Dànì Kèhoį̀wo 28:18 - Nǫ̀htsı̨ Nı̨htł'è

¹⁸ K'omǫǫ̀dǫǫ̀ et'ıì Jacob kwe k'e kwìhɂǫ ı̨lèe sìı neyıìchı gà nàchı̨į̀ɂaà ayį̀į̀là gà tłeh łekǫǫ yek'e nałaèhtł'ı.

Dànì Kèhoį̀wo 28:18 ပူးပေါင်းရင်းမြစ်များ

Dànì Kèhoį̀wo 21:14

K'omǫǫ̀dǫǫ̀ ts'ǫ̀et'ıì Abraham weghǫ shèts'ezhee deyèyı̨ı̨wa eyıts'ǫ tıwò yìı tı yı̨ı̨htł'ı, Hagar nayage gha yek'e nèyı̨ı̨wa, hanì dǫzhìa xè xàyeèhɂà. Ekìı-ka nèk'e Bersheba gòyeh ekǫ hok'èezǫ-le k'etło.

Dànì Kèhoį̀wo 22:3

Eyıt'à k'omǫǫ̀dǫǫ̀ et'ıì Abraham nıìtła gà edetłı̨tsoa k'e nèɂı̨ı̨wa. Wecheekeè nàke eyıts'ǫ weza Isaac edexè agǫ̀ǫ̀là. Nǫ̀htsı̨ ts'ǫ̀ t'asìı k'egeehk'ǫ̀ gha tso agı̨į̀là tł'axǫǫ̀, Nǫ̀htsı̨ edı̨į̀ ts'ǫ̀ aąde ha yèhdıı sìı ts'ǫ̀ agejà.

Dànì Kèhoį̀wo 28:11

Dzę ghàà k'eeda tł'axǫǫ̀ sa nàı̨ɂǫ t'à t'asį̀ı̨ dèè k'e detè ha nıwǫ. Eyı dèè k'e kwe whelaa sìı ı̨łè neyıìchì gà edekwì tł'a nèyeechı gà dètı̨.

Dànì Kèhoį̀wo 31:13

Bethel ekǫ Nǫ̀htsı̨ nets'ǫ̀ wègoèht'į̀ı̨ sìı eyı aht'e. Ekǫ kwe nàı̨ɂa k'e tłeh anelà ı̨lè eyıts'ǫ ekǫ sets'ǫ̀ yatı nàtsoo wheęhtsı̨ ı̨lè. Jǫ nèè gots'ǫǫ̀ aąde, nenèè dǫ nelı̨ı̨ sìı ts'ǫ̀ anaąde,’ sèhdı ı̨lè,” Jacob edets'èkeè gòhdı.

Dànì Kèhoį̀wo 31:45

Eyıt'à Jacob kwe nechàa dèè k'e nàı̨ɂaà ayį̀į̀là.

Dànì Kèhoį̀wo 35:14

Jacob, ekǫ Nǫ̀htsı̨ yets'ǫ̀ goı̨dee sìı eyı kwe nàı̨ɂaà ayį̀į̀là. Jìetì eyıts'ǫ tłeh łekǫǫ yek'e łaèhtł'ı, (eyıt'à eyı gòɂǫǫ sìı Nǫ̀htsı̨ gha degaı k'è gòɂǫǫ̀ ayį̀į̀là).

Dànì Kèhoį̀wo 35:20

Jacob, wets'èkeè wekw'ǫǫ̀ whetǫǫ k'e kwe nàı̨ɂaà ayį̀į̀là. Dıı dzęę̀ ts'ǫ̀ eyı Rachel wekw'ǫǫ̀ whetǫǫ wenahodì gha ayį̀į̀là.