǫ̀ta nàke wege edenı̨hbàa nàı̨hgè. Ekǫ gots'ǫ̀ K'àowo ts'ǫ̀ t'asìı k'eehk'ǫ̀ gha k'achı̨ kwe-ladà whehtsı̨ eyıts'ǫ gots'ǫ̀ K'àowo ts'ǫ̀ xàyaı̨htı.

Dànì Kèhoį̀wo 28:11

Dzę ghàà k'eeda tł'axǫǫ̀ sa nàı̨ɂǫ t'à t'asį̀ı̨ dèè k'e detè ha nıwǫ. Eyı dèè k'e kwe whelaa sìı ı̨łè neyıìchì gà edekwì tł'a nèyeechı gà dètı̨.

Dànì Kèhoį̀wo 31:13

Bethel ekǫ Nǫ̀htsı̨ nets'ǫ̀ wègoèht'į̀ı̨ sìı eyı aht'e. Ekǫ kwe nàı̨ɂa k'e tłeh anelà ı̨lè eyıts'ǫ ekǫ sets'ǫ̀ yatı nàtsoo wheęhtsı̨ ı̨lè. Jǫ nèè gots'ǫǫ̀ aąde, nenèè dǫ nelı̨ı̨ sìı ts'ǫ̀ anaąde,’ sèhdı ı̨lè,” Jacob edets'èkeè gòhdı.

Dànì Kèhoį̀wo 35:1

Eyı tł'axǫǫ̀ Nǫ̀htsı̨ Jacob ts'ǫ̀ gode, “Bethel gòyeh ts'ǫ̀ anaąde, eyı nàądè, eyıts'ǫ ekǫ Nǫ̀htsı̨ ts'ǫ̀ t'asìı k'eek'ǫ̀ gha t'à kwe ełeka whela t'à kwe-ladà nehtsı̨. Nı̨ı̨de Esau ch'à kwı̨èhsa ekò Nǫ̀htsı̨ nets'ǫ̀ wègoèht'į̀ ı̨lèe sìı eyı aht'e,” yèhdı.

Dànì Kèhoį̀wo 35:14

Jacob, ekǫ Nǫ̀htsı̨ yets'ǫ̀ goı̨dee sìı eyı kwe nàı̨ɂaà ayį̀į̀là. Jìetì eyıts'ǫ tłeh łekǫǫ yek'e łaèhtł'ı, (eyıt'à eyı gòɂǫǫ sìı Nǫ̀htsı̨ gha degaı k'è gòɂǫǫ̀ ayį̀į̀là).

Dànì Kèhoį̀wo 35:15

Jacob ekǫ Nǫ̀htsı̨ yets'ǫ̀ goı̨dee sìı Bethel gòyeh ayį̀į̀là.

Dànì Kèhoį̀wo 35:6

Jacob eyıts'ǫ dǫ hazǫǫ̀ gıxè aget'ı̨ı̨ sìı Kanan nèk'e Luz gòyeh (dıì Bethel gòyeh) sìı nègı̨ı̨de.

Dànì Kèhoį̀wo 35:7

Ekǫ kwe ełeka whela t'à kwe-ladà whehtsı̨. Edı̨ı̨de Esau ch'à kwı̨èhsa ekò, ekǫ Nǫ̀htsı̨ wets'ǫ̀ wègoèht'į̀ ı̨lè t'à eyı gòɂǫǫ sìı El-Bethel gòyeh ayį̀į̀là.

Dànì Kèhoį̀wo 48:3

Jacob, edeza Joseph ts'ǫ̀ hadı, “Kanan nèk'e Luz gòyeh ekǫ Nǫ̀htsı̨ t'asìı wegha dìì-le sìı sets'ǫ̀ wègoèht'į̀ xè yatı nezı̨ı̨ seghàı̨ɂǫ ı̨lè.