Dànì Kèhoį̀wo 27:27 - Nǫ̀htsı̨ Nı̨htł'è

²⁷ Eyıt'à Jacob yegà nììtła gà yı̨ı̨ts'į̀. Wetà yegoht'ǫǫ̀-tsį̀ wegha łedì ghàà yek'èhoèhzà, eyıt'à dıı hadıì yatı nezı̨ı̨ t'à yek'eèyaı̨htı: “Hęɂę, dıı seza wetsį̀ hǫt'e, gots'ǫ̀ K'àowo dèè k'e sìghà hòɂǫǫ̀ ayį̀į̀làa sìı lanì łedì.

Dànì Kèhoį̀wo 27:27 ပူးပေါင်းရင်းမြစ်များ

Dànì Kèhoį̀wo 26:12

Isaac eyı nèk'e t'asìı dehshee nìı̨la. Gots'ǫ̀ K'àowo yegha sìghà agǫ̀ǫ̀là t'à eyı xo k'e et'ıì t'asìı dehshee ı̨łèakw'eènǫ deɂǫ̀atłǫ nàwhehtsı̨.

Dànì Kèhoį̀wo 27:15

Eyı tł'axǫǫ̀ Rebekah edeza ǫhdaà Esau wegoht'ǫǫ̀ nezı̨ı̨ goyìı whelaa sìı neyı̨į̀wa gà weza Jacob yeyìetłaà ayį̀į̀là.

Dànì Kèhoį̀wo 27:26

Eyı tł'axǫǫ̀ wetà Isaac yets'ǫ̀ hadı, “Seza, sek'èts'ı̨ı̨dlı̨,” yèhdı.

Dànì Kèhoį̀wo 27:39

Eyıt'à Isaac yets'ǫ̀ hadı, “Dèè nezı̨ı̨ wek'e t'asìı łǫ dehshee ts'ǫ̀ nıwà nàądè ha. Yak'e gots'ǫ chǫh nenèk'e ade ha-le.

Dànì Kèhoį̀wo 48:10

Israel ǫhdah whelı̨ t'à wedaà goìle adaade. Eyıt'à Joseph edeza edetà ts'ǫ̀ goòwa, wetà edegoàdo xè goı̨ts'į̀.

Dànì Kèhoį̀wo 48:15

Hanì t'aa Joseph gha nezı̨į̀ xàyaı̨htı, hadı, “Nǫ̀htsı̨, secho Abraham eyıts'ǫ Isaac gık'ę̀ę̀ geedaa sìı, dıı dzęę̀ ts'ǫ̀ sek'èdìı elı̨ı̨ sìı goxè sìghà ayııle, Yak'eet'ı̨į̀ hoìla hazǫǫ̀ ch'à edaxàsį̀ı̨htı̨ı̨ sìı dıı chekoa gıxè sìghà ayııle. Sıızì, secho Abraham eyıts'ǫ Isaac gıızì k'ę̀ę̀ gogıızı welè, eyıts'ǫ dıı nèk'e gıts'ıhɂǫ̀ǫ-dǫǫ̀ łǫ welè,” hadıì xàyaı̨htı.

Hebrew 11:20

Isaac wegha ehkw'ı-ahodı t'à edeza Jacob eyıts'ǫ Esau ı̨daà dànì gıxè nezı̨į̀ hòɂǫ ha k'ę̀ę̀ gok'eèyaı̨htı ı̨lè.

Hebrew 6:7

K'àowo wedèè k'e chǫh łǫ at'ı̨ t'à wegha t'asìı nezı̨ı̨ dehshe nı̨dè, gots'ǫ̀ K'àowo eyı dèè xè sìghà hòɂǫǫ̀ ayehɂı̨ t'à hǫt'e.