Dànì Kèhoį̀wo 26:25 - Nǫ̀htsı̨ Nı̨htł'è

²⁵ Isaac eyı dèè k'e Nǫ̀htsı̨ ts'ǫ̀ t'asìı k'eehk'ǫ̀ gha kwe ełeka nèyı̨ı̨wa t'à kwe-ladà whehtsı̨, eyıts'ǫ Nǫ̀htsı̨ ts'ǫ̀ yaı̨htı. Ekǫ edenı̨hbàa nàı̨hgè eyıts'ǫ wecheekeè tık'è gogehtsı̨ ha dèè xàgı̨ı̨hgè.

Dànì Kèhoį̀wo 26:25 ပူးပေါင်းရင်းမြစ်များ

Dànì Kèhoį̀wo 13:18

Eyıt'à Abram edenı̨hbàa hazǫǫ̀ nàı̨wa. Hebron nèk'e Amor got'ı̨į̀ Mamer wets'ǫ ts'ı nechàa nàwheɂaa ts'ǫ̀ tàèhtła. Ekǫ gots'ǫ̀ K'àowo ts'ǫ̀ t'asìı k'eehk'ǫ̀ gha kwe ełeka nèyı̨ı̨wa t'à kwe-ladà whehtsı̨.

Dànì Kèhoį̀wo 13:4

Ekǫ t'aa t'akwełǫ̀ǫ̀ kwe ełeka nèyı̨ı̨wa t'à kwe-ladà whehtsı̨ ı̨lè. Abram eyı k'achı̨ Nǫ̀htsı̨ ghàsǫedı.

Dànì Kèhoį̀wo 22:9

Nǫ̀htsı̨ edı̨į̀ ts'ǫ̀ aąde ha yèhdıı sìı ekǫ nègı̨ı̨de ekò Abraham kwe ełeka nèyı̨ı̨wa t'à kwe-ladà whehtsı̨, yeka tso nìı̨wa. Edeza xèwhezhà gà tso ka nèyı̨ı̨htı̨.

Dànì Kèhoį̀wo 26:32

Eyı dzęę̀ k'e Isaac wecheekeè gıts'ǫ̀ nìı̨de. Tık'è gha dèè xàgı̨ı̨hgè ı̨lèe sìı ghǫ dıı hagıìhdı, “Tık'è xàts'ı̨ı̨hgèe gots'ǫ tı xàetł'ì ajà!” gedı.

Dànì Kèhoį̀wo 33:20

Ekǫ t'aa gots'ǫ̀ K'àowo ts'ǫ̀ t'asìı k'eehk'ǫ̀ gha kwe ełeka nèyı̨ı̨wa t'à kwe-ladà whehtsı̨ eyıts'ǫ El-Elohe Israel gòyeh ayį̀į̀là.

Dànì Kèhoį̀wo 35:1

Eyı tł'axǫǫ̀ Nǫ̀htsı̨ Jacob ts'ǫ̀ gode, “Bethel gòyeh ts'ǫ̀ anaąde, eyı nàądè, eyıts'ǫ ekǫ Nǫ̀htsı̨ ts'ǫ̀ t'asìı k'eek'ǫ̀ gha t'à kwe ełeka whela t'à kwe-ladà nehtsı̨. Nı̨ı̨de Esau ch'à kwı̨èhsa ekò Nǫ̀htsı̨ nets'ǫ̀ wègoèht'į̀ ı̨lèe sìı eyı aht'e,” yèhdı.

Dànì Kèhoį̀wo 4:26

Set ededı̨ sı weza gǫ̀hłı̨, Enosh wìyeh ayį̀į̀là. Ekìıyeè k'e sìı dǫ gots'ǫ̀ K'àowo ts'ǫ̀ yagehtıì agejà.

Dànì Kèhoį̀wo 8:20

Eyı tł'axǫǫ̀ Noah Nǫ̀htsı̨ ts'ǫ̀ t'asìı k'eehk'ǫ̀ gha kwe ełeka nèyı̨ı̨wa t'à kwe-ladà whehtsı̨. Tıts'aàdìı nezı̨ı̨ xàɂaa sìı eyıts'ǫ yat'a k'edèe nezı̨ı̨ xàɂaa sìı mǫ̀hdaa neyı̨į̀wa gà Nǫ̀htsı̨ ts'ǫ̀ yek'eehk'ǫ̀.