Dànì Kèhoį̀wo 25:18 - Nǫ̀htsı̨ Nı̨htł'è

¹⁸ Wets'ıhɂǫ̀ǫ-dǫǫ̀ sìı Havılah nèk'e gots'ǫ Shur nèk'e hagǫǫwa ts'ǫ̀ nàgedè agejà. Kǫ̀ta Ashur ts'ǫ̀ ts'adè nı̨dè Egypt nèk'e ts'ǫ̀ nıwà-le agǫ̀ht'e. Hanìkò wets'ıhɂǫ̀ǫ-dǫǫ̀ ts'èwhı̨į̀ ełexè nàgedè ha dìì.

Dànì Kèhoį̀wo 25:18 ပူးပေါင်းရင်းမြစ်များ

Dànì Kèhoį̀wo 10:29

Ofır, Havılah eyıts'ǫ Jobab. Eyı hazǫǫ̀ Joktan weza agı̨ı̨t'e.

Dànì Kèhoį̀wo 10:7

Dıı Kush weza agı̨ı̨t'e: Seba, Havılah, Sabtah, Ramah eyıts'ǫ Sabteka. Dıı Ramah weza agı̨ı̨t'e: Sheba eyıts'ǫ Dedan.

Dànì Kèhoį̀wo 13:10

Lot kǫ̀ta Zoyar ts'ǫ̀ dèè hazǫǫ̀ k'e k'eet'į̀. Jordan deh nıɂàa gà dèè hazǫǫ̀ wek'e tı at'ı̨ t'à dèè nezı̨ı̨ wègaat'ı̨. Gots'ǫ̀ K'àowo wets'ǫ dèè-wèdaat'ı̨ı̨-k'è lanì xègaat'ı̨, Egypt nèk'e lanì xègaat'ı̨. (Gots'ǫ̀ K'àowo, kǫ̀godeè nàke Sodom eyıts'ǫ Gomorah gòyeh godıhòèhtsı̨ kwe hagǫ̀ht'e ı̨lè.)

Dànì Kèhoį̀wo 14:10

Eyı shìhge dèè nıɂàa Sıdım gòyeh sìı ekǫ kwedzeè k'è łǫ gòla, eyıt'à kǫ̀ta Sodom eyıts'ǫ kǫ̀ta Gomorah gots'ǫ k'àowocho kwı̨geèhde ekò gıts'ǫ eghǫǫ-dǫǫ̀ mǫ̀hdaa kwedzeè k'è gòlaa goyìı gı̨ı̨tł'ı, eyıts'ǫ mǫ̀hdaa shìhta ts'ǫ̀ kwı̨geèhde.

Dànì Kèhoį̀wo 16:12

Dǫ wekwì nàtsoo elı̨ ha. Dǫ hazǫǫ̀ k'èch'a eda ha, eyıts'ǫ dǫ hazǫǫ̀ gık'èch'a geeda ha. Eyıts'ǫ edèot'ı̨ hazǫǫ̀ gok'èch'a k'ehoɂa ha,” yak'eet'ı̨į̀ yèhdı.

Dànì Kèhoį̀wo 16:7

Gots'ǫ̀ K'àowo weyak'eet'ı̨į̀ ekìı-ka nèk'e tı-xàewìı gà yegòhɂǫ. Eyı dèè goyìı tı-xàewìı sìı kǫ̀ta Shur gòyeh ts'ǫ̀ tı̨lı nıɂàa gà hǫt'e.

Dànì Kèhoį̀wo 2:11

Dehcho t'akwełǫ̀ǫ̀ sìı Pıshon wìyeh. Eyı dehcho Havılah nèk'e sǫǫ̀mbaekwo gǫ̀hłı̨ı̨ sìı ekǫ nèk'e welǫ ts'ǫ̀ nı̨ı̨lı̨ hǫt'e.

Dànì Kèhoį̀wo 20:1

Abraham eyı nèk'e gots'ǫ naèhtła, Negev nèk'e ts'ǫ̀ ajà. Kǫ̀ta nàke Kadesh eyıts'ǫ Shur gòyeh goge nàı̨dè. Kǫ̀ta Gerar ekǫ sìghaı̨waà ts'ǫ̀ nàı̨dè.

Dànì Kèhoį̀wo 21:14

K'omǫǫ̀dǫǫ̀ ts'ǫ̀et'ıì Abraham weghǫ shèts'ezhee deyèyı̨ı̨wa eyıts'ǫ tıwò yìı tı yı̨ı̨htł'ı, Hagar nayage gha yek'e nèyı̨ı̨wa, hanì dǫzhìa xè xàyeèhɂà. Ekìı-ka nèk'e Bersheba gòyeh ekǫ hok'èezǫ-le k'etło.

Dànì Kèhoį̀wo 21:21

Ekìı-ka nèk'e Paran nàde ekò wemǫ Egypt nèk'e gots'ǫ ts'èko yeghaį̀hchì.