Dànì Kèhoį̀wo 28:14 - Nǫ̀htsı̨ Nı̨htł'è

¹⁴ Nets'ıhɂǫ̀ǫ-dǫǫ̀ sìı dèè k'e ehtł'è whetł'ıı xètłǫ lagede ha. Hazǫǫ̀ nemǫǫ̀ goòɂà ts'ǫ̀ nenèè gǫchà agode ha. Nı̨ eyıts'ǫ nets'ıhɂǫ̀ǫ-dǫǫ̀ gıts'ıhɂǫ̀ dıı nèk'e dǫ hazǫǫ̀ xàɂaa xè sìghà hòɂǫǫ̀ agode ha.

Dànì Kèhoį̀wo 28:14 ပူးပေါင်းရင်းမြစ်များ

Dànì Kèhoį̀wo 12:3

Dǫ nexè sìghà hogehtsı̨ı̨ sìı gıxè sìghà agohłe ha, eyıts'ǫ dǫ yatı nezı̨-le nek'e nègııɂàa sìı yatı nezı̨-le gıghàehɂà ha. Eyıts'ǫ nı̨ nets'ıhɂǫ̀ dıı nèk'e dǫ hazǫǫ̀ gıxè sìghà hòɂǫ ha,” Nǫ̀htsı̨ yèhdı.

Dànì Kèhoį̀wo 13:14

Lot Abram ts'ǫǫ̀ naèhtła tł'axǫǫ̀ gots'ǫ̀ K'àowo Abram ts'ǫ̀ hadı, “Eyı nàąwo gots'ǫ yeè chı̨k'è ts'ǫ̀ k'eęt'į̀, sazı̨ nèk'e, sa kàɂàa eyıts'ǫ dą̀ą sı ts'ǫ̀ k'eęt'į̀.

Dànì Kèhoį̀wo 13:15

Dèè hazǫǫ̀ weghàı̨daa sìı nı̨ eyıts'ǫ nets'ıhɂǫ̀ǫ-dǫǫ̀ naxıghàehłe ha, welǫ whìle ts'ǫ̀ naxıghaelı̨ ha.

Dànì Kèhoį̀wo 13:16

Nets'ıhɂǫ̀ǫ-dǫǫ̀ dèè k'e ehtł'è lageètłǫ agehłe ha. Ehtł'è gıhtà ha dìì-le nı̨dè nets'ıhɂǫ̀ǫ-dǫǫ̀ sı gogıhtà ha dìì-le.

Dànì Kèhoį̀wo 18:18

Abraham wets'ıhɂǫ̀ǫ-dǫǫ̀ dǫdeè gı̨ı̨lı̨ ha eyıts'ǫ dǫ nàtsoo gìhłè ha hǫt'e. Abraham wets'ıhɂǫ̀ dıı nèk'e dǫ hazǫǫ̀ xàɂaa gıxè sìghà hòɂǫ ha.

Dànì Kèhoį̀wo 22:17

hotıì nexè sìghà hòɂǫǫ̀ agohłe ha. Nets'ıhɂǫ̀ǫ-dǫǫ̀ sıì łǫ t'à yat'a whǫ̀ lageètłǫ ha, eyıts'ǫ tabàa ewaà lageètłǫ ha. Dǫ naxıts'ǫ̀ xànıgı̨ı̨ɂaa gıts'ǫ kǫ̀godeè gòlaa sìı nets'ıhɂǫ̀ǫ-dǫǫ̀ goghǫ gìhchı ha.

Dànì Kèhoį̀wo 22:18

Sek'èanet'e k'èxa nets'ıhɂǫ̀ǫ-dǫǫ̀ gıts'ıhɂǫ̀ dıı nèk'e dǫ hazǫǫ̀ xàɂaa xè sìghà hòɂǫ ha,” yak'eet'ı̨į̀ yèhdı.

Dànì Kèhoį̀wo 26:4

Nets'ıhɂǫ̀ǫ-dǫǫ̀ łǫ t'à yat'a whǫ̀ lageètłǫ agehłe ha, eyıts'ǫ dıı dèè hazǫǫ̀ gıghàehɂà ha. Nets'ıhɂǫ̀ǫ-dǫǫ̀ gıts'ıhɂǫ̀ dıı nèk'e dǫ hazǫǫ̀ xàɂaa gıxè sìghà hòɂǫ ha,

Dànì Kèhoį̀wo 32:12

Hanìkò dıı hasį̀ı̨dı ı̨lè, ‘Ehkw'ı t'à nexè sìghà hòɂǫǫ̀ agohłe ha, eyıts'ǫ nets'ıhɂǫ̀ǫ-dǫǫ̀ tıchobàa ewaà laàtłǫǫ̀ agehłe ha. Sıì gı̨ı̨tłǫ t'à gıts'ıhtà ha dìì agode ha,’ hasį̀ı̨dı ı̨lè,” Jacob hadıì Nǫ̀htsı̨ ts'ǫ̀ xàyaı̨htı.

