Dànì Kèhoį̀wo 25:23 - Nǫ̀htsı̨ Nı̨htł'è

²³ Gots'ǫ̀ K'àowo yets'ǫ̀ hadı, “Ełèchǫekèa chǫ wheke. Eyı dǫ nàke xàɂaa gı̨ı̨lı̨ ha sìı ełek'èch'a agı̨ı̨t'e ha. Įłè gonahk'e elı̨ ha, eyıts'ǫ ǫhdah sìı edechı gha eghàlaeda ha,” yèhdı.

Dànì Kèhoį̀wo 25:23 ပူးပေါင်းရင်းမြစ်များ

Dànì Kèhoį̀wo 17:16

Wexè sìghà hòɂǫǫ̀ ahłe ha. Ededı̨ nezaa nìhtè ahłe ha hǫt'e. Dǫ xàɂaa łǫ gha gomǫ elı̨į̀ awehłe ha, wets'ıhɂǫ̀ k'àowocho łǫ gǫ̀hłı̨ ha, hanì wexè sìghà hòɂǫǫ̀ agohłe ha,” Nǫ̀htsı̨ Abraham ts'ǫ̀ hadı.

Dànì Kèhoį̀wo 17:4

“Sı̨ sìı dıı nàowo nàtsoo nexè whıhtsı̨ hǫt'e: Dǫ xàgeèɂaa łǫ gıcho nelı̨ ha.

Dànì Kèhoį̀wo 24:60

Naetła kwe yatı nezı̨ı̨ Rebekah ghàgı̨ı̨ɂǫ, hagedı, “Godè, nets'ıhɂǫ̀ǫ-dǫǫ̀ łǫ t'à łǫ welè. Dǫ godzagı̨ı̨hwhǫǫ sìı gonahk'e gı̨ı̨lı̨ welè,” gedı.

Dànì Kèhoį̀wo 25:24

Hòt'a weza gıgǫ̀hłı̨ ha nìkw'o ekò ełèchǫekèa dǫzhìa nìı̨la.

Dànì Kèhoį̀wo 25:27

Eyı chekoa geèzǫ, ǫhdah gı̨ı̨lı̨į̀ agejà. Esau t'aa nàzèe-dǫǫ̀ elı̨ gha nàghò. Ekìı-ka nàzè wegha nezı̨. Ekò Jacob t'aa hotıı̨t'ee-dǫǫ̀ elı̨, edekǫ̀ wheda zǫ lanì.

Dànì Kèhoį̀wo 27:29

Dǫ xàɂaa łǫ negha eghàlageeda welè, nets'ǫ̀ nàgògııhgè welè. Nechı gıts'ǫ̀ k'àı̨wo welè, eyıts'ǫ nemǫ wets'ıhɂǫ̀ǫ-dǫǫ̀ hazǫǫ̀ nets'ǫ̀ nàgògııhgè welè. Amìı nets'ǫ̀ hoìla ha gı̨ı̨wǫǫ sìı gıts'ǫ̀ hoìla agode ha, eyıts'ǫ amìı nexè sìghà agı̨ı̨wǫǫ sìı gıts'ǫ̀ sìghà agode ha,” Isaac hadıì edeza Jacob k'eèyaı̨htı.

Dànì Kèhoį̀wo 27:33

Isaac sıì dèhyeh t'à wets'ehłı̨į̀ lajà, hadı, “Amìı nàwhezè t'à bò seghàı̨dì nǫǫ̀? Goyaneetła kwe weghǫ shèhtı̨ tł'axǫǫ̀ yatı nezı̨ı̨ t'à wek'eèyaehtı ı̨lè. Eyı ts'ıhɂǫ̀ hòt'a łǫ̀ǫ̀ wexè sìghà hòɂǫǫ̀ agode ha!” edeza èhdı.

Dànì Kèhoį̀wo 27:37

Isaac edeza Esau ts'ǫ̀ hadı, “Negha k'àowo elı̨į̀ awèhłà, eyıts'ǫ wèot'ı̨ hazǫǫ̀ wecheekeè gı̨ı̨lı̨ ha nìyaehtı. Dèè gots'ǫ tł'olà eyıts'ǫ jìecho t'à nezı̨į̀ eda ha wèehsı̨. Eyıt'à negha ayìı dàhłà lì?” wetà yèhdı.

Dànì Kèhoį̀wo 27:40

Behcho t'à eghǫǫ-dǫǫ̀ nelı̨ ha, eyıts'ǫ nechı wetł'a wheęda ha. Hanìkò nǫǫde-ı̨dè nets'ǫ̀ k'àowo ha-le newǫ nı̨dè wetł'a xàątła ha,” wetà yèhdı.

Dànì Kèhoį̀wo 32:6

Godı-k'egeɂaa-dǫǫ̀ Jacob ts'ǫ̀ nǫǫ̀gı̨ı̨de ekò hagıìhdı, “Nı̨ı̨de Esau wets'aɂı̨, dıì-t'ıì nets'ǫ̀ etłe, eyıts'ǫ dǫ dı̨akw'eènǫ (400) gıxè at'ı̨,” gıìhdı.

Dànì Kèhoį̀wo 33:3

Jacob ededı̨ gonakweè naetłe. Edı̨ı̨de ts'ǫ̀ nıwà-lea ajà ekò łǫ̀hdı̨ eht'aà wekwì dèè xèedì ts'ǫ̀ yets'ǫ̀ nàgòı̨hgè.

Dànì Kèhoį̀wo 36:31

Israel got'ı̨į̀ ts'ǫ k'àowocho gòı̨lè kwe Edom nèk'e k'àowocho gı̨ı̨lèe sìı dıı hagìyeh:

Dànì Kèhoį̀wo 48:19

Hanìkò wetà į̀le yèhdı, “Wek'èehsǫ ne seza, wek'èehsǫ ne. Ededı̨ sìı dǫ ı̨łè xàɂaadeè elı̨ ha, eyıts'ǫ wets'ıhɂǫ̀ǫ-dǫǫ̀ łǫǫ̀ ade ha. Hanìkò wechı sìı yenahk'e elı̨ ha eyıts'ǫ wets'ıhɂǫ̀ǫ-dǫǫ̀ xàgeèɂaa łǫǫ̀ ade ha,” yèhdı.