Dànì Kèhoį̀wo 28:10 - Nǫ̀htsı̨ Nı̨htł'è

¹⁰ Jacob Bersheba nèk'e gots'ǫ naèhtła, kǫ̀ta Haran ts'ǫ̀ dèhtła.

Dànì Kèhoį̀wo 28:10 ပူးပေါင်းရင်းမြစ်များ

Dànì Kèhoį̀wo 11:31

Terah edeza Abram, eyıts'ǫ edekwı Lot (Haran weza) eyıts'ǫ weza ts'èkeè Sarayı edexè goòwa. Kanan nèk'e ts'ǫ̀ agede ha gı̨ı̨wǫ t'à Kaldea got'ı̨į̀ gınèk'e kǫ̀godeè Ur gòyeh gots'ǫǫ̀ xàgeède. Hanìkò kǫ̀godeè Haran gòyeh ts'ǫ̀ nègı̨ı̨de ekò ekǫ nàgedè agejà.

Dànì Kèhoį̀wo 12:4

Eyıt'à Nǫ̀htsı̨ weyatıì k'e Abram edenèè ts'ǫǫ̀ xàèhtła. Wesah Lot yexè ajà. Abram łǫ̀hdı̨ènǫ-daats'ǫ̀-sı̨làı (75) weghoò ekò kǫ̀ta Haran gots'ǫǫ̀ xàèhtła.

Dànì Kèhoį̀wo 12:5

Edets'èkeè Sarayı eyıts'ǫ edesah Lot edexè ayį̀į̀là. Kǫ̀ta Haran gots'ǫ t'asìı ehkègìı̨laa eyıts'ǫ ekǫ gots'ǫ dǫ gogha eghàlageedaa nàgoèhdìı sìı edexè agį̀į̀là. Kanan nèk'e ts'ǫ̀ nageèhde eyıts'ǫ ekǫ nègı̨ı̨de.

Dànì Kèhoį̀wo 26:23

Ekǫ nàı̨dè gots'ǫ Bersheba nèk'e ts'ǫ̀ tàèhtła.

Dànì Kèhoį̀wo 27:43

Seza, sı̨į̀hkw'ǫ. Dànèehsı̨ı̨ sìı hanele: Kǫ̀ta Haran ekǫ sı̨ı̨de Laban nàdèe sìı ı̨whąą̀ wets'ǫ̀ aąde.

Dànì Kèhoį̀wo 29:4

Jacob, sahzǫ̀ą-k'èdìı-dǫǫ̀ dagoehke, “Sèot'ı̨ı̨, edı̨į̀ gots'ǫ aaht'e?” gòhdı. “Kǫ̀ta Haran gots'ǫ ats'ı̨ı̨t'e,” gıìhdı.

Dànì Kèhoį̀wo 32:10

Sets'ǫ̀ nedzeè eteèɂı̨ xè sets'ǫ̀ ehkw'ı eghàlaı̨da ha dǫ lahoeht'ı̨ nıìle. Segeè k'ehtı̨ zǫ t'à jǫ Jordan deh nıɂàa weteèhtła ı̨lè. Ekò dıì t'aa dǫ łǫ sexè aget'ı̨ t'à nàke ts'ǫ̀ łats'ıgıhwha hǫt'e.

Dànì Kèhoį̀wo 35:1

Eyı tł'axǫǫ̀ Nǫ̀htsı̨ Jacob ts'ǫ̀ gode, “Bethel gòyeh ts'ǫ̀ anaąde, eyı nàądè, eyıts'ǫ ekǫ Nǫ̀htsı̨ ts'ǫ̀ t'asìı k'eek'ǫ̀ gha t'à kwe ełeka whela t'à kwe-ladà nehtsı̨. Nı̨ı̨de Esau ch'à kwı̨èhsa ekò Nǫ̀htsı̨ nets'ǫ̀ wègoèht'į̀ ı̨lèe sìı eyı aht'e,” yèhdı.

Dànì Kèhoį̀wo 35:7

Ekǫ kwe ełeka whela t'à kwe-ladà whehtsı̨. Edı̨ı̨de Esau ch'à kwı̨èhsa ekò, ekǫ Nǫ̀htsı̨ wets'ǫ̀ wègoèht'į̀ ı̨lè t'à eyı gòɂǫǫ sìı El-Bethel gòyeh ayį̀į̀là.

Dànì Kèhoį̀wo 46:1

Eyıt'à Israel t'asìı hazǫǫ̀ wets'ǫ xè ekǫ ts'ǫ̀ ajà. Bersheba gòyeh nììtła ekò, edetà Isaac Wenǫ̀htsı̨ ts'ǫ̀ tıts'aàdìı k'ı̨ı̨hk'ǫ.

Zezì Wecheekeèdeè 25:13

Nàke dzęę̀-le nı̨dè taı dzęę̀ k'ehǫǫwo tł'axǫǫ̀ k'àowocho Agrıppa eyıts'ǫ ts'èko Bernıce k'àowo Festus ts'àgede ha, kǫ̀ta Caesarea nègı̨ı̨de.

Zezì Wecheekeèdeè 7:2

Stephen hadı, “Sèot'ı̨ı̨ eyıts'ǫ goɂǫhdaà yàahłı̨ı̨ sìı seàhkw'ǫ! Gocho Abraham Mesopotamıa nèk'e nàı̨dè ekò, ı̨łaà kǫ̀ta Haran nàdè-le ekò, Nǫ̀htsı̨ enıìyah wehòhɂǫǫ sìı yets'ǫ̀ goı̨de ı̨lè.