Dànì Kèhoį̀wo 25:31 - Nǫ̀htsı̨ Nı̨htł'è

³¹ Jacob yets'ǫ̀ hadı, “Età weza ǫhdaà nelı̨ t'à wets'ǫ t'asìı deɂǫ̀atłǫ nets'ǫ̀ ade ha sìı dıì-t'ıì sets'ǫ̀ neghǫ nàèdì nı̨dè tıwo neghàehdı ha,” yèhdı.

Dànì Kèhoį̀wo 25:31 ပူးပေါင်းရင်းမြစ်များ

Dànì Kèhoį̀wo 25:30

Jacob ts'ǫ̀ hadı, “Sıì bò ghaehwhı dìì! Įwhąą̀ eyı tıwo dek'oo mǫ̀hdaa sàı̨dı!” yèhdı. (Eyı ts'ıhɂǫ̀ Esau Edom sı wìyeh. Edom gedı nı̨dè “dek'o” gedıì-agedı.)

Dànì Kèhoį̀wo 25:32

“Hòt'a bò dę t'asahde ha nìkw'o. Età weza ǫhdaà ehłı̨ı̨ sìı segha ayìı welè?” Esau yèhdı.

Dànì Kèhoį̀wo 27:36

Esau hadı, “Dıì xè nàekeè seghǫ eèɂı̨ t'à wıızì wexıìzǫ hǫt'e. Età weza ǫhdaà k'ę̀ę̀ wets'ǫ t'asìı sets'ǫ̀ ade ha ı̨lèe sìı seghǫ xàyeèchì eyıts'ǫ dıì sı yatı nezı̨ı̨ seghǫ xàyeèchì!” hadı. K'achı̨ edetà ghǫnàdaetì, “Yatı nezı̨ı̨ ı̨łè segha wheęhɂǫ-le nì?” yèhdı nàdaetì.

Dànì Kèhoį̀wo 32:28

Eyı tł'axǫǫ̀ eyı dǫ hadı, “Jǫ gots'ǫ ı̨daà Jacob nìyeh ha-le, Israel nìyeh ha. Nǫ̀htsı̨ eyıts'ǫ dǫ k'anewo xè honeèhnǫ t'à hanìyeh ha,” yèhdı.

Hebrew 12:16

Naxıta dǫ wı̨ı̨zìı hołı̨ı̨ k'ę̀ę̀ ełek'alagııdè sǫ̀ǫ̀, hanì-le-ı̨dè Esau lanì Nǫ̀htsı̨ nàowoò gıgha wet'àaɂà-le lagııt'è sǫ̀ǫ̀. Esau wetà weza ǫhdaà ı̨lèe t'à wetà wets'ǫ t'asìı denahk'e wet'àaɂàa sìı wets'ǫ̀ ade ha ı̨lè, hanìkò ı̨łàà yeghǫ shètı̨ k'èxa wechı ts'ǫ̀ weghǫ nàedì ı̨lè.