Dànì Kèhoį̀wo 48:19

Hanìkò wetà į̀le yèhdı, “Wek'èehsǫ ne seza, wek'èehsǫ ne. Ededı̨ sìı dǫ ı̨łè xàɂaadeè elı̨ ha, eyıts'ǫ wets'ıhɂǫ̀ǫ-dǫǫ̀ łǫǫ̀ ade ha. Hanìkò wechı sìı yenahk'e elı̨ ha eyıts'ǫ wets'ıhɂǫ̀ǫ-dǫǫ̀ xàgeèɂaa łǫǫ̀ ade ha,” yèhdı.

Matthew 8:11

Hazǫǫ̀ nèk'e gots'ǫ dǫ łǫ, Nǫ̀htsı̨ Wenàowoò k'ę̀ę̀ hòɂǫǫ k'è goyageedè ha. Ekǫ Abraham, Isaac eyıts'ǫ Jacob xè shègezhe ha.

Zezì Wecheekeèdeè 3:25

Nakwenàoɂǫǫ ayìı ghǫ gogı̨ı̨de ı̨lèe sìı naxıgha hǫt'e eyıts'ǫ ı̨dèe whaà, Nǫ̀htsı̨ naxıcho xè nakenawhehtsı̨ı̨ sìı naxıgha hǫt'e. Abraham ts'ǫ̀ dıı hadı ı̨lè, ‘Nets'ıhɂǫ̀ǫ-dǫǫ̀ wet'à dıı nèk'e dǫ hazǫǫ̀ gıxè sìghà hòɂǫ ha hǫt'e,’ dek'eèhtł'è.

Galatıa 3:16

Nǫ̀htsı̨, Abraham eyıts'ǫ wets'ıhɂǫ̀ǫ-dǫǫ̀ elı̨ı̨ sìı goxè sìghà ayele ha edeyatıì goghàı̨ɂǫ ı̨lè. Nǫ̀htsı̨ Nı̨htł'è k'e dıı hanì dek'eèhtł'è, “amìı wets'ıhɂǫ̀ǫ-dǫǫ̀ elı̨,” hadıı sìı dǫ łǫ ghǫ godeè-adı nıìle, hanìkò, “amìı wets'ıhɂǫ̀ǫ-dǫǫ̀ elı̨,” hadıı sìı dǫ ı̨łè zǫ ghǫ godeè-adı, eyı dǫ sìı Zezì-Krı hǫt'e.

Galatıa 3:8

Nǫ̀htsı̨, dǫ Israel got'ı̨į̀ agı̨ı̨t'e-le sìı gıgha ehkw'ı-ahodı nı̨dè ehkw'ıì agole ha, whaà gots'ǫ hanì Nǫ̀htsı̨ Nı̨htł'è k'e dek'eèhtł'è ı̨lè. Eyı Nı̨htł'è k'e godı nezı̨ı̨ weghǫ dıı hanì nadąą̀ dek'eèhtł'è: Nǫ̀htsı̨ Abraham ts'ǫ̀ dıı hadı: “Nı̨ net'à dǫ hazǫǫ̀ xàɂaa gıxè sìghà agode ha,” dek'eèhtł'è.

Ephesus 1:3

Nǫ̀htsı̨, gots'ǫ̀ K'àowo Zezì-Krı Wetà, weghàsǫts'eedı welè, ededı̨ sìı goxè sìghà hòɂǫǫ̀ ayį̀į̀là hǫt'e. Įdòo yak'e gots'ǫ Zezì-Krı wedahxà t'asìı hazǫǫ̀ wet'à goxè sìghà hòɂǫ ha sìı hòt'a goghàyı̨ı̨la hǫt'e.

John Wenazhıı 7:4

Eyı tł'axǫǫ̀ dıı hats'edıì hǫt'e, “Dǫ dıı haàtłǫǫ sìı nàgıakwı̨ hǫt'e: Israel got'ı̨į̀ ts'ǫ ı̨łèakw'eènǫ-daats'ǫ̀-dı̨ènǫ-daats'ǫ̀-dı̨-lemì (144,000).

John Wenazhıı 7:9

Eyı tł'axǫǫ̀ senadąą̀ dǫ łǫ t'à łǫ gìgoèht'į̀. Dǫ sıì łǫ t'à dǫ wı̨ı̨zìı goıhtà ha dìì. Dǫ hazǫǫ̀ xàɂaa, yatı hazǫǫ̀ xàɂaa eyıts'ǫ dıı nèk'e hazǫǫ̀ gots'ǫ dǫ agı̨ı̨t'e. Daèhchı̨cho eyıts'ǫ eyı Sahzǫ̀ą nadąą̀ nàgeèhza. ʔeh degoo nedèe yìı geèhkw'e eyıts'ǫ ɂorı dagıale.