Dànì Kèhoį̀wo 26:7 - Nǫ̀htsı̨ Nı̨htł'è

⁷ Eyı kǫ̀ta gots'ǫ dǫzhìı wets'èkeè ghǫ dagı̨ı̨hke ekò, Isaac gots'ǫ hadı, “Sedè hǫt'e,” gòhdı. Rebekah ts'èko wèdaat'ı̨ı̨ elı̨ t'à wets'ıhɂǫ̀ eyı kǫ̀ta ts'ǫ dǫzhìı ełaàsegèhwhı ha sǫnı, hanıwǫ t'à, “Sets'èkeè hǫt'e,” gòhdı-le.

Dànì Kèhoį̀wo 26:7 ပူးပေါင်းရင်းမြစ်များ

Dànì Kèhoį̀wo 12:11

Egypt nèk'e ts'ǫ̀ nıwà-lea nègı̨ı̨de ekò Abram edets'èkeè Sarayı ts'ǫ̀ hadı, “Hoɂıì ts'èko wèdaat'ı̨ı̨ anet'e.

Dànì Kèhoį̀wo 12:13

Sedè anet'e nı̨ı̨dı nǫǫ̀, hanì-ı̨dè nets'ıhɂǫ̀ ełaàsegèhwhı ha-le xè nezı̨į̀ sets'ǫ̀ nageɂa ha,” Abram edets'èkeè èhdı.

Dànì Kèhoį̀wo 12:15

K'àowocho wecheekeèdeè gıaɂı̨ t'à k'àowocho ts'ǫ̀ Sarayı ghǫ nezı̨į̀ xàyagı̨ı̨htı, eyıt'à Sarayı k'àowocho wekǫ̀ gocho ts'ǫ̀ geèhchì.

Dànì Kèhoį̀wo 20:11

Abraham yets'ǫ̀ hadı, “ ‘Dıı yeè nèk'e dǫ wı̨ı̨zìı Nǫ̀htsı̨ ts'àgeejı̨-le t'à sets'èkeè wets'ıhɂǫ̀ ełaàsegèhwhı ha sǫnı,’ dehwhǫ ı̨lè.

Dànì Kèhoį̀wo 20:2

Abraham ekǫ nàı̨dè ekò edets'èkeè Sarah ghǫ dǫ ts'ǫ̀ hadı, “Sedè hǫt'e,” gòhdı. Eyıt'à Abımelek kǫ̀ta Gerar gha k'àowocho elı̨ı̨ sìı Sarah ìhchı ha yekàehɂà t'à wecheekeè gıts'ǫ̀ geèhchì.

Dànì Kèhoį̀wo 20:5

Abraham ededı̨ xàè, ‘Sedè hǫt'e,’ sèhdı, eyıts'ǫ Sarah ededı̨ sı, ‘Sı̨ı̨de hǫt'e,’ sèhdı. Eyıt'à t'asìı wı̨ı̨zìı ghǫ nànıhwho-le xè hanì eghàlaıhdà hǫt'e. Ekǫ-le hòwhıhtsı̨ nıìle,” yèhdı.

Dànì Kèhoį̀wo 24:16

T'eeko sıì wèdaat'ı̨ xè t'eekogòò hǫt'e, dǫzhìı yet'àı̨tè whìle. Tık'è gòɂǫǫ ts'ǫ̀ èhtła, edetıtǫǫ̀ dàgoòɂǫǫ̀ ayį̀į̀là tł'axǫǫ̀ naetła ha ı̨lè.

Dànì Kèhoį̀wo 26:6

Eyıt'à Isaac kǫ̀ta Gerar łatsaa nàı̨dè.

Dànì Kèhoį̀wo 26:8

Isaac whaà hoògǫ eyı nàı̨dè ekò k'àowocho Abımelek, Fılıstea got'ı̨į̀ gha k'àowo elı̨ı̨ sìı dahkǫ̀ gots'ǫ ı̨zhıì k'eet'į̀ là Isaac edets'èkeè Rebekah k'onadıìde yaɂı̨.

Dànì Kèhoį̀wo 29:17

Leah wedaà nezı̨į̀ wègaat'ı̨ hanìkò Rachel hazǫǫ̀ ts'ǫ̀ denahk'e wèdaat'ı̨.

Matthew 10:28

Dǫ naxızhį̀į̀ ełaàgehwhı kò naxıdą̀ązhį̀ı̨ ełaàgehwhı ha dìì sìı gıts'àahjı̨-le. Ekò amìı godą̀ązhį̀ı̨ eyıts'ǫ gozhį̀į̀ wehłı̨kǫ̀ ts'ǫ̀ ayele ha dìì-le sìı eyı wets'àahjı̨.

Ephesus 5:25

Dǫzhìı yàahłı̨ı̨ sìı naxıts'èkeè ghǫnıahtǫ, Zezì-Krı edecheekeè goghǫneètǫ lanì eyıts'ǫ gogha ełaı̨wo lanì.

Colosse 3:9

Naxınìłı̨ı̨ k'ę̀ę̀ aahda-le aahjà t'à ełets'ǫ̀ hoahts'ì-le. Naxıgoht'ǫǫ̀ wezǫą yìı xàahde lanì hǫt'e